بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم حبيباتي منو خذا اختبار Gmat
ابيكم تفيدوني شلون استعد و شولن ادرس
معتمدة عليكم
السلام عليكم حبيباتي منو خذا اختبار Gmat
ابيكم تفيدوني شلون استعد و شولن ادرس
معتمدة عليكم
شريت كتاب من المكتبة اللي بالمثنى تحت و درست ابروحي والحمدلله نجحت..
هم تقدرين اتسويين سيرج بالانترنت و تطلعلج وايد سايتات فيها طريقة الامتحان و نماذج من الاسئلة..
و الله ايوفقج ان شاء الله
بالنسبة لامتحان الجيمات..انا شريت كتابين من المكتبة اللي بالمثني و درست منهم ..بس درست عدل و بضمير حليت كل الاسئلة..انا ركزت على الرياضيات لأني شاطرة فيه و اضمن جزء اتييبين فيه درجات..و بعدين انتي لما اتسجلين للامتحان في اميدست يعطونج كتيب تعريفي يفضل انج تقرينه عدل.. و الله ايوفقج..
الكتاب الاول Math Review: GRE, GMAT, MCAT 1st ed (Peterson’s GRE/GMAT Math Review)
و بالامازون علشان اتشوفين صورته http://www.amazon.com/Math-Review-GM…0422663&sr=8-2
الكتاب الثاني Kaplan GMAT, Fifth Edition: Higher Score Guaranteed
و بالامازون http://www.amazon.com/Kaplan-GMAT-Fi…0422818&sr=1-1
يمكن طبعات الكتب قديمة بس انت دوري الايدد لأني انا ممتحنة الجيمات في 2002
بس الجيمات المعترف فيه الي من نيوهرايزن او هيومن سوفت وهالحجي من سايت http://www.mba.com
فمادري
وانا ودي امتحن بس يبيله مجابل والانجليزي ماله صعب
فماحاولت ادرس لان يبيله انجليزي وايد مو بس رياضيات
بس والله شجعتيني
يبيله
واذا ممكن تفيديني شلون درستيله بروحج شنو كنت تسويين
اول مره اسمع في؟؟
3 مرات امتحنته
وماخذه دورتين فيه
ومتفوقة بعلوم ادارية – تسويق
والتوفل نتيجتي حييل عالية الحمدلله
الا هالامتحان!!!!
مااااااااااني قادرة عليه
وقصته طويلة عريضة
فهمت شالمطلوب منه بس شكله مالي نصيب بالدراسة!
اعلى نتيجة يبتها الفرق بينها وبين النتيجة المطلوبة بجامعة الكويت = سؤال واحد فقطططط
اخ بس
لاتذكروني
الي جادة وتبي معلومات اكثر تراسلني عالخاص واكلمها
انا مثل ما قلت قبل درست من الكتب ..بس درست بضمير عدل..يعني تقريبا يمكن 3 اسابيع..ترا الامتحان مو هين يبيله دراسة جدية…انا اعرف بنات خذوا دورات في منهم نجح و في منهم سقط..اذا كنت من النوع اللي ما ايعرف يدرس ابروحه الافضل ياخذ دورة..الجامعة اتسوي دورات هم اميدست..
و ان شاء الله كل واحدة تنجح فيه..
وبعرف شنو بعد ايي فيه؟
ياليت شرح مفصل عنه ماعليكم امر
هو اللي عرفته ان مخصص لتخصص البزنس عدل؟
واقدر اخذه بالجامعه؟ وبجم؟
بس الانجليزي قثه!
واهوا مطلوب للي بتكمل دراسات عليا في البزنس سكوولز
والنتيجة المطلوبة 450 ولا يمكن يتنازلون لاي درجة اقل >> جربتها
والي يحر بالامتحان ان كل ما عدتيه كل ما صار شووووي مستواه اصعب من اللي قبله
لانه يتسيف (عالميا) ان فلانة الفلاني هذا ثالث مرة تمتحن
الامتحان نصه انجليزي ونصه رياضيات
مدته ثلاث ساعات ونص
وفي رايتنق (موضوعين) بس مو مطلوب حق جامعة الكويت وحتى لو كتبتيه ما يأثر على النتيجة الا 5%
فالعادة الكل يسويله سكب – كل رايتنق له نصف ساعة فقط
يبدأ الامتحان باسئلة الرياضيات – بعد الرايتنق طبعا
والاسئلة مجموعها 37 سؤال لمدة ساعة وربع
والانجليزي 41 سؤال لمدة ساعة وربع كذلك
التركيز على الاسئلة الاولى بالعادة
يعني كل ماحليتي اسئلتج الاولى صح
كل مارفع درجتج
وكل ماحليتي خطأ كل ماصار صعب انها ترتفع على اخر الامتحان
الامتحان يقدم بنيو هرايزن على كمبيوترات ومراقبة بكاميرات متوصلة مع معهد بامريكا
في بريكات لمدة 10 دقايق
الامتحان يبيله دراسة ودورات
وفي دورة ممتاااااااااااااااااااااازة تقدمها كلية العلوم الادارية 3 شهور ب300 دك ويقدمها احسسسسن الدكاترة
ومالت تنمية المجتمع مال الجامعة مختصرة جدا
اسئلة الانجليزي اختياري وكل الاختيارات صح! بس مطلوب الاصح
>> يا كرههم
السالفة مماااارسة وحل اسئلة
وفي برنامج ممكن تجابلينه ساعتين ونص وتحلين الامتحان كامل بغرفة مسكرة ومن غير ازعاج ويطلعلج النتيجة
عالاقل تعرفين مستواج قبل لا تاخذين دورات او تشترين كتب
وهالبرامج تلقونها بالنت بس بحثوااا
وكذلك دوروا بجرير ومكتبة المثنى كتب مسائل الجيمات ومع سي دي اسألة
والله يوفقكم
شدوا حيلكم
بضغطة زر تطلعلج النتيجة
يمااا شعور يخرع