بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
هاي بنات
ابي اسأل شرايكم شنو الافضل جامعة الخليج gust و لا التربية الاساسية ؟؟
شلون تخصص الانقلش عند الخليج
لاني كنت بالجامعة و اضطريت اني اروح التربية الاساسية و حدي لايعة جبدي منهم
و اذا رحت gust اقدر اصير مدرسة و لا صعبة؟؟
هاي بنات
ابي اسأل شرايكم شنو الافضل جامعة الخليج gust و لا التربية الاساسية ؟؟
شلون تخصص الانقلش عند الخليج
لاني كنت بالجامعة و اضطريت اني اروح التربية الاساسية و حدي لايعة جبدي منهم
و اذا رحت gust اقدر اصير مدرسة و لا صعبة؟؟
ليش لايعه جبدج منا؟؟
انا برايي دام تبين تاخذين راينا
التربيه الاساسيه ماااااااااي ماكو اسهل منها والكل يمدحها
يعني لا كرف بالدراسه ولا شي
وي ووين تلاقين ماده تكرفين فيها صراحه يمكن بالسنه تلاقين 3 مواد بالكثيييييييييير صعبات ويبيلهم مجابل
ودكاترتنا وايد يمشووون ويراعون إلا الحالات الشاذه
واذا لايعه جبدج من المكان ترى معاج حق يلوع الجبد حيييييييل
بس على فكره على 2017 بنشيل هههههههههههه
بنروح انشالله مبنى يديد وكشخه ورزه يعوضنا ايام الضيم
وشكرا
اهي من ناحية سهلة حدها سهلة بس ما ادري ليش مو متقبلة المكان
يعني ما تدرون اذا شهادة جامعة الخليج اقوى منها و مستواها احسن؟؟ يعني بالوظيفة سامعة انه الحكومة و القطاع الخاص يفضل الجامعة على التربية الاساسة صح هالكلام و لا لأ؟؟
لهم مكان خاص للوظايف
يعني خريجات التربيه الاساسيه على طووول تتوظف حكووووومه ماينطرونج كلش ملش
كل الي يصيرون لي بسرعه مشالله اشتغلو ,,, الخاص مادري عنها ,,,
واذا على المكان قلت لج انشالله السنه اليديده بنشيل بنروووح فيلا ^_^
انتي قضي وقتج بس محاظرات
واذا فراغ قزريها بالمول نفسي انا وشلتي مانحب نقعد هناك لوعه ^_^
اهي من ناحية سهلة حدها سهلة بس ما ادري ليش مو متقبلة المكان
يعني ما تدرون اذا شهادة جامعة الخليج اقوى منها و مستواها احسن؟؟ يعني بالوظيفة سامعة انه الحكومة و القطاع الخاص يفضل الجامعة على التربية الاساسة صح هالكلام و لا لأ؟؟
جامعة الخليج تدرسج رياضيات ومواد صعبه غصبن عنج والدكاتره نحيسين وهذا ويهي اذا مشيتي فيها انا مجربتها انا اللحين تخصص انجليزي بالتربيه الساسية ووايد مرتاحه
اختي كانت تربية اساسيه و شكثر كانت مرتاحه و تقول الدراسه سهله و حلوة و بعدين الشهاده مثل شهاده تربية الجامعه
وانا مثلج بجامعة الكويت و كنت ابي انجلش و لقيته موت صعب فكرت بالتربية الاساسيه لان سهل
بعدين ظليت بالجامعه بس غيرت الكلية بكبرها لوووووووول نحشة من الانجليزي
ادري قرقت واجد
بس ادري شلون انجليزي الجامعه صعب فما بالج انجليزي gust موووووووت << هذا اللي سمعته
و اذا كان على المبنى
ترى مومهم الشكل الاهم المضمون
و ان شالله قالولج البنات الممبنى الجديد قريب بتروحونله
والله يوفقج
و استيخري
ومثل ماقالو البنات كل شي سهل عندنا والجامعات الخاصة انا سامعه عنها صعبة وايد واذا ع المكان خلصتي محاضراتج وتوكلي عادي تتعودين
ههههه
و ترا انا ما اقصد المكان المبنى نفسه لأ, احس انه الجو العام للكلية مو حابته و حتى الدكاترة ما احس انهم ذاك المستوى في التعامل او في التدريس نفسه مو كلهم في منهم زينين
مشكورة حبيبتي
بس بسالج مستوى الدراسة صعب حيل و لا لأ ؟؟ يعني مثل الثانوية ؟
و شنو ما اقدر اتوظف بالتربية ؟يعني اقدر اصير مدرسة ؟؟
انا اقصد الدراسة يبيلها مجابل نفس دراسة الثانوي 12 ساعة باليوم و لا عادي؟
و شلون تخصص الانجليزي شنو المواد اللي اللي تاخذونها ؟؟
انا زينة بالانجليزي بس سوالف شكسبير ما شكسبير اخاف ما احبها؟؟