[I used to be Fat ]

[I used to be Fat ]

معناتها : لقد كنت متينه ,, وعيبتني الجمله وصرقتها

فيها نوع من التشجيع

السلام عليكم والرحمه . .

شحآلكم بطوطآآآت ؟ ان شاء الله بخير وسهآله

بس خلاص ستوب كفآيه لين متى بتم متييينه ودبدوبببه

واللي حوآلي غزآلان اسم الله عليههم

اليوم قررت افتتح يوميآتي الى طريق الرششآقه طبعا بفضل الله وبفضل تشجيعاتكم وارادتي

راح اقدر انزل وزني , ,

هالممره غير عن كل مره . . في شي من صميم قلبي يقولي اني راح اضعف

والحين راح افهمكم كيف راح يكون رجيمي . . الحمدالله ابد مو متعب و انا اللي اخترت الاكلات

وطبعا لي تجربه من قبل ونزلت بس للأسف مااستمريت و قسمت نظامي بارتين

(البارت الاول ) الاكل , ,

رجيمي يعتمد على وجبتين فقط يعني بس ريوق وغدآ .,

الريوق راح يكون

( توسست اسمر + جبن + عصير اناناس ) او ( بيض + اي نوع من العصاير ) يعني كل يوم شي

والغدا راح يكون

( سلطه مكونه من طماط وخيار وخس )
أو
( العيش مشخول بدون ملح مع الروب )
أو
( الشوربه ) . .

وطبعا بعد الساعه 6 ممنوع الاكل منعآ باتاآ , ,

غير شرب الماي والعصاير الطازجه عشان يقدر الجسم يطرد ويحرق الدهون لليوم الثاني

في بنات راح يقولون لي ان العيش يمتن بس اقولكم بدون مللح ويكون مشخول يعني على الطريقه

اليابانيه بدون اي زيوت او دهون , ,

( البارت الثاني ) . . الرياضه

واكثر شي راح اعتمد علييه الرقصص

لان وايد بنات اعرفهم ضعفو بالرقص واجسامهم استوت حييييل متناسقه والخصرر شاد شد

ماشاء الله . . وطبعا راح اركز على تمارين الزنود مع انهم مب وايد متان + تمارين الكرششه . .

وبجذي اكون وضحت رجيمي وطريقتي في سبيل الرشاقه

والحين راح احط معلوماتي

الطول : 170 سم
الوزن : 83 كيلو
بعد رجيم اسبوع : 80 كيلو يعني -2
الهدف الاول : 75
الهدف الثاني : 70
الهدف الثالث :65
الهدف الاخير : 60

دعوآتكم لي وتشجيعكم لي يحمسسني زيآده
وان شاء الله راح احطلكم كل شي بالتصوير وبالتفاصيل