Lipo 6 و Lipo 6x يالله بنات اهني التجمع :)(انتهت المده!)

السلام عليكم ورحمة الله وبركاته

في كذا موضوع قعدوا البنات يتكلمون عن هالحبوب Lipo 6 و Lipo 6x فا صارت المواضيع مسوية زحمة و الردود متشتتة .

خلونا يا اخواتي العزيزات نتجمع بهالموضوع عشان يصير الوضع اقوى

حبوب Lipo 6 و Lipo 6x

حبوب تساعد على حرق الدهون . تنباع في محل GNC و محل RESULTS

يعني فيه بسوق شرق و الافنيوز . و ما ادري وين بعد .

سعر Lipo 6 تقريبا 25 والله ناسية جم بس بهالحدود . العلبة فيها 120 حبة

طريقة استخدامه ، اول يومين تاخذون حبة قبل الفطور بنص ساعة ، و حبة قبل الغدا بنص ساعة

بعدين عقب هاليومين ، تاخذون حبتين قبل الفطور بنص ساعة ، و حبتين قبل الغدا بنص ساعة

لا تكثرون اكثر من 4 حبات باليوم . فيه ناس يقولون 6 حبات باليوم لالالالا غلط غلط !! اللي يبيع بالمحل يقول ما يصير اكثر من 4 حبات حتى مكتوب بالعلبة بخط عريض ان هالمنتج ما تاخذون منه اكثر من 4 حبات باليوم . انتبهوا .

بس لازم تلعبون رياضة ، لأن هالحبوب تعطي طاقة ( و فعلا انا حسيت فيها وايد ) قمت وايد احووس و عندي طاقة اسوي اشياء وايد و صرت انشط من قبل ( الحمد لله ، قولوا ما شاء الله )

فا لازم تلعبون رياضة مثلا نص ساعة مشي سريع . او تتحركون مو كله قاعدين مجابلين الكمبيوتر .

لأن اذا ما لعبتي رياضة و ما تحركتي ، ما راح تنامين عدل .

و شربوا ماي

انا هالايام بديت اجرب Lipo 6 و حيل مستانسة عليه ( الحمد لله )

اللي يبيع بالمحل سألته شالفرق بين Lipo 6 و Lipo 6x ، قال دام انج يديدة ما استخدمتيهم من قبل فا الاحسن انج تبدين تستخدمين Lipo 6 و بعدين اذا حسيتي ان النتايج مو عدل عقبها تجربين Lipo 6x بس لا تجربين 6x و انتي بعدج ما جربتي 6 . اللي فهمت منه ان عشان الجسم ما يتعب .

انصحكم خواتي انكم تجربونه

الله يحفظكم و يوفقكم .

اتمنى انكم تدعون لي ان الله يحقق اللي ابيه ، لا تحرموني من صالح دعواتكم خواتي .

و السلام عليكم ورحمة الله وبركاته