الوسم: التاسع

انا توني بدايه التاسع بس اليوم كنت داشه الحمام وله اتصروع ببجري ماشفت جذي شفت انه نازل علي دم خفيف حيل فاتح بس ماكو عوار وله طلق وله شي قلت خل انطر لي الليل نطرت وكل ماروح الحمام تكرمون اشوف بالكيرفري دم خفيف حيل طمنوني شنو هذا بالضبط اروح المستشفى وله انطر

قو ة ياحوامل انا دشيت شهري التاسع بس معايه عوار في الحوض واحس ان عظمي بتفكك :eh_s(2)ورجلي اليمني لما امشي احس انها راح تنفصل عن الحوض مدري شنو السبب ؟ياليت تفودوني وجزاكم الله خير……:

وااااي والله صار لي 3 ايام اصلي استخاره ماني عارفه اقرر وين بولد

1- عند دكتورتي امل عبد العزيز بالسلام اللي اراجع عندها من اول ما حملت واهيا امولدتني قبل سنتين برويال حياه بس كلش ماني طايقه السلام اذا بولد فيه علشان الدكتوره واحسه غالي علي الفاضي حتي مو راقي الدكتوره تاخذ 400 + الغرفه + التآمين .

2- عند اي دكتوره برويال حياه حبيت المكان والولاده وغرفه الولاده والعنايه كان حظي وااااايد زين مع السسترات الحمدلله واسعارهم زينه بالنسبه لي وكمامهم حلو ويعطوني ابره انام بعد الولاده وعلى طول يسوون عرض علي الغرف وشي امجربته وراقي ومريح اخذت قبل سنتين ليلي طلع حسابي كااااااامل 650

3- واخر شي فكرت بالاحمدي الكل يمدح وانا امجربه ولادتهم قبل بس هالمره الميزانيه مو شاده حيلها معاي فقلت السسترات يهبلون واخذ ابره ظهر والله ان شاء الله يسخر لي غرفه خصوصي مع ان بالمستشفي كلها ماكو الا 3 غرف خصوصي وفي غرف فيهم سريرين وحمام داخل ومرات يصادف تكون مريضه وحده بالغرفه والباجي عمومي

بس انا ناويه هالمره ان شاء الله اسوي عمليه تضييج فلازم اختار المكان المضمون اللي يجمع كل شي

اتهقون مستشفي الاحمدي يسوون تايتينغ تضييج كامل من الداخل والخارج لان مو امفكره احمل بعد ان اراد الله الحمد لله على اللي عندي والله يقدرني اربيهم

بنات منو امجربه الدكتور عمرو بمستشفي الاحمدي رحت له طوارء قبل جم يوم كنت تعبانه وصعدوني الجناح
وياني الجناح باله وسيع وارتحت له مع اني اراجع بالسلام عند الدكتوره امل عبد العزيز وانا بالثامن قال لي احتياط اخذي موعد وراجعيني بالعياده بعد اسبوعين

فآشرايكم جني باخذ موعد وقلبي ارتاح له مع اني رافضه فكره الولاده بالاحمدي لاني امجربتها قبل 10 سنوات ما علامها شي بس كان عندي واسطه وحطوني بغرفه خصوصي بس لمن جربت الولاده قبل سنتين برويال حياه وشفت الفرق بالكمام والابره بعد ما اولد رااااحه ما احس بشي يخيطوني وكل شي وانا نايمه ….. اما الاحمدي مافي نووووم كل شي احس فيه الولاده والطلق والكمام خفيف واحس بالخياط وكل هذا وانا صاحيه ماتغمض عيني دقيقه واروح غرفتي وايون اهلي وانا قاااعده وما انام الا تالي الليل بس لمن سآلت الدكتور عمرو شنو نظام الولاده ماتغير لاني جربت الولاده بالخاص وحسيت بفرق لمن انا بعد الولاده هل بالاحمدي تعطون ابره او مثل قبل مفييييش ….. قال لا احنا نظامنا انجليزي نبي الام تحس بكل شي علشان تحس بالامومه بس في ابره الظهر نعطيها تخفف الطلق وماتحسين بشي وقت الخياط عاد انا ولا مره امجربتها

واااااي ادري فريت راسكم مليون سؤال بسؤال والله حايره وماني قادره اقرر والوقت قاعد يمر وباقي اسبوعين ادخل شهري

قلت ماكو الاخواتي يساعدوني بخبرتهم الله لا يحرمن منكم

مرحبا بنات

بصراحه هذي الحمله اللثاني لي عقب سنين
والاولي عمليه
م ادري وين أولد هل بالهادي او الامومه

ومنو الدكتورة الزينه

لأني أراجع المستوصف
ودشيت التاسع

تكفون والله محتارة