صباح الخير صبايا،،
شخباركم ؟
شو مسوين ؟
وياكم أختكم فرفووش من الإمارات
حبيت أشارك كم يومياتي ويا الرجيم و أبى تشجيع منكم
أنا ما أسوي رجيم بمعنى الكلمة لأني طالبة فالجامعة و ساكنة فالسكن الجامعي بس أخفف من آكلي
طبعا بتقولون ليش ما عندكم مطاعم فالسكن أو الكلية بقولكم انه أنا ما اكل أي شئ لانه تعودت فالبيت على اكل معين و ما تعودت اكل من المطاعم
و حبيت أخبركم معلومة أنا وحدة من استويت ما كد في حياتي كلت الفاست فوود من ماكدونلدز هارديز و غيره و لا أطيق شئ اسمه مايونيز و خردل و هالأشياء ،،
و مستحيل اكل دياي أو لحم من المطاعم لانه بعد تعودت فالبيت اكل اللحم و الدياي العربي اللي نربي عندنا فالمزرعة
سوري عالإطالة ،، المهم انا الحين أسوي رياضة و أخفف من آكلي
اولا : انا وزني 108.3 و طولي : 164
بتقولون غريبة وزنج جذة و انتي اتقولين وااااايد اشيا تزيد الوزن ما تاكلينها ،،،،،
بقولكم اني انا وحدة فيها تكيس فالمبايض بعيد الشر عنكم و قبل كنت ضعيفة يوم انا صغيرة من بديت ابلغ زاد وزني بشكل رهيب و الحين اتعالج و اخذ جلوكوفاج و هذا الدوا يشتغل عالاثنين الوزن و التكيس
انا بديت يوم الأحد اللي طاف بخبركم جدولي اليومي و كم نزلت
يوم الأحد و الثلاثا : لأنه دوامي يبدأ متأخر عالساعة 2 إذا قمت من وقت عالساعة سبع أخذ الحبة على الريق و اصبر نص ساعة و بعدها اشرب كوب حليب شاي (طبعا الحليب لايت) و أحيانا كروسون زعتر ( الكورسون نادر) و عقبها بساعتين أروح الجيم العب رياضة لمدة ساعة و ربع عالاجهزه و بعد الرياضة بساعتين تقريبا و أنا رايحة الدوام أخذ كوب أناناس طازج مقطع و آداوم لحد الساعة 5 بعد ما خلص دوام خذ بعد حبة و بعد نص ساعة أخذ لي أي شئ من المطاعم فالكلية ( مثلا من سب وي سندويش سلطة أو أخذ تبولة أو أخذ بس عيش و أحط معاه روب )
طبعا في هال يومين ما أتعشى لانه خلاص أكون شبعانة و اشرب فالليل قبل ما أنام كوب نعناع
يوم الأثنين و الاربعا : دوامي يبدأ الساعة 8 لما اخلص الكلاس الأول أخذ الدوا طبعا و بعد نص ساعة أخذ كروسون زعتر بعد و إذا ما حصلت يكون جبن و بعدها أكمل دوام و اخلص عالساعة 2 إلا ربع خذ بعد حبة و بعد نص ساعة أخذ لي أي شئ من المطاعم فالكلية ( مثلا من سب وي سندويش سلطة أو أخذ تبولة أو أخذ بس عيش و أحط معاه روب ) و الساعة 4 العصر أروح بعد الجيم و العب اكوا ايروبيك لمدة ساعة بالضبط ( الاكوا بديته هالاسبوع )
أما يوم الخميس : طبعا ما يكون عندي دوام أقوم الصبح و أروح العب رياض عاأجهزة بعد لمدة ساعة و ربع و لما ارجع بعد الرياضة بساعتين أخذ الحبة و عقبها بنص ساعة أما اتريق أو اكل بس أناناس و ما أتغنى يوم الخميس لانه نرجع البيت و إذا اتغديت و ركبت الباص جبدي تقلب و ارجع
و لما أوصل البيت أخذ سناك خفيف و العشا يكون بعد خفيف مثلا ( خبز رقاق و لبن أو سلطة )
يوم الجمعة المغرب أروح امشي و اكل وجباتي الثلاث عادي بس بقياس
أما السبت ما أسوي فيه رياضة لانه ما يكون عندي وقت أكون راجعه فيه السكن اطلع من البيت الساعة 2 و نص الظهر و أوصل السكن الساعة 5 العصر تقريبا
و الماي تقريبا اشرب 5 دبب ماي صغيرة فاليوم
مع هالجدول :
يوم الاحد لما وزنت وصل وزني 105.3
و عقبال ما انزل زيادة
يلا بنات أبي تشجيعكم
و اسم حولي عالإطالة و تقريبا كل أسبوع بدش أخبركم كم صار وزني أن شاء الله