الوسم: النسبة

صباح الخير

تذكرون موضوعي الفضفضة اللي تكلمت فيه قبل جم يوم عن زوجي وتصرفاته وطلعاته وخصوصا نومته في بيت رفيجه ؟

اليوم اكتشفت شي من خلال تلفونه يوم عرفت رقمه السري وقريت بعض المحادثات بينه وبين رفيجه ساس البلا

اكتشفت ان رفيجه عند شقه و انه يشرب و يواعد بهالشقة ! حسبي الله ونعم الوكيل

عرفتوا ومهيئ جو وناسه بهالشقه الملعونة يعني بليستيشن و وناسه وجذي

ومن كلامهم عرفت ان زوجي ما يشرب للحين بس يروح يجابله م عاد مادري اللي فهمته صح ولا لا !

احترت ياربي شسوي

انا عندي رقم بيت رفيج زوجي ، فكرت ادق واكلم امه بصفتي فاعل خير وانبهها على سوالف ولدها لان الام هي المسؤوله بحكم وفاة والده !

شرايكم باللي فكرت فيه ؟؟ يمكن اهي تمسك ولدها وتوخره عن هالطريج ويوخر ريلي بعد

لان زوجي حيل متمسك برفيجه هذا

وهالرفيج من النوع البايعها وماخذ الدنيا لعب ووناسه وهم عنده السيوله

تكفون شووورو علي شسوي اخاف يزودها ويسبب لي ولعياله فضيحه الله لا يقول

ادق

ولا لأ

الله يجعل حل هالمشكلة عندكم

اسكت ولا شسوي

انصحوني بنات