united states of america – summer 2024

السسلام عليكم

اليوم حبيت انزل تقرير لـ سفرتنا في الصيف

وماتحمسست الا لما شفت تفاعلكم

ان شاءلله يعجبكم التقرير

بدأ التخطيط للرحله تقريبا من شهر 11 – 2024
حجزنا موعد السفاره لان السفاره كانت زحممه حييل المواعيد كلها فل
وكان الموعد في 27 – 2 – 2024
انتظرنا لين جات المقابلة والحمدلله عدا كل شي على خير والامريكي واللبنانية الي قابلونا شحلاتهم ولا احلى في التعامل
بديت اجهز الملابس والملافع وكل شي من شهر 3 لووول
كنت اشتري واخزن لين جا وقت السفر

وهذي الزياره الثالثه لنا لـ امريكا الوالد الله يحفظة كان من عشاق امريكا لانه دارس فيها واحنا طالعين عليه لووول

خلونا نطير لـ بلاد العام سام

خط الرحله :دمام – بحرين – لندن – واشنطن دي سي
خط العوده : واشنطن دي سي – امستردام – بحرين – دمام

وقت الرحله:1:30 AM
تاريخ الذهاب :23 JUL
تاريخ العوده : 28 AUG

طبعا كانت الرحله من مطار البحرين الدولي على الخطوط الهولندية K L M
طلعنا من الدمام الساعه 2 الظهر طالعين بدري ادري بس عشان الجسسر بيكون فل وكان يوم خميس
وظلينا 5 ساعات بالجسر

وصلنا المطار الساعه 7 وربع بالليل

المفترض ان الرحله تكون الساعه 10 ونص على الهولندية ويكون خط الرحله بحرين – كويت – امستردام – واشنطن

انتظرنا الكاونتر يفتح ولما فتح جات المفاجأه

الطياره اختربت والرحله الغيت

انا من سمعت ابوي قال جذي طبعا قلت لااااااااا طلعه من المطار ماني طالعه السفره اليوم يعني اليوم حراااااام مالي شغل

كانت معانا عائلة حساوية وخلو حجزهم لليوم الثاني وعطوهم ليلة بفندق
احنا طبعا ماكنا نبي يوم ثاني كنا نبي بنفس اليوم عشان حجوزات السياره والفنادق وصارت لوية لين الساعه 11
وقالوا لنا لقينا لكم حجز ع طيران الخليج
وبيكون خط الرحله بحرين – لندن – واشنطن
والحمدلله كانت خيره لنا الظاهر المفروض يكون ترانزيت امستردام انتظار 8 ساعات طبعا كنا كارهين هالشي بس مالبيد حيلة
والحين في لندن الانتظار 4ساعات

والاقلاع بدل مايكون 10 ونص صار 1 ونص والحمدلله كل شي كان اوك

طبعا انتظرنا وتعشينا وجلسنا بكوفي شوب لين طار الوقت وجا وقت الاقلاع
وصارت اماكن الجلوس ملخبطه كل واحد بصوب
وشاء الحظ يكون يمي امريكي وقلنا بعد الاقلاع نشوف نرتب الوضع

ولما جا ابوي يقولة لو ممكن يبدل بالاماكن مارضا الامريكي واستسلمت للأمر الواقع وجلست 6 ساعات يمه وانا فيييني النوووم بس ماقدرت انام ويمي احد غريب

نبتدي اول صورة من الجو

ملاحظه : الاسم الي مكتوب ع الصور نكي الثاني بالمنتديات بس عشاني بحط التقرير بأكثر من منتدى

هني وصلنا لندن وكنا رايحين لـ تيرمنال 4

بعدين اخذنا لنا كروسان وعصير برتقال فرش من ستار بكس ووفطرنا وظلينا ننتظر الحمدلله الوقت مشى بسرعه

اكمل لكم بعد ماشوف تفاعلكم المنتدى مو مخليني احط صور اكثر لوول