ৣ¯ˉ”—ـ…‗_●طريقة حلوة وسهلة لعمل باستا الدجاج والمعكرونه ●_‗…ـ—“ˉ¯ৣ

السلام عليكم

صباحكم / مساكم ورد وياسمين

اليوم سويت اكلة سهلة ولذيذة بنفس الوقت

وطبعا الطريقة ماخذتها من العضوة *الغالية* يعطيهاا الف عاافية عالوصفة

هذا رابط موضوع الغالية

http://www.q8yat.com/t950304.html

بس انا غيرت شوي بالمقادير

صدر دجاج من غير عظم
معكرونه على شكل اصداف
بصل – ثوم – مكعب ماجي – معجون طمام – اريغانو – كمون – كركم
صلصة باربكيو للدجاج – علبة مشروم مقطع – صلصلة المعكرونه الايطالية
2 جيس جبن مبشور – علبة كريمة كي دي دي او المراعي

الطريقة

نقطع الدجاج الى قطع صغيرة على شكل مكعبات

نضع الدجاج بالماي الى ان يطبخ
وهذا شكله بعد ما انطبخ

وبعد ذلك نضع قليل من الزيت بالتاوة الى ان يسخن وبعدين نحط البصل لما يحمر نضيف له الدجاج والثوم والبصل والفطر وقليل من الكمون والكركم ونقلبهم مع
بعض وبعد ذلك نضيق مكعبين ماجي و3 ملاعق معجون طماط

ونقلبهم بشكل مستمر لما يصير لونه مثل اللي بالصورة

وبعد ذلك نضيف عليه الجبن المبشور جيس كامل الى ان يذوب

ولما يذوب نضيف صلصة الباربكيو ملعقتين كبار
وعلبة كاملة صلصة المعكرونة الايطالية وكريمة كي دي دي لما يصير لونه مثل الصورة
بجذي خلصنا من الصلصة

وطبعا قبلها يكون طابخين المعكرونة ومجهزينها ولما تتطبخونها بالماي حطوا ملعقة كبيرة زيت داخل الماي ونص ملعقة كبيرة ملح و بعد ما تنطبخ نصب عليها كوب ماي باارد عشان ما يلزقون فبعض

وبعد ذلك نحط المعكرونة

ونصب فوقهاا الصلصة اللي سويناهاا

ثم نضع جيس كامل جبن مبشور

وندخلها الفرن لمدة ربع ساعة لما يستوي الجبن ويحمر

وهذا شكلها النهائي بعد ما خلصت