أثاث فرساتشي قمة الفخامة لذوقكم الفخم الحلو

قوة بنات اليوم جبتلكم أثاث وديكور من فرساتشي..

صراحة شي واااااااااااااو ويهبل وتستاهلون تاخذون منه أفكار… ..

وأبي كل وحده تحط رايها وأكثر شي عجبها ونتناقش شنو الفكرة الي عجبتنا أكثر شي والتصميم الحلو..

يالله نبلش

………..

طبعا بهالصورة الزرع معطي حياة مو طبيعية والورد يحسسني ان الحياة حلوة..بس طبعا يبيله عناية خاصة..

القنفة حدها انتيك والأبجورة تنوع الألوان الي فيها متناسب مع لون القنفة لأن كلهم بدرجات هادية..

حده عاجبني بهالفترة السرير الي نظامه ياباني ويكون واطي جنب الأرض مادري حاسته موضة ويجمع البساطة مع الأناقة والفخامة..ومايحتاج نقول ان اللوحة هي الي تجذب ومعطية حياة وكاسرة حده اللون الذهبي ورسميته

أتخيل إن هالكورنر أفضل مكان له يكون بممر والكراسي الواطية حيل شكلها مميز ومودرن وكاسر شكل الديزاين الرسمي..وفازات الورد بالجهة المقابلة مايحتاج نقول إنها خيال وأعتقد هالورد الصناعي عالي الجودة الي يكون شكله حيل قريب للطبيعي…

اللوحة حيل كبيرة وتارسة الطوفة وأحسها أكثر شي مناسب للشطرنج لأن صراحة صعب الواحد يضبط شي على هالأرضية
بس هم أحس المنظر جريء ومتعب للعين ويبيله جو خاص أو ناس لهم ستايل قوي وحاد..

خبصة مو طبيعية خصوصا مع الرفوف الي ورا السرير .. مادري بس هالزحمة عجبتني..

أحلى شي شنو وشدني……؟
الثرية الي بالصورة يمين الصورة فوق

جاية رايت مع الأبيض وكاسرة البرود الي بالغرفة وطبعا مع الكوشيات كانت حدها واو

فخامة .. فخامة .. فخامة

أحس هالقعدة أحلى شي للي يحبون يقرون الكتب نفسي .. واااااااااو أحلى جو هادي وخاص حيل..
والإضاءة حدها رومانسية وتنفع مع جو الروايات

حتى كذا مرة شفت طاولات أساسها هو الكتب بدال الخشب..وجد حلوة والواحد يستفيد من الكتب الي عنده بدال لايتخزنون

كلاسيك ومتعارف عليه ماحس فيه شي مميز.. وشايفينه كثير

الستاير مع السرير معطين جو رومانسي وأكيد الكوشيات كاسرين هدوء الأبيض بس تصدقون شنو خطرلي ان هالبياض كله بيصير مصوفر وبيج وبني ودهن وبقايا خلطات ومادري شنو بما ان احنا مهووسين خلطات

حلوة درجة البياض بس أحس الصالة مافيها حياة..حسيت ان الدنيا مملة وكل شي روتين..

ها بنات شرايكم؟؟؟ وان شاء الله يساعدكم إذا كنتو قاعدين تأثثون وتبون أفكار..

وحياكم الله وناطرة ردودكم ورايكم..