بسم الله الرحمن الرحيم
7
7
7
7
7
7
7
7
7
7
7
شلونكم حبايبي
شخباركم إن شاء الله طيبين
بغيت أستشيركم عن تخصص أداب إنجليزي
بنات أنا شاطره بالإنجليزي و درجاتي بالفاينال من كنت بالحادي عشر مرتفعه يعني أقل درجه خذيتها 95 من 100
و أنا بنات شاطره بكل المواد تقريبا يعني نسبتي بالكورس الأول 89% بالثاني عشر
و إستشرت أبلتي بالحادي عشر عن رغبتي بهالتخصص و قالت لي دشي و ما عليج من أحد
و بعد سألت أبلتي بالثاني عشر و قالت لي نفس الشي
بس خواتي لهم راي ثاني شوفوا حواري معاهم
أنا : إن شاء الله راح أدخل تخصص إنجليزي شرايكم ؟
إختي :من صجج حده صعب و البنات اللي كانوا فيه كلهم توهقوا .
إختي الثانيه :لا لا دشي تربيه أساسيه و تخصص فنيه أحسن لج من عوار الراس .
فا إنتوا بنات شرايكم أهم شي إهوا صعب و لا سهل يعني نفس طريقه دراسه المدرسه و لا يفرق وااايد عنها
عموما أنا عن نفسي أفهم حيل للإنجليزي يعني أشوف أفلام تقريبا بدون ترجمه و الحين قاعده أحاول أقرا كتب إنجليزي
شرايكم شتقولوا عن وضعي أدخل هالتخصص و لا تنصحوني أدش شي ثاني و لا أروح للتربيه الأساسيه فنيه
و جزاكم الله خيرا
7
7
7
7
7
7
7
7
7
7
7
شلونكم حبايبي
شخباركم إن شاء الله طيبين
بغيت أستشيركم عن تخصص أداب إنجليزي
بنات أنا شاطره بالإنجليزي و درجاتي بالفاينال من كنت بالحادي عشر مرتفعه يعني أقل درجه خذيتها 95 من 100
و أنا بنات شاطره بكل المواد تقريبا يعني نسبتي بالكورس الأول 89% بالثاني عشر
و إستشرت أبلتي بالحادي عشر عن رغبتي بهالتخصص و قالت لي دشي و ما عليج من أحد
و بعد سألت أبلتي بالثاني عشر و قالت لي نفس الشي
بس خواتي لهم راي ثاني شوفوا حواري معاهم
أنا : إن شاء الله راح أدخل تخصص إنجليزي شرايكم ؟
إختي :من صجج حده صعب و البنات اللي كانوا فيه كلهم توهقوا .
إختي الثانيه :لا لا دشي تربيه أساسيه و تخصص فنيه أحسن لج من عوار الراس .
فا إنتوا بنات شرايكم أهم شي إهوا صعب و لا سهل يعني نفس طريقه دراسه المدرسه و لا يفرق وااايد عنها
عموما أنا عن نفسي أفهم حيل للإنجليزي يعني أشوف أفلام تقريبا بدون ترجمه و الحين قاعده أحاول أقرا كتب إنجليزي
شرايكم شتقولوا عن وضعي أدخل هالتخصص و لا تنصحوني أدش شي ثاني و لا أروح للتربيه الأساسيه فنيه
و جزاكم الله خيرا
واحلا شي الحقووق ومن بعده علوم اجتمااعيه تخصص علوم سياسيه سهل النجااح وحلووو التخصص
واحلا شي الحقووق ومن بعده علوم اجتمااعيه تخصص علوم سياسيه سهل النجااح وحلووو التخصص
هلا يا قلبي
صح أنا أدبي بس أموت على الانجليزي من و أنا صغيره يعني داش مخي و الحقوق حده عوار راس و ما أحبه مع إنه كليه
قويه مخرجاتها و العلوم الاداريه فكرت فيها إذا ما حصل لي الإنجليزي
مشكووووووووووورررررررررره على الرد
بس بغيت اسألج اجتزتي امتحان القدرات الانجليزي؟
بس آداب انجليزي شوي مكثف عليهم ،
واذا ناويه .. راح يكون عندج خيارين يا انج تتخصصين لغه أو أدب
معناتها اذا لغه راح تكون غالبية المواد اللي تاخذينها بالقواعد ومحتاجه فهم
اما الأدب فـ تكون غالبية المواد ادبيه ومسرحيه وقصص وشعر
الانجليزي اذا حابته فـ أنا انصحج تدشين ، لأن بالرغم من ان دراسته صعبه بس ممتعه بنفس الوقت
وراح تحتاجين تدرسين وتقوين لغتج أول بأول
وابداً ماهي مثل متابعة فلم اجنبي ، لأنها دراسه وراح تمر عليج مصطلحات غريبه وجديده ودكاتره اشكال والوان بعضهم لهجتهم مفهومه بعضهم لا وبعضهم اجانب ماتقدرين تتفاهمين معاهم الا بالانجلش
موضوع الدكاتره شي ثاني ، لأن اغلب دكاترة الانجلش قشريين ومزاجيين ويكرفون الا البعض منهم ، عشان جذي لابد تثبتين روحج بالمشاركه وبالحضور الدائم .. لأنهم كلهم يحبون الالتزام
بس والله الانجلش حلو ولي ذكريات حلوه فيه ، وقوى شخصيتي من نواحي كثيره
اللي حتى تمثيل مثلت وانا محد يستحي كثري :
ومن ناحية الصعوبه صدقيني كل تخصص صعب ، بس اللي يهون الموضوع انج حابه الشي ومستعده تعطين فيه .. فـ إذا حابته توكلي على الله
جم طلعت نتيجتج؟.؟؟
اذا على كلامج تفهمين الافلام بدون السبتايتل
انصحج فيه
بس ترا مو سهل وما يعتمد بس على معرفتج للغة
نفسه نفس باجي التخصصات
يعني كلنا نعرف عربي بس مو كلنا نقدر نتخصص ونعدي مواد تخصص العربي
استخيري والله يقدم لج اللي فيه الخير
انا تربية بس موادنا فيها ادب بس التركيز كله على اللينغويستيكس
اتوقع الادب تخصصين يا ليتريتشر يا لينغويستيكس
والمساند فيه ترجمة
بس لما تدشين التخصص و تدشين عالم الانجلش و تشدين حيلج شوي كل شيء يصير سهل !!! أنا وااااااااااااااااااااااااااااااااااااااااااااااااا اااااااااااااااااااااااااااااايد تغير مستواي بالانجلش و ارتفع حييييييييييييييييل لما دخلت التخصص و مو صعب بالعكس بس انتي شدي حيلج و اختاري الدكاترة الزينين خصوصا في البداية ،، حرام انتي تدرسين و يايبه نسبة آخر شيء تروحين تربية أساسية !! عيل ليش تعبانة على عمرج كل هذا
اخذي شيء مستقبله حلو و الإنجليزي مستقبلة روعه
and good luck ,, if u need any help don’t be shy to ask
بس لما تدشين التخصص و تدشين عالم الانجلش و تشدين حيلج شوي كل شيء يصير سهل !!! أنا وااااااااااااااااااااااااااااااااااااااااااااااااا اااااااااااااااااااااااااااااايد تغير مستواي بالانجلش و ارتفع حييييييييييييييييل لما دخلت التخصص و مو صعب بالعكس بس انتي شدي حيلج و اختاري الدكاترة الزينين خصوصا في البداية ،، حرام انتي تدرسين و يايبه نسبة آخر شيء تروحين تربية أساسية !! عيل ليش تعبانة على عمرج كل هذا
اخذي شيء مستقبله حلو و الإنجليزي مستقبلة روعه
and good luck ,, if u need any help don’t be shy to ask
^
امانو كلاامج ريحني لاني بحووول اداب انجليزي وانا مستواي مستوى ثانويه بس احب الانجليزي
وكنت خايفه ماااامشي فيه
إنجلش الآدآب صعب !
بس كل مآ سألت وحده عمومآ يقولون صح صعب بس تمشين فيه إذآ ركزتي ع الحضور
وحليتي الـ هوم ووركآت أول بـ أول ..
إنتي إستخيري وشوفي وموفقه إنشآلله :*
الله لا يحرمني منكم
أنا قدمت قدرات مرتين أول مره كان حده صعب و جبت 55
و قدمت ثاني مره و نجحت و جبت 69
و إن شاء الله راح أستخير
بس بعد أبي تجارب أكثر عشان أتشجع لأنه طموحي بعد ما ضاع مني حلم الطب
Amano
مشكوره حبيبتي و الظاهر راح تزهقين من أسألتي ما تخلص و إنتظريني بالخاص
و جزاكم الله خيرا
تخصص الانقلش جدا ممتع للي حابته
عن نفسي بعد معاناة 3 كورسات مع مقرر مقدمة بالادب 170 << وهو من شروط التخصص عندنا
سقطت فيه مرتين فكل اللي حولي حبطوني وقالو لي شوفي لج تخصص غيره .. ضيعتي عليج سنة كاملة ومن هالكلام
لكني حابة هالتخصص ومو شايفة نفسي بغيره فكملت وعدته للمرة ال3 .. وع قولتهم الثالثة ثابتة :d والحمدلله عديت
فنصيحتي لج .. دشي بقوة ولحد يهمج بالأخير انتي اللي بتقابلين الكتب مو هم
واي استفصار ( ع قولة د. حموز الله يذكره بالخير ) حاضرين للطيبين :d
جاو حتى حين
جيكي على الخاص
و مشكوررررررررررره
أخيرا لقيتج هني شلونج و شخبارج؟
طمنيني شسويتي و جم نسبتج ؟ ان شاءالله ترفع الراس
أنصحج دشي آداب انجليزي ترا التخصص قوي و حلو بس يبيله شوي مجابل و سهل للي يدرس نفس الكلام اللي قلت لج قبل
حرام تدشين فنية و أصلا دام نسبتج تدخلج الجامعه دشي الجامعه غيرج يتمنون يجيبون نسبة عشان يدشون الجامعه و انت ماشاءالله عندج النسبة و ما تبينها ! ليش؟ و ما عليج من أحد ترا محد أخذ الشهادة بسهولة و لازم تمر عليج صعوبات و التوفيق من الله سبحانه
توكلي على الله و سجلي و أي مساعده بخصوص المواد أنا حاضرة و إذا تبين أدزلج ايميلي على الخاص و أساعدج بكل شي
موفقة ان شاءالله