أفضل معالج للماء الأبيض

السلام عليكم أخواتي الكريمات
و مبارك عليكم الشهر مقدما و بعد

بصراحة مليت من حياتي اللي سبب ركودها الماي الأبيض اللي عندي من سنين طويلة (أكثر من 20 سنة) لا كملت دراسة و لا اشتغلت و ألحين عندي هالولد أبي أونسه و أطلعه دام أبوه لاهي عنه و عني تقريبا

أبي أزور الأحباب .. أتسوق و البي احتياجاتي و رغبات ولدي و أشيل الكلافة من أهلي … بس مليت الإتكال علاغير و من الأحلام اللي دايما تراويني إن الكل يتخلى عني و أتوسلهم أو أناديهم تكفون وينكم لا تخلوني
الخلاصة
أبي أتعلم القيادة و الحل يتم ان شاء الله على إيد جراح عيون ممتاز طالبته منكم الله يعافيكم و يحفظ لكم الأحباب و الأعزاز
كنت قبل أراجع عند دكتورة مايا الروسية من باع طويييييييل مع مراجعات فاشلة بين الفروانية و ابن سينا كانت نهاية مطافي فيها إجراء عمليتين وحدة في الهند و الثانية في بريطانيا و كانت العمليتين ناجحة بس الطبيب الهندي عالجني و هم تضررت تحت إيده بحيث كان هو سبب ظهور الماي الأبيض لإصابة أثناء العملية … على العموم راجعت عند الطبيبة و قالت عينج يبيلهه عملية مو أي أحد يسويهه و لو تروحين برة أحسن بس ما أقدر ماديا و اجتماعيا … و سوولي نظارة و عدسات نوعين بس ما ضبطت على نظري لاختلافات معقدة الله يكفيكم الشر … فطالبتكم خواتي تدلوني على أحسن طبيب أو جراح راجع عنده أي أحد من الأهل و تجربته لطفا اكتبوها و أخليكم ألحين بحفظ الله و رعايته