ألبوم الطفل من مرحلة الحمل إلى الولادة بكل الصور والخطوات

المشاركة الأصلية كتبت بواسطة ورده القصور

الالبوم اللي انا شايفتهم فيه كاتبه و اسئله بس تبدي من ولاده البيبي مو ابدايه الحمل هذوله شفتهم في بروي بس سألي عنهم وسعره على ما اظن بتسعه وشي وايد حلو شكله الغلاف جنه برواز صور بس اتحطين صور وايد وفيه بعد بستنر بوينت على دينارين ونص او 3 دنانير
وفي بعد مستشفى السلام الدور الاول مقابل الكافيه عندهم محل كله سوالف حق البيبيات وسألي عن الالبوم بس بدايه فيه طباعه تطبعين ارجول البيبي وتحطينها بالالبوم
وبالنسبه للفكره
انج اتشوفيلج محل تصوير فوتوغرافي وشوفي الالبومات اللي حق البيبيات سواء ازرق او وردي وانتي وشطارتج زينيه من بره واول صفحه حطي صورتج انتي وزوجج بالعرس وبعدها حطي ورقه التحليل الحمل وكتبي شعورج بهاليوم طبعا لا يوصف وبعدها حطي مواعيد مراجعاتج طول فتره الحمال و واللي بعدها سوناراتج بالتحديد حطي يوم شفتي وعرفتي جنس البيبي كتبي شعورج انتي وابو الشباب وصوري مشترياتج بس صوره جماعيه لتجهيزج و بعد حطي اي صوري بطنج في كل شهر وحطي يمه السونار عرفتي ترى فكره حلوه وحطي بعد مراجعاتج الطارئه في الطبيب ترى هم ذكرى وبعدها ان شاء الله ولادتج خلي احد اصورج وانتي نازله من البيت وانتي المستشفى وبدعي بالصور حتى غرفه الولاده صوريها وعاد شوفيلج احد اصور البيبي اول ما يطلع بحبله السري اب وصاخته يا حلاته حتى واها انظفونه ترى بصير عندج ذكرى مو طبيعيه عاد اكملج حتى غرفه استقبالج وشغلج وتجهيزج كله صوريه و بوكيهات الورد صوري كل شي ومن منو والبطايق لا تقطينهم حطيهم من ظمن الالبوم وصوري انتي و البيبي وابو الشباب واخذي صوره جماعيه مع اهلج ترى وناسه وبالنهايه ان شاء الله ما طولت عليج يا قلبي بس حابه اعطيج افكار