تخطى إلى المحتوى
الرئيسية » أنقذوني زوجي يبيني أكوي له غترته مثل المصبغة

أنقذوني زوجي يبيني أكوي له غترته مثل المصبغة

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم خواتي شلونكم….

انا محتاجه مساعده بطريقة كي الغترة والشماغ… أعرف انه لازم استخدم النشا المريتو وهالسوالف بس شلون مادري.. قبل لا أكوي والا عقب ماخلص وبس على الجفسة احط النشا؟؟؟
Please Help!

الوسوم:

10 أفكار بشأن “أنقذوني زوجي يبيني أكوي له غترته مثل المصبغة”

  1. inzou07
    الرد
    ههههههههههههههههههههههه

    العنوان ضحكني

    سهله حطي الغتره على طاولة الاوتي بعد ما تطوينها بالنص ورشي المريتو ثم بلشي كوي وبس وكثري المريتو على المرزم عشان يوقف واقلبي الغترة على الوجه الثاني ونفس الشي وتطلع تهبل جنج توج جايبتها من المصبغه

    موفقه

  2. chahinez
    الرد
    لا تلوميني أبي انقاذ لانه سألني قلت له افا عليك اعرف ونص .. واكويها لك احسن من المصبغه انته بس اشترلي مريتو باجر وانا اضبطك بالكواي

    شكرا عزيزتي على الرد ماقصرتي … يعني بس رش وكوي.. هذي السالفه وانا مختبه

  5. khouloud
    الرد
    1. بعد ما تغسلينها اكويها مربعة
    2. سويها مثلث
    3. رشي عليها ماي بس المكان اللي بتكوينه يعني الرش بالتدريج وابدي اكوي

    4. الحيين رشي المريتو واكوي مرة ثانية عليه

    بالنسبة لي زوجي ما يحب اجفسها فأخليها بس مثلث

    والله يكون بعونج

  8. hanan
    الرد
    اول شي اكويها كامله

    بعدين جفسيها على شكل مثلث
    وحطي بخاخ فيه شوية كمفورت وماي
    ورشي واكوي
    اخر شي رشي المريتو واكوي شوي صوب الجفسات
    وسلامتج

  9. madiha
    الرد
    أنا خدمه زوجيييييييييييييه طاااااااااش سنه وليما ألحين ما اعرف أكوي الغتره وكاسر خاطري بصراحه عالمصبغه

    أسوي نفس طريقتكم تتكسر صوب المرزم وإلا صوب المثلث لمن أجفسه …

    وعقب ما أسوي نفس طريقتكم بالضبط أرفعها ألاقي في أماكن الأوتي فيها مو شيء عيزت مو راضيه أتعلم

  10. chahinez
    الرد
    يعطيكم الف عافية عالردود صراحة ماقصرتو
    وبالنسبة للكمفرت مع ماي طريقه حلوة للتعطير استخدمها مع كل شي وتعلمتها من هني من المنتدى

    والوضع الحين اوكي مية مية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.