إلي يستعملون نظارة طبية يدشووون { تجمع مستعملات النظارة الطبية }

2. كم قياس نظرك : 2ونص او ثلاث أرباع ما أذكر .. بس كالعادة وحسب نصائح الطبيب خذيت نظارة أقل من نظري بنص درجة عشان ما يحوشني صدااع ..

3. من متى تستعملينها: أستعملها من 3 سنوات وشوي ..

4. وشلون تعتنين بالنظارة : أنا .. ؟! طبعا مااكوو عنااية .. انكسرت أكثر من مرة .. وياماا طاحت .. وما أنظفها إلا كل كم يووم .. وساعات لين تغبر وما أشوف فيها عدل ههههه ..

5. كل كم شهر تجددين النظارة : أنا أجدّد نظارتي على فترات غير منتظمة .. أحيانا أغير الإطار مع العدسة .. وأحيانا بس العدسات إذا تغير نظري .. بس العدسات كحد أقصى كل 10 شهوور تقريبا ..

6. هل تلبسينها دايما أم في أوقات معينة : أنا ألبسها دايما وفي كل الأوقاات .. ناادر أفصخها .. طبعا ما عدا وقت النوم والاستحمام والصلاة أو إذا بغسل ويهي ..

7. شنو كان شعورج أول ما لبستي نظارة : أول ما لبست نظارة كنت مستاانسة .. مع إن أهلي كانوا مستائين .. بس بعديين قمت أكرهها وأبجي عشان أفصخها بس ما أقدر .. ما أقدر أشوف بدونها ..

8. وإذا منزمان تستعملينها ، شنو يكون شعورج لم تروحين تسوين فحص يديد ويقولج الدكتور إن نظرج خف عن قبل : قبل كان ما يفرق عندي إلا إن أهلي راح يستاءون كل ما خف نظري .. بس آخر مرة حسيت إن عيووني تبي تدمع .. وزعلت .. لأنها الي فحصتني قالتلي راح يستمر نظرك بالانخفااض حتى سن 18 .. ( بس مو معناته إن لم يصير عمري 18 راح أنعمي لا .. يعني كل فترة بينخفض شوي حتى ال18 عام بعدين نظري راح يثبت على درجة وحدة ان شاء الله )

9. شنو ماركة نظارتج ؟؟ مع وصف لشكلها ولونها .. : أول مرة كانت شفاافة بدون اي علامة .. بعدين سويت وحدة زرقة من ( laperla ) ، بعدين وحدة سودة من ( chanel ) ، أما ألحين فهي بنية بدون إطار حوالين العدسة .. بس صوب الاذن سميك شوي وصايرة كأنها خشب بس اهية مو خشب طبعا وهي من ( bogner ) .. مسويتها من 4شهوور تقريبا .. وشكل العدسة مستطيل مع انحناء في الأضلاع ( هندسة يا بناات ههههه ) …

10 . هل جربتي أي عملية لتصحيح النظر ( ليزك ، ليزر … ) : طبعا لأ لأني أقل من 18 سنة .. بس إن شاء الله لم اوصل السن المحددة راح أسويها ..

11. هل صار لج موقف ما تنسينه مع هالنظارة : الحين ما أذكر .. بس إذا تذكرت شي راح أقوله بعدين ..

12 . والسؤاااال الأهم : ما رأيك بتسمية( أبو أربع عيون ) لمن يلبس نظارة : أنا ما أحب هالمسمى .. مو لأنه يجرحني .. لا ممكن أتقبل ساعات .. بس أحسه مليق وسخيف وجارح للبعض .. الكلمة نفسها أبداا مو مقبوولة ..

نصيحة أخيرة : لكل إلي ما يلبسون نظارة حافظوا على نظركم لأنه نعمة عظييمة من الله تعالى ، وإلي تحس إنها ما تشوف عدل ولو شوي .. علطوول تروح للطبييب .. لأنه إذا سكتي ممكن يضعف زيادة .. وبعدين راح تتضطر إنها تلبسها في أوقات أكثر .. لأنه إذا نظرج مو ضعيف وايد راح تقدرين إنج تستغنين عنها في أغلب الأوقات وما تلبسينها إلا في أوقات الحاجة والتركيز .. نفس النصيحة حتى للي يلبسون نظارات .. إذا حسيتي إن قياس العدسة ما قام يناسبج على طوول روحي للطبييب عشان ما يضعف نظرج ..
وبعد شسمه .. لا تقربوون من التلفزيوون واايد ولا من اللابتوب أو الكمبيوتر .. حتى الألعاب الالكترونية الصغيرة .. واكلوا جزر واايد مثل " بقز باني " لأن ( الجزر يقوي النظر ) هههههه ..