ابى طريقه الهريس وابى طريقه ستيك بالفطر نفس اللى بالمطاعم واى فناتك للستيك على دوقكم

الهريس (بالفرن)
نقعي الحب من الليل حسب عائلتج مثلا 4 اشخاص
يكفي 2 كوب
نص كيلو لحم ويفضل عجل هبر مع شوية شحم
حطي اللحم بجدر وصبي عليه شوية ماي يغطيه لحد مايغلي شوي
شخلي اللحم وغسليه مرة ثانية
بالجدر اللي بتطبخين فيه
حطي ماي وخليه يسخن شوي ضيفي اللحم +راس بصل مقطع اربع + 2 عود دارسين كبير
لما يبدا يغلي شخلي حب الهريس من ماي النقع وضيفيه عالجدر قلييه شوي
الماي يكون يغطي الحب واللحم باربع اصابع
في ناس تحط الملح آخر شي انا اضيفه اول شي طبعا حسب المذاق
غطي الجدر بقصدير والغطاة وحطيه بالفرن (تكونين مشغلته اول ماتبدين )
قصري الفرن على اوطى درجه
كل نص ساعه فتحيه حركيه ورديه بالفرن لحد 3 الى 4 ساعات وكل ما طول كل ما صار الذ
طلعيه من الفرن
اذا حسيتي الماي وايد اخذي منه شوي
شيلي اللحم بشويش وخليه على جنب
وشيلي اعواد الدارسين
ضربي الهريس بمضرب كهربا
فتتي اللحم بشوكة ورديه عالجدر
وضربيه بملاس اذا حبيتي الهريس سايل وايد زيدي الماي من اللي رفعتي

طبعا قدميه ساخن مدهون بسمن ومرشوش بدارسين بودر مخلوط بشكر ناعم

الستيك
اختاري نوع جيد لحم معرق بخطوط شحم
تبليه بخل بلسمي ملح وفلفل اسود
اشويه بشواية كهربا
او بمقلى قاعدته ثقيله كل وجه ربع ساعه على نار هاديه
حمسة الفطر
فطر فرش مقطع يحمس بزبدة وثوم لحد ما يذبل
يضاف له 2 ملعقة كبيرة من بودرة شوربة الفطر كنور اوماجي مذوبه بنص كوب ماي ويقلب على النار
ثم نضيف ربع علبة الكريمه
وتصب فوق الستيك ويرش يجبنة موزاريللا
وبالعافية

طريييقتي المعتمده حق ستيييك بصلصة المشرووم جربيييها و اذا ما طلعت لذييذه و اعتمدتيها ما اطلع زوزو خخخخخخخ << وايد واثقه

لا لا صج صج لذييذه و ريلي حيييييييل يحبها و هذي الوصفه

ستيييك بصلصة المشرووم

ملعقة كبيرة خل + 2 ملعقة كبيرة ليمون
– كيلو لحم " تقريبا"
– 1 ملعقة صغيرة ملح
– نصف قالب زبدة
– بصلتين مقطعتين جوانح
– علبة مشروم شرائح " أنا أفضل أن أضيف بعض المشروم الطازج "
– 3 فصوص ثوم مقطعة
– ملعقة كبيرة فلفل أسود مطحون
الصلصلة :-
ربع قالب زبدة
– 2 ملعقة كبيرة طحين أبيض
– كوب ماء
– 4ملاعق كبيرة صلصة الصويا " العادية مو الحلوة الثقيلة "
– مكعب ماجي دجاج أو خضار
– 4 ملاعق كبيرة كريما حمراء
– 2 ملعقة كبيرة زعتر الأوريغانو
الطريقة : – يغسل اللحم . ثم تدلك قطع الستيك " و لا تنقع " بالخل و الليمون .. يعني بالتربيت بأطراف الأصابع . و تترك ساعة تقريبا حتى تصبح طرية .
– تدهن كل قطعة بالفلفل الأسود و الملح
– يوضع ربع قالب زبدة في مقلاة على النار . ثم نشوح اللحم حتى يتغير لونه فقط .
– تصف قطع اللحم في ماعون بايركس
-في نفس المقلاة و بدون غسلها نضيف القليل من الزبدة .. ثم نحمر البصل و بعدها قطع الثوم و أخيرا المشروم
نخلطهم زين زين بعدين نحطهم على اللحم اللي في البايركس
– نعمل الصلصة .. في نفس المقلاة نذيب مزيدا من الزبدة ثم نضيف الطحين و نقلب زين ثم نضيف الماء و نقلب لما تصير الصلصة ثقيلة تقريبا مثل الباشاميل
– نضيف صلصة الصويا و نخلط ثم نضيف الكريما و مكعب ماجي
– و أخيرا نضيف الاوريغانو و نخلط جيدا
– نترك الخليط على النار قليلا ثم نصبه على اللحم و خليط البصل في البايركس
و نغطي الماعون بورق القصدير و ندخله الفرن بحرارة 180 ْ تقريبا . و لمدة تتراوح من ساعتين إلى 3 ساعات
لا تستغربون الوقت .. ما راح يحترق اللحم و لا راح ينشف الخليط . و الثلاث ساعات استخدموها طبعا لقطع الستيك السمكية .
و اذا استخدمتوا مقادير الصلصلة بالضبط ترا الكمية عدله . لكن اللي تحب تخفف من سماكة و ثخن الصلصلة تزيد ماي و اللي تبي تثقلها تزيد طحين .

و عوااافي

و اذا جربتيييها مو تنسيين تبلغينا بالنتيجه

زمرده يعل ربى يسعدك
جاااره فديتك يا احلا مشرفه ربى يوفقك دنيا واخره