ابي اشتغل بالقطاع الخاص لا تخلوني عفيه !!!!

شوفي خليني اكون صريحه معاج

تبين مكان خاص ومعاشاتها قويه ( اكيد البنوك والشركات المشهوره )

لازم اتكون واسطتج جدامج عشان لا تعبين عمرج

واذا لج رزقه الله بيقدمها ان شاء الله

بقولج بعض الاماكن

البنوك كلها شركة زين والوطنيه وشركة الاتصالات الثالثه

حبوبه انا من تخرجت من الجامعه وانا اشتغل بالقطاع الخاص وبمميزات حلوه وبدون واسطه اهم شي تثبتين وجودج ويكون عندج اصرار انج تشتغلين بالقطاع الخاص . انتي قلتي تبين وظيفه حتى لو كرف ما يهم بس يكون مكان زين وفيه مميزات وانا اقولج كلامج على راسي بس يبيلج شوية تنازلات في بداية المشوار تدرين ليش لان شروط الوظيفه اللي تبينها واذا بدون واسطه تتطلب منج مهارات وخبره ولغه وشهادات مسانده فنتي باول طريجج الومهني ابدي بأي وظيفه وقعدي فيها مده ما تقل عن سنه حتى تتكون عندج الخبره الكايه وطول هذي الفتره حاولي تدخلين دورات وتطورين من نفسج وبعد سنه راح تشوفين نفسج قويه نوعا ما وتقدرين تقدمين على الشركات الكبيره.

وبشكل عام التقديم على القطاع الخاص يكون اما عن طريق برنامج اعادة الهيكله او انج تسوين لج جم ملف فيه كل اوراقج وتسوي لج جم لفه على الشركات اللي ودج فيها هذا غير انج تدخلين مواقعهم على الانترنت وتروحين عند خانة career او jobs وتقدمين على الوظايف

آسفه طولت عليج بالحجي

عسى الله يوفقج ويسهل امرج انشالله
ويااااااااااارب نشوفج مديره اد الدنيا

انا قلت لج الواسطه مو شرط اخذي اوراقج وسوي لج 10 ملفات واخذي لج جوله على اللبنوك كللللها ، وروحي شركات التامين الكبيره كلللها ، روحي الشركات الاستشماريه ، شركات الشحن الكبيره والمخازن العموميه ، وحتى الجامعات الخاصه قدمي فيها…. اغلب اللي قلته لج موجودين المكاتب الرئيسيه بالديره . اهم شي حددي انتي بأي مجال تبين تشتغلين وبعدين ترى تخصص البكالريوس يلعب دور في سرعة التوظيف

اما عن برنامج اعادة الهيكله ما ادري بالضبط شنو طريقتهم الحاليه وسمعت من قبل ان صار فيه دور ونطره بس ترى احيانا تحصلين عندهم وظايف حلوه وتسوى، ما يمنع انج تقدمين عندهم وتروحين من الصوب الثاني انتي تدورين على وظيفه بروحج واللي تحصلينه بالاول تاخذينه

موظفه حاليا ؟؟؟ تمام هذا شي ممتاز للسيره الذاتيه لانها تحسب لج خبره

اكييييد .. لا تستقيلين الا اذا ثبتي نفسج بوظيفه يديده لانه هم اصلا بالمقابله يسألونج متى تقدرين تبدين معانا الوظيفه ؟ قوليلهم بعد شهر مثلا او حسب ما انتوا بالحكومه شكثر تطول مدة العمل بعد تقديم الاستقاله

اذا تبين اقدر اسوي لج سيره ذاتيه بالعربي والانجليزي باسلوب بروفيشينال حتى تقدمينها

البنوك ياخذون اعتقد بدون واسطه

حبوبه قدمي على كل مكان وانتي وحظج ومن قال لازم واسطة انا بنت خالتي قدمت على البنوك ودقوا عليها ولا واسطة ولا شي تفائلي وانشاءالله خير