ابي حل للروتين الممل بين الزوجين !!

يعني كلا الزوجين يكونون مشغولين بحياتهم العمليه والمهنيه والاسريه ويبذل كل طرف
منهم مجهود اللي قادر يمشي حياته على اسس

انا بالنسبه لحياتي غيرتها بشكل كبير من هالناحيه يعني تقديرين تغيرين طريقة اسلوبج
دام ان اليهال والبيت مو قاصره شي بلحظه دخول زوجج قوليه يعطيك العافيه من التعب
عساك ذخر ويطول بعمرك سويله عصير بارد او قهوه على حسب شنو ما يحب ولا تييبين

طاري الدوام (( وانا اسغرب من بعض البنات اول ما يقعد الريال معاهم كل شي تقوله عن
دوامها وهذا الشي غلط يا حبيباتي الا فلانه وعلانه وصار وماصار )) الريال بروحه تعبان
من مشاغله وامور كثيره متزاحمه بحياته لا تصيرين انت والزمن ضده صيري صديقه له
حبيبه بعدين فكري تكونين له زوجه الرجل يحب المراه المستمعه مو الثرثاره يحب الرجل المراه
الي تقدر حياة وشغل زوجه شاركيه بهمومه ومشاغله واموره وشيلي عنه لو كم بسيط من التعب
اللي فيه لان الرجل بطبعه ما يحب يأمر انما يتأمر يعني يحب يتدلع مو تدلعين عليه لانه يعتبر
طفل كبير واخذيه بالحوار الايجابي اللي اهواا يحبه وشوفي شنو يحب واكيد كل وحده تعرف
زوجها شنو الامور اللي يحبها وكلميه عنها ولو ادري انك راح تتعبين تبين اهتمام منه لج
بس علشان تمشى الحياة بسعاده لازم تكون فيه تضحيه من احد الاطراف
طلعوا مع بعض مو شرط بامور خاصه بالبيت او اليهال او الاهل او امور حياتكم الخاصه
خلي الطلعه تكون له ملكه وحده شوفي شنو يحب وامشى وراااااااااه وصدقوني راح ترتاحون
والله لانه بكون كله معاج ماراح يشوف فيج الزوجه الحنانه والرنانه بشوف فيج الصديقه والحبيبه
اللي توقف معاه بكل شي باتفه الامور قبل اصعب الامور صدقوني الحياة الزوجيه مشاركه بالاحساس
والمشقه قبل كل شي وطولت عليكم حبيباتي وكان بعد فيه كلام بس كافي
واتمنى اني اكون عند حسن ظنكم ورضاكم والله يوفق الجميع

للرفع

صج موضوع مهم مشكووووووره

اقتباس:

المشاركة الأصلية كتبت بواسطة caty-al سافرو ماكو غير السفر اهوا اللي يكسر الروتين ويجدد كل شي فيكم واهمها النفسيه اللي تيي من وراها كل شي او طلعو شاليه بويك اند.. لان اذا النفسيه تعدلت بتصير كل اموركم مثل ماتبون واحسن=)

معاج حق

قبل سنه عرف زوجي لعبه على النت ومن وقتها ما يجلس اقل من 12 ساعه مواصله من غير مبالغه والوقت الباقي نوم حتى الاكل ما يقوم ياكل الا بعد ما يبرد ويمر عليه اكثر من نص ساعه واهو على السفره ..ما بقيت احد الا كلمته عليه حتى امه تعبت منه .. ما تركت اسلوب الا اتبعته معاه وكنت ازعل ولا اكلمه قلت يمكن يغير من طبعه هذا …(ما فاد مع الاسف ) انا الي اخذ الزعل وينحرق دمي على الفاضي..

والحين بعد سنه ونص تقريبا ..بدأ يخفف من جلسته على النت الحمدلله كثير ولا صار يجلس عليه اكثر من ساعه في اليوم …

بس احس ان التواصل بيننا انقطع مو مثل اول ..انا دورت على احد اتكلم معاه ويسمع لي ..مع اني كنت اقولك ……
الحين حس بالوضع ويقولي انتي مو مثل اول .. ايش اعمل سنه كامله وطول الاسبوع ما اتكلم مع احد مقابله جدران البيت يالله كلمه ورد غطاها معاه ..

والحين جاي يقولي ليه ما تتكلمي معاي ساكته طول الوقت ..ايش اقول له ؟؟
حاولت معاه من جديد لكن مافي فايده..اتعودت على هذا الوضع …

وهو بصراحه ما يساعد يرد على قد السؤال ولا يحاول يدخل معايه لا في مناقشه اوحوار مهما كانت اهميه …

ياليت اشوف حلول تكسر الروتين الممل والصمت الطويل الي بين الزوجين
ونقدر نعيد ونرجع لغه الحوار بيننا من جديد …..

ادري طولت عليكم بس ايش اعمل
والله من جد اعاني معاناه من هالوضع …..