ابي طريقة الحسو والعصيده

الحسو

تحطين قدرك على النار فيه ماي باسوي معاكم بمقدار 6 اكواب ……طيب ؟؟
خليه يطبخ وحطي فيه من السكر تقريبا 5 فناجين ونص ملعقه صغيرة كركم….
..

.. اول ما يغلي ..

حطي مقدار 2 بياله حسو ((يسميه البعض حب الرشاد))

خليه يطبخ لين تحسين كل حبه تكونت حولها هاله…وترى ما ياخذ وقت يمكن 4 دقائق..

تكونين ماخذه قبل 4 ملاعق طحين رقم2 ومحمرته شوي ..
واول ما تحمرينه خليه يبرد شوي ثم حطيه بالخلاط مع كوب وربع ماء
وبعد الخلط كبيه على الحسو مع التحريك حتى لا يتكتل…
خليه بنار هادئه ..ولا يثخن وااجد ..لاسائل ولا ثقيل ..وسط ..
اقرب يكون شراب..

بعد الغرف في صحن صغير فوقه سمن وبيض مقلي قطع صغيرة..

العصييده

المقادير …
كوبين طحين ( محمر ,مشفشف , محمص ) اكثر من تسميه له بس اهم شي يكون لونه فاتح
مب غامق …
كوب سكر ( يعادل 5 فناجين سكر ) لاتقولون وايد لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
دهن او سمن مب زيت ..حلاته مع الدهن القطري يمي يمي

الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما

طبعا الطحين جاهز ومشفشف … انخليه عشان الكتل تروح منه وضيفي عليه 3 اكواب
ماء وحركيه وخليه على جنب

اول مايطبخ السكر والماء عدل ضيفي ماء الورد والزعفران والهيل
…ومن ثم ضيفي الطحين ( الي خلطيته بالماء ) ضيفيه كامل مع الماي حقه

طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي الدهن عليه تقريبا مقدار ملعقتين طعام

او اكثر على حسب الرغبه … اذا حسيته يحتاج سكر زيديه لان حلاته بالسكر

وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي دهن

منقول

شوفي بعد هالرابط

http://www.q8yat.net/showthread.php?t=126235

امبييييييه شهيتوني ابي عصييييده الحيييييييييييين :

مشكوووووووووره الله يجعل كل ايامك فرح انا بسويها بس من غير سكر لان السكر ماله فوايد ارد اقول مشكوره

وااااااى تسلم ايدكم على فكرة الموووضع واللى كتبة الطريقه عاد انا اموووووووووووت على هالسوالف الحسوووو والعصيدة
وااااااى ياربى ريحته حلوةةةةةةة جنى فى بيت يدتى ياسلام واااااااى عسى ما اقوم اسويلى بسبتكم

العن ابو الرجيممممممممممم بهالطبقين

تسلمون حبابيى