ابي فزعتكم يا أهل الامارات تكفوووووووووووووون

شوفي حبوبه دام انج بتسكنين في الفجيرة أنسي السوق والشوبينج فديتج إلا إذا بتزلين دبي وهي تبعد حول الساعة ونص إلى الساعتين للسنتر

والفجيرة معروفة إنها الإمارة الوحيده اللي تطل ع المحيط الهندي وخليج عمان ,, منطقة هادية وحلوة للراحة والاستجمام والاستمتاع بالطبيعة المختلفه من سلاسل جبلية شاهقة بتلاحظينها في الإمارة كلها .. وفيها محلات تجاريه صغيرة وشعبية بس

وفيها وديان مثل السيجي .. وادي وشلالات الوريعة .. وادي حام .. وادي وشلالات مسافي >>> وهالوديان طبعا موسهم الشتاء أكثر من الصيف

وفيها عيون وينابيع مياه معدنية وكبريتية حاره >>> وهذيل يجونها مواطنيين وأجانب للعلاج والاستشفاء مثل عين مضب وعين الغمور

وطبعا ماأنسى فيها كورنيش وشواطئ ومنتجعات سياحية في دبا الفجيرة مثل ميرديان شاطيء العقة .. منتجع ميرامار .. فندق جال .. وروتانا
ومواقعهم روعه بين الجبال والبحر والمنتجعات هذه فيها رياضات مائية والتزلج ع الماء والغوص والمظلات

والمناطق القريبة من الفجيرة هي خورفكان ودبا الحصن وكلباء وكلهم يتبعون إمارة الشارجة >>> مدن فيها جبال عالية جدا وكورنيش وشواطيء ولو قدرتي تروحين هناك شوفي سوق الجمعة وهو شعبي معروف فيه سجاد وأشغال يدوية وفواكهه امممم خوش شي

طبعا نحن في الإمارات كله مطيحين في هالمناطق في الشتاء والربيع كنوع من التغير لانها بارده ومطر وثلج والجو ولا أروع

صح نسيت أقول انه فيه شركات سياحية توفر طلعات مظليه ورحلات لتسلق الجبال كنوع من المغامرة وهذا عليه أقبال من الأجانب أكثر

يعني لا مجمعات إلا في دبي والشارجة وهم أقرب شي للفجيرة

وبس

إن شاءالله قدرت أفيدج باللي أعرفه