ابي فكرة غريبة لتقديم المهر

مبرووك …
افكر وارد عليج…

والله شوفي هالفكره عجبتني وحده من الخوات بالمنتدى ذكرتها

تقول خذينا جنطه ماركه مع بوكها وحطينا بالبوك كرت سحب ألي حق الحساب الي فيه المهر

وايد راقيه الفكره

طبعا تقدرون تحطون جم عطر غالي مع دهن عود وساعه ماركه بالجنطه

وألف مبروك أن شاءالله

أختي ام بدير اسفة ازعجتج بس بغيت أسالج مثل شنو هدية للعروس تعرفين أول واحد من أخواني يتزوج وماعندي خبرة وماتقصرين حبيبني

مشكووووووورة حبيبتي ام بدير امين والله يوفقج ياعمري فديتج ماقصرتي يالغالية

عزيزتي عندي لج فكرة وايد حلوة وهي انج تجيبي صحن كبير مال تقديم الفواكة اللي فيه قاعدة من الاسفل وتسوين له مخدة مخمل احمر او اسود او حكلي او ذهبي مدورة على مقاس الصحن الكبير وطبعا لازم تودينها للخياط عشان تكون مرتبة ونظيفة ، وبترصين عليها نيرات ذهب باسم العروسين او اسم العائلتين وكل واحد وحسب مقدؤته ، وبالنص تحطين فيه الشبكة او المهر مغلفين تغليف راقي وبعدها تغلفين الصحن كله بورق السولوفان الشفاف تلاقينه عند محل الهدايا او الحلويات بس بحيث تكون ربطة الشريطة عند القاعدة (تجيبي التغليف تحطينه فوق الماعون وتربطينه من تحط عند راس القاعدة مو العكس عشان يطلع شكلة حلو وراقي .. وعندي فكرة ثانية وهي انج تجيبي علب البخور ودهن العود بس تطلبين من راعي المحل انه يطبع لج اسم العروسة على الخام الساتان اللي داخل العلبة ويكون الطقم كله باسمها بدل ما يكون مطبوع عليه اسم الفودري او الشايع او القرشي

وانشالله تنال الافكار اعجابج ومبروك للعروسين