بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قـــــــــــــوه بنــــــــــــات شلوونكم ؟؟؟
انا انشالله خدامتي خلال الشهر هذا راح توصل وابي منكم تعلموني شنو الاشياء اللي لازم اعلمها تسويها ؟؟ والاتيكيت والذرابة انا اول مره اييب علشان جذي طالبتكم صراحه مابي تفشلني جدام الناس
ومشكووورين 
قـــــــــــــوه بنــــــــــــات شلوونكم ؟؟؟
انا انشالله خدامتي خلال الشهر هذا راح توصل وابي منكم تعلموني شنو الاشياء اللي لازم اعلمها تسويها ؟؟ والاتيكيت والذرابة انا اول مره اييب علشان جذي طالبتكم صراحه مابي تفشلني جدام الناس
ومشكووورين
أولا: تعلمينها انج ست البيت والكلمة الأولى والأخيرة لج انت مو لزوجج يعني مو من وراج تروح للزوج وبابا في كذا وكذا لا علميها انه انتي الأساس بالبيت
ثانيا: علميها انها لازم تلبس اليوني فورم(لبس العمل) ولاتلبس البطرونات وغيره تراهم ملاعين يغوون الريال بأي شكل خلي ريلج يشوفها شيفه هاها أضحك معاج المهم تكون بلبسها مرتبة بس .
وتقبلي تحياتي موقفة غن شاء الله
ثالثا:اخذي من معاشها 3 دنانير تشترين لها صابون ،شامبو ،مزيل رائحة العرق ،كوتكس بودينار من هالأغراض أو كيفها انت معاها اهي تشتريهم من معاشها او انت .
رابعا :الحين نأتي للعمل تعلمينها السلام عليكم اول ما تشوفكم وتسلم على اهلج واهله وتبتسم مو مكشرة ها ها . وبعدين تحطين الأولويات :مثلآ :غسيل الحمامات يومي +ترتيب السرير +تنظيف غرفة النوم+ الطبخ +تنظيف الصالة سوي لها جدول أسبوعي ويومي وشهري تمشي عليه احسن هذا لو كانت فلبينية ولو هندية أو غيرها صعب تمشي على جدول انت جدوليلها عملها اليومي والأسبوعي والشهري
خامسأ: بالنسبة للآجازة مادري أذا تبينها تطلع عادي او لا ؟ بالنسبة لي ماحب أحرم احد من الأجازة حرام طول الأسبوع تشتغل مثلا يعني نص يوم إجازة مرة بالشهر حلوة أو كل أسبوعين دلال ..أو تسوين مثل أهلي يخلونها بدال الإجازة 3 ساعات تريح فيها بدون شغل.
خامسأ : انت تبينها مربية للبيبي أو خادمة بس أو خادمة وطباخة .
إذا تبينها مربية للبيبي بس علميها شتسوي من غسيل ملابس البيبي ترتيب الحفاضات المميات الي أخره. أما إذا طباخة فوديها عند أهلج او أهل زوجج يعلمونها الطباخ اللي تبينه من عيوش ..فطاير ..حلويات ألى اخره أو غشتري لها كتب طبخ مالوت المطاحن أما إذا خادمة فقط فلزمي عليها للتنظيف تلبس قفازات(دسوس) للتنظيف الحمامات وانتن بكرامة أنظف وصدرية فوق لبس العمل اليونيفورم اما الطباخة فلزمي عليها تلبس قبعة امطه ما ادري انطه احسن تخش شعرها لايطيح بالأكل وهم عشان الزوج لاينسحر بشعرها .
1_ لاتخلينها تدخل دارج الا بوجودج بصراحة اهم فقارة واحنا الله خير اغراضنا كل مقططة ساعات والا خواتم والا حتى شي مو غالي بس حلالج يحرج ماتبين احد ياخذه
2- بعدين اذا انتي بيت حموله فهميها ان هالبيت كله واحد فوق او تحت ماتقول انا ما اشتغل بس حدي فوق او حتى اذا رحتي عند اهلج لازم تساعدهم
3- ترسي عينها بالاكل (انا هالشي عندي مهم) ماحب الخدم يطالعونا باكلنا وربي باجر بيحاسبنا عليهم خل تاكل لين تشبع انا بصراحه اترس الفريزر خبر واعطيها قلاص الجبن وحليب التموين واقول لها وقت ماتيوعين اكلي وشربي
ملاحظة هامة: اي شي تطبخينة والا تبين تاكلينه لاتخلينها تشوفج تاكلين واهي لأ عطيها لو قفشة وحده عن عيونها ( على قولة يدتي : تشمه ولا تاكله…حراااام)
4- خليها تستئذن منج اذا بتتصل على اهلها مو الخدم اللي ببيتكم اييبون لها كرت وتكلمهم وانتي اخر من يعلم
5- اذا غلطت بأي شي لاتطوفين لها كلميها على طول خليها تعرف انج واعية مو غشيمة
وهذا اللي اذكرة لي الحين
الله يعطيج خيرها ويكافيج شرها
ثاني شيء : علميها انها دايما تتكلم بصوت واطي وماتعلي صوتها ودايما اذا تبي شيء ما اتقولج جدام زوجج يعني مثلا ماما ماكو صابون ماما ماكو بصل اغراض المطبخ ومن هالشغلات راح يحس زوجج انج انتي تعتمدين عليها بكل شيء واهي اللي تعلمج قوليلها اي شيء تبينه تناديني ماما ممكن اشويه وانا اجي وتقوليلي شنو ناقص وشنو تبين .
ثالث شيء : تعلمينها على روتين يومي اهيا تسويه بدون لا تطلبينه منها يعني مثلا انا خدامتي معودتها يوميا الساعه 5 تسوي الشاي والقهوه واتجهزه بالصاله بدون لا اقولها لان انا بنفسي ساعات انسى اكون مشغوله او شيء .
انا معوده خدامتي على جم طبق حلو بسيط ومكوناته متوفره بالبيت بين فترة وفترة تسوي وتحطه العصر مع الشاي والقهوه
معودتها طبعا على تزيين الاطباق بالريوق والغدا والعشا
لبسها دايم يكون اليونيفورم مال الخدم ما يلبسون لبسهم اللي يايين فيه من ديرتهم
الياهال يوميا العصر تلبسهم واتمشطهم و تعطرهم لان ممكن باي لحظه ينزلون عند خالتي تحت وحتى لما اكون بالدوام الصبح اتلبسهم واترتبهم
اهم شيء تعلمينها ان اي احد يطلب منج شغله تنفذينها مثلا عندج حماتي خدامتها ماتسمع الا كلام معزبتها مره امها اطلبت منها شغله طنشتها وعصبت خالتي قالت لها خدامتج قليلة ادب ما تسمع كلامي طبعا لو يصير هالموقف معاج مع حمولتج بتفتشلين
هذي الشغلات اللي اتذكرها حاليا
3 دنانير حق مستلزمات النظافة !
لا طبعا احنا خدامتنا احنا نشتريلها … احنا نبيها تنظف عشاننا احنا مو عشانها اهي ..يعني اهي مو فارقه معاها نظافة ولا وصاخه اهم شي عندها بصراحة معاشها
بتقولج شكو تقصين من معاشي عشان نظافتي ؟ مابي أنظف !
انا من رايي مستلزمات النظافة هذي انتي اتييبينها لها لأنه بالنهاية النظافة و السنع هذا لج مو لها !
ومشاءالله البنات كفوو ووفوا
احسن انتي تشتريلها وترا ماراح تأثر على مصرفج شوفي احنا شكثر نخربط بفلوسنا
يت على شامبو ولوشون وفرشة ومعجون
واهم شي عطيها منبه وقتيه لها على الوقت اللي تبينها تقعد فيه الصبح علشان ما تستعبط وتقول راحت علي نومه
ولا تسهرينها اذا عندج يهال تمسكهم بالليل حرام كل اليوم كراف بعد ما تنام مبجر
اكو شي ضروووري انا مطبقته مع كل الخدم
ترا اهم مع الوقت و العشره يطيحوون الميانه ….فعلميها اول ما تيي…لي مرت يم باب غرفتج ممنوع تقط عيونهااا ولا تطلطل حتى لو الباب مفتوح …و قولي لها لما بابا يدخل مكان انتي على طول تطلعين …ممنوع تقعد مع الريال …واذا انتي كنتي قاعده معاها بالمطبخ و دخل زوجج و اهي موجوده وماعندها شغل ضروري ..لازم تطلع من نفسها بهدوء..حتى لو كنتي واقفه بالممر تحاجين ريلج لا ترزز خل تروح بعييد ..اذا تبي شي تطلبه منج مو من ريلج …هالذرابه ضروريه عشان تحافظين عالخصوصيه اللي بينج و بين ريلج من الخدامات …
الشور اليومي والنظافه اشتري لها ديودرنت وعطورات من رامز
اخذي لها 4 يونوفورم وملابس داخليه وفوطه والخ من عده النظافه والدهن ممنوع
فهميها اذا هي مو مرتاحه للشغل تقولك وتصارحك
علميها النظافه سواء في المطبخ او غسيل الملابس وخل تفصل بين الابيض والالوان في الغسيل
الادب وكلمه السلام عليكم قدام الضيوف
اي شي تبي تقول علميها علي الصراحه وكتم اسرار بيتك
# ثاني شي : توصل البيت تدش تتسبح وعطيها صابون وشامبو وديودرينت وفرشاة وعجون وكريم جسم وأهممممممممم شي الفازلين ترى يموتون عليه هههههههههههههههههههههههههه وقوليلها كل يوم سبوح يومي .
# ثالث شي : يبي لها يونيفرمات عادية للبيت ودراريع بو دينار ونص للنوم لا تلبس بجايم كشخة جدام ريلج !!!!! ديري بالج !!!!!
ويبي لها تنورة أو ثنتين من المحاميد والا المعلم إنتي قوليله تنانير الخدم وهو يعرف …..وجم بلوزة للطلعة ترى نظافتها وسنعها دليل على نظافتج !!! بس لا تلبس فوق مستواها ترى تتمرد عليج !!!
# عليمها الساعة جم تقوم ومتى تنام …. علميها الأوتي وغسال الحمامات والطباخ …
# أول 3 شهور لا تصارخين ترى يديدة ما تعلمت عليج وعلى أسلوبج ……… نطري عليها شوي شوي لين تتعلم وعقب ال3 شهووووووووووور إذا غلطت نبهيها مرة وثنتين ….
# علميها لا اطيح الميانة مع ريلج ومع اخوانج الشباب ولا مع سواااق الفريج ….
# فهميها نظام التلفون انا اعطيج كرت مرتين بالشهر تكلمين أهلج مثلا او مرة بالشهر … لا ترضين تاخذ موبايل انا طحت على موبايل واختربت خدامتي من عقب الموبايل لاه وتعلمت عالمغازل وقطيتها المكتب حسبي الله ونعم الوكيل فيها .
# الأكل ترررررررررررررسي عينها … والله بالمكاتب يشتكون لي من بيوت ما يوكلون الخدم شي ويوعونهم ليش والله حرام ؟؟؟؟ الله كما كثر إلا البلعة وعيش التموين موجود والطماط والبصل اشكثره …. أقل شي جبن كلاسات وخبز …. شاي وبسكوت على الأقل …. حددي لها صحن وكلاس خاص فيها … ولا تقصرين عليها بالأكل ….. ترى حرام يكرفون لازم ياكلون …
# آخر نقطة إنتي وزوجج نظامكم شنوووو ؟ كل بيت يختلف عن الثاني !!! فهميها نظامج إنتي وإللي يريحج