احتاج لمساعدتكم في اختيار هدايا لاعز شخصين في حياتي ؛*

اتوقع الاخت غيداء كفت ووفت عساج عالقوه حبووبه

اب اب اب

ياعمري والله ماااقصرتي مشكووورة وااااااايد

الله يوفقج ياااااارب
اعجبتني واايد افكارج عن هدية امي

بس هدية ريلي مادري احس ماعرف اكتب هالسوالف انشالله البنات يقولونلي افكار زيااده

حياتي مشكورة مرة ثانية

بنسبة حق هدية ريلج عندج وايد شغلات ..
أول شي الساعات عندج ساعات سبورت وعملية وأحسن مكان حق هالنوعية محل اون تايم وتلقينه بأكثر المجمعات تقريباً وأسعاره رخيصة وفي متناول الجميع ..
المحل الثاني محل روائع جنيف ساعاته رسمية وأسعاره مناسبة والماركات الموجودة حلوة ومعروفة وتقدرين تشترين طقم مكون من ساعة وبزمة وقلم
المحل الثالث الطرف الأغر سعره أغلى من روائع جنيف بس عنده من الأسعار المناسبة لي الغالي ..
خلصنا الساعات والاكسسسوارات الي معاها ..

تقدرين تاخذين بوك + مدالية

خام دشداشة من البلوكات واخذي خام انجليزي أو اسباني أو ألماني يكون أحسن من الياباني وأكشخ .. قولي حق البايع طوول ريلج وهو يقولج جم متر تاخذين .. بنسبة لي أتعامل مع محل النخبة بالبلوكات وفي غيره وايد

غترة أو شماغ وعقال متروسين هالمحالات بالمباركية .. أنا أتعامل مع محل السعيد قبال الصرافين

تكرمين نعال كشخة حق الدشداشة أو جووتي ولازم تكونين عارفة مقاس ريلج .. وعندج وايد محلات متخصصة بهالسوالف .. في محل اذا ماني غلطانة اسمه vital او شي على نفس الوزن موجود بالبيرق بالعقيلة وعنده كذا فرع .. هذا نعله كشخة

نظارة .. شوفي اذا في نظارة عاجبته اشتريها ..

تلفون

لاب توب

آي باد

اكس بوكس أو بلاي ستيشن .. واذا عنده تقدرين تشترين أشرطة عاجبته

في محل بالأفنيوز يبيع دبب اخذيله دب وسجلي عليه صوتج ..

جاكيت

قمصان أو تيشرتات

جلسة مساج .. روحي المهلب فوق وحجزي له جلسة مساج ..
أو في صالون بكيفان صوب شامبين يسوي مناكير بدكير ومساج وحمام مغربي وتنظيف بشرة .. مرة دقيت عليهم اسأل عن طريقة الحجز بس ما رحت بس شفت الصور بالنت واعجبتني

اذا بخاطره سيارة أجري له سيارة لمدة يومين أو ثلاث من مكاتب تأجير السيارات ويا كثر اعلاناتهم بالجرايد واسعارهم تفرق من مكتب لي مكتب ويوصلونها لج لي البيت .. وبغيت أنبهج على شغلة المكاتب عقب ماتأجرين يوقعونج على كمبيالة بيضة .. بس الحين قبل فترة قصيرة وزارة التجارة لغت هالشغلة فدربالج لا يوقعونج على كمبيالة

اذا يدخن اشتريله ولاعة كشخة وفي محل بالمطار ومحل بالمارينا يبيعون هالسوالف

مسباح كشخة .. وأنصحج أحد من الرياييل يروح معاج السوق عشان لا ينقص عليج .. أو اشتري من كويتيين لا تروحين عن الهنود لأنهم نصابين

عطووووور فرنسية أو عطووور عربية أو ست عطووور وكريمات

تطبيعين صورته أو صورتج معاه على الكريستال

اذا شغله مكتبي .. اخذيله طقم حق المكتب

في كرسي هزاز ينباع بميداس أو جملة الأثاث أو بعلي عبدالوهاب مادري اذا عرفتي أي كرسي أقصد .. شكله حلوو ومريح حق لعب البلاي ستيشن والتلفزيون ..

بس هذيل الي ذاكرتهم حالياً .. واذا عندج أي استفسار عن المحلات أنا بالخدمة ..