اريد تفسيرا لحالتي الزوجيه !!

يقول المثل ( باب النجار مخلع ))!!

الله يسلمكم يا قرائي الاعزاء قصتى طويله عريضه بس باختصر اشوي ..

انا متزوجه صارللي 6 سنين ولله الحمد وعندي 3 اطفال على وشك الدخول للمدرسه .. من خلال عشرتي مع زوجي في بادء الحياة الزوجيه كان مدخوله الشهري يعني ضعيف اشوي فانا كنت اشتغل وساعدته بكل شي الا طبعا دفع الايجار وهو رجل خلوق ما في اي عيب مع اني صلح اشويه من عيوبه ولله الحمد لما يت المولوده الاولى من غير طبعا خادمه بعد سنه من انجاب ابني الثاني يبت خادمه وانا اللي دفعت كل شي لوصولها قلت بنفسي حرام الريال ما عنده ميزانيه مع انه يزيدون الحكومه مع كل طفل اوكي مشيتها .. ومرت الايام حتى المستشفى انا اللي اصرف وهو شي بسيط يعني المهم الاولى على وشك المدرسه وانا كل شي ملتزمه فيه وهو لا مصروف ولا شي بس له بروحه مرت السنين وجبت ولد والحين على وشك انه يدخل الحضانه اقترحت عليه انه نسجله الحضانه عصب ونام ويقول يعني اذا مرض ولا مطر اشلون ليش ما يردون فلوسنا ؟؟

اقوله كل الحضانات كذا وهذي ارخص حضانه عشان ما يكون بروحه بالبيت وانا وااايد انقهرت يعني قوللولي لي متى ؟؟

ولعلمكم طوال هالسنين ولا حتى سفره سافرت معاه كل اهو اللي يسافر مع اهله بس يقول ما في ميزانيه
لاني ما اقدر اسافر واترك عيالي عند ايا كان واايد افكر فيهم وانا بعيده ..