بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
حبيباتي الأمهات
كل وحده تقولنا هل اهي مع مصاصة الياهل ؟؟ ولا ضدها ؟؟
ليش ؟؟ تذكر الأسباب
بالنسبة لي انا مع المصاصة
على ولدي البجر اضطريت اعوده على المصاصة بعد 10 ايام من الولادة لأن ولدي كانت بجيته صامته ونوعه يختنق واهو يبجي فالكل نصحني بالمصاصة والحمدلله كان يطخ ولما تعدلت بجيته قطعتها عنه الحمدلله .
حق بنتي : هم اضطريت اعطيها لانها كانت تمص ايدها !!!! هم تمص مصاصة احسن من ما تمص ايدها
لانج سهل تقطعين المصاصة عقب بس صعب حيل انج تمنعينها تمص ايدها ؟؟؟؟
وبالنسبة الي يحاتون اسنان الياهل : انا عادي عندي الله يعافي التقويم 
السلام عليكم ورحمة الله وبركاته
حبيباتي الأمهات
كل وحده تقولنا هل اهي مع مصاصة الياهل ؟؟ ولا ضدها ؟؟
ليش ؟؟ تذكر الأسباب
بالنسبة لي انا مع المصاصة
على ولدي البجر اضطريت اعوده على المصاصة بعد 10 ايام من الولادة لأن ولدي كانت بجيته صامته ونوعه يختنق واهو يبجي فالكل نصحني بالمصاصة والحمدلله كان يطخ ولما تعدلت بجيته قطعتها عنه الحمدلله .
حق بنتي : هم اضطريت اعطيها لانها كانت تمص ايدها !!!! هم تمص مصاصة احسن من ما تمص ايدها
لانج سهل تقطعين المصاصة عقب بس صعب حيل انج تمنعينها تمص ايدها ؟؟؟؟
وبالنسبة الي يحاتون اسنان الياهل : انا عادي عندي الله يعافي التقويم
كذا نوع بس كلش والحين عمرها 9 شهووور تهبل اسم الله عليها صج كانت على طول تمص اصبعها .. بس الحين الحمدلله ..
واشوف اليهال وامهاتهم مايستغنون عن المصاصه لو نستها اوضاعت مايناموون هذاك اليوم من صياح الياهل ..وانا الحمدلله مرتاحه
<<– ضد المصاصه
مشكوووره على الموضوع
و صج استخدمتها لأن ماكان عندي خدامة ..
و كنت أداوم و إذا رحت يمعات أضطر إني أخذه معاي و إذا بجى أتوهق
صج واايد خففت عني ..
و ألحين مع التسنين صار يستعملها عضاضة
ودي أقطعها عنه .. بس ما أدري شلون؟ صار غالبا ما ينام إلا عليها و بس ينام أشيلها ..
مع المصاصة بس لي سن معين
حبيباتي الأمهات
كل وحده تقولنا هل اهي مع مصاصة الياهل ؟؟ ولا ضدها ؟؟
ليش ؟؟ تذكر الأسباب
بالنسبة لي انا مع المصاصة
على ولدي البجر اضطريت اعوده على المصاصة بعد 10 ايام من الولادة لأن ولدي كانت بجيته صامته ونوعه يختنق واهو يبجي فالكل نصحني بالمصاصة والحمدلله كان يطخ ولما تعدلت بجيته قطعتها عنه الحمدلله .
حق بنتي : هم اضطريت اعطيها لانها كانت تمص ايدها !!!! هم تمص مصاصة احسن من ما تمص ايدها
لانج سهل تقطعين المصاصة عقب بس صعب حيل انج تمنعينها تمص ايدها ؟؟؟؟
وبالنسبة الي يحاتون اسنان الياهل : انا عادي عندي الله يعافي التقويم
انا امي دكتورة اطفال
واهيا ادرى عطتني طريقة تهبل لقطع المصاصة والياهل ما قط سمعته يبيها كلش من بعدها
تقول ان النطق يتأخر عنده وان يصير وااايد يبجي ومزاجه مو حلو وبعد يخرب الاسنان صفتهم وبعد يكثر البكتيريا بالفم
فقلت افتك منها من بعد سنة قطعتها
والله يخلي الوالدة
انا ما واطن المصاصه ماتخلي الياهل يشرب ولا ياكل تلهيه عنهم
اولا لانة المصاصة مو زينة مو بس حق الضروس حق المعدة لانة المعدة تتحفز انة بييلها حليب فتفرز الغدد واخر شي ماكو شي
وعلى صبعها تقدرين تحطين المرة او الصبغ بو طعم وماتاكل
وبعدين اذا تعود على المصاصة كل ماطاحت رد بجى يبي فنفس الشي
عيالي ماعطيتهم
الياهل الي كله المصاصه بحلجه يناغي متاخر وتكلم متاخر واغلب وقته ساكت
وظروسه تخترب وبلاعيمه تحتقن !!
خل يبجي شويه ويسكت بروحه
انا ساعات لما اشووف ام مع ولدها بمجمع يحن تنبط جبدي اقوول ليش ماتصك حلجه بمصاصه ..
تخلي الياهل هادي .. انا اعطيه اياه وقت النووم وتطيح بعدين من حلجه اذا نام ..
انا ضد اللي 24 ساعه بحلج الياهل
بس واحد منهم ما يواطنها و لا يرضى ياخذها و الثاني يحبها و الحين خف عنها نوعا ما
وغصب اعود بناتي عليها …
أهدى الصراحة وعسر النوم اللي لا بد منه اخفف منه ع الاقل والا اذا الياهل مريض وبس يبجي جذيه يطخ ليش اخليهم يبجون حرام ..
بس مو 24 ساعة ..
انا بس اخليها وقت النوم بسسسس او اذا الياهل متعسر او مريض ..
في ناس 24 ساعة المصاصة بحلج الياهل حتى لو اهوه ساكت تنبط جبدي جذي اصلا اكره شكلها بحلج الياهل ..
ولا اذا الياهل كبير احس شكله غلط بالمصاصة ..
وبناتي من يصير عمرهم سنة وشهر او شهرين اقطعها والحمدلله ماعاني وايد لأنهم مو متعلقين فيها مثل ما قلت بس اعطيهم وقت النوم ..
ادوخهم كلش وينامون بدون بجي يذكر يومين ثلاث وخلاص ينسونها ..
من جذي من البداية ماأعطيه المصاصة وافك عمري