بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
من بعد الانجاز الباهر الذي شهدناه سويا بمسابقة
|||| كسبت صحتي لما خسرت ||||
والتي تصدرته الفائزه
مستشاره قانونيه
يسعدنا ان نقوم باستضافتها عبر لقاء صريح ومفتوح بينها وبينكم ولمدة 3 ايام
نطرح فيه اسئله واستفسارات
نستفيد من خلالها ونتعرف على اسرار مسيرتها نحو الرشاقه
مع مراعاة عدم طرح اسئله محرجه او لا تمت للموضوع بصله وان تطرح كل عضوه سؤال واحد فقط في كل مره
المجال مفتوح لكم خواتي بطرح الاسئله الهادفه والمفيده التي من شانها كشف اسرار الرشاقه والعزيمه والاصرار لفائزتنا
مستشاره قانونيه
ولها حرية الاجابة على الاسئله بقدر الاستطاعه
وان شاءالله تعم الاستفاده للجميع
وكبدايه اتوجه بالمايك لاطرح اول الاسئله
من بعد الانجاز الباهر الذي شهدناه سويا بمسابقة
|||| كسبت صحتي لما خسرت ||||
والتي تصدرته الفائزه
مستشاره قانونيه
يسعدنا ان نقوم باستضافتها عبر لقاء صريح ومفتوح بينها وبينكم ولمدة 3 ايام
نطرح فيه اسئله واستفسارات
نستفيد من خلالها ونتعرف على اسرار مسيرتها نحو الرشاقه
مع مراعاة عدم طرح اسئله محرجه او لا تمت للموضوع بصله وان تطرح كل عضوه سؤال واحد فقط في كل مره
المجال مفتوح لكم خواتي بطرح الاسئله الهادفه والمفيده التي من شانها كشف اسرار الرشاقه والعزيمه والاصرار لفائزتنا
مستشاره قانونيه
ولها حرية الاجابة على الاسئله بقدر الاستطاعه
وان شاءالله تعم الاستفاده للجميع
وكبدايه اتوجه بالمايك لاطرح اول الاسئله
متى كانت اللحظه الي قررتي فيها انج لازم تتغيرين؟ وصفيها؟
وانا جاهزه حق الاسئله ولأي استفسار
طبعا اللحظه اللي قررت اسوي فيها رجيم اهيا عقب ماتخرجت من الثانويه كانت على سنه 2018 طبعا قبلها سويت رجيم وضعفت لكن ماستمريت ورديت اللي ضعفته كله وبدون لا احس بهالشي
لكن عقب ماتخرجت من الثانويه حسييت اني لازززم اتغير واغير حياتي
و السؤال .. ليش الحين مسويه رجيم .. لأن انا معاج حاليا برجيم ال 12 يوم
هل السبب انج لا سمح الله رديتي اللي نزلتيهم و الا تطمحين للأفضل و تبين تنزلين بعد ..
و السؤال الثاني منو اكثر شخص شجعج على الرجيم ؟ .. و منو اللي يشجعج على تخريب رجيمج ؟؟
و موفقة ان شاء الله
سمسميه مشكوره عالموضوع الحلو
وانا الحين مسويه الرجيم لاني ماوصلت للوزن المثالي .. بس مارديت اللي ضعفته الحمدالله .. و مستمره بالرجيم .. واطمح للافضل
اكثر شخص يشجعني امي الله يخليها ويطول بعمرها.. صج ماقصرت معاي أي عياده تغذيه كانت توديني وتشركني بالنادي
بس مافي احد شجعني اني اخرب رجيمي بالعكس بالبيت امي وخواتي كانو يشجعوووني واذا خربته فالشيطان يوزني
انا حاليا اسوي ريجيم وعندي مشكلة عووووويصه(ارادتي تضعف جدام الاكل حييييييل موشوويه)
بس الحمدالله صرررت احسن من قبل يعني مرات الاراده تضعف ومرات لا
ابي اعررررف شلون قويتي ارادتج(ماشاءالله)..
والسؤال الثاني
جم كيلوا طيحتي ابي اتشجع
انا يبيلي 15 كيلوا تقريبا
اول شي انا طبعا ماضعفت بمده قصيره طولت بالرجيم وتقدرين تقولين تخفيف بعض المرات لمده سنتين .. لان الوزن اللي ينزززل بسرعه تردينه بسرعه
بدايه الرجيم كنت اراجع عند دكتوره وجدان الشمري وصراحه اهيا كانت تشجعني وصارت عندي اراده لين تعودت عالرجيم وصار الوضع طبيعي وكنت اشارك بالمنتدى مع البنات اذا في تجمعات حق الرجيم ونشجع بعض ومازلت مستمره احب هالتجمعات صج صج قوت ارادتي ..
نزلت الحمدالله 25 كيلو مع رياضه طبعا ونفس ماقلت لج المده صج طويله ويعتبر نزولي بطيئ بس انا مارديت اللي ضعفته الحمدالله
لان النادي اعتبرته شي اساسي بحياتي يتلي فتره طويله وقفت الرجيييم واكل عادي بس مو بزياده كان طبيعي بس وزني ماكان يزيد لاني العب بالنادي تقريبا ساعتين يوميا او يوم وترك فهالشي ثبت وزني بالفتره اللي وقفت فيها الرجيم ..
الف شكررررر لج
والله يوووفقج ياارب
وان شااءالله تستااانسين بسفرتج
وفعلا الدكتوره ممتازه ورجيمها كان وايد حلوو
الف مبرووك يالمستشاره الوزن الجديد ووالفوز الله يتمم عليج
وسؤالي ماصارت عندج تشققات وترهلات بالجلد لان 25 كيلو موشويه
والله يوفقج
وانا الحين مسويه الرجيم لاني ماوصلت للوزن المثالي .. بس مارديت اللي ضعفته الحمدالله .. و مستمره بالرجيم .. واطمح للافضل
اكثر شخص يشجعني امي الله يخليها ويطول بعمرها.. صج ماقصرت معاي أي عياده تغذيه كانت توديني وتشركني بالنادي
بس مافي احد شجعني اني اخرب رجيمي بالعكس بالبيت امي وخواتي كانو يشجعوووني واذا خربته فالشيطان يوزني
الله يتمم عليج الصحة و العافية يا رب .. و ان شاء الله تصيرين احلى الرشيقات و يطول بعمرها الوالدة و يخليها لج ان شاء الله .. انا مثلج امي وايد تشجعني على الرجيم ..
عسى الله لا يحرمنا منهم
و تخرب علي شغالتنا بهالفطاير و البيتزا اللي تسويهم لوووووول
موفقة ان شاء الله
واقولج طلعتي صغيرونه توقعتج كبيره يعني نص العشيرنات وحسبالي مستشاره بالصج..
والله يوفقج يارب..
يمه انا بغيت انشدج يقولون اللي يكبر بالعمر مااينزل وزنه بسرعه وآنا بالعكس لي صكيت حلجي اضعف بسرعه ولي هديت الرجيم شوي شهرين ثلاثه ارد وامتن وهذى حالتي"
سؤالي يسدح نفسه ويغرد ويقووول"
ماااجربتي حبوب التخسيس؟؟؟ واشرايج فيها مع الرجيمات؟؟؟
وبعد بسأل سؤال"
انتي قانونيه صج والا بس لقب يابعد جبدي"
وعساج عالقوه والله يعينج علي اسئلة البنات ذوات الكروش المخمليه"
وإن شاء الله توصلين للوزن المثالي يارب قريبا بس ضغطي على روحج
وما عليج امر حبيبتي ابي رابط المسابقة ما كنت متابعه القسم كنت مسويه مقاطعه ومن قاطعت قعدت اضعف