استفسار تاخذون خدمكم معاكم بالسفر؟

مشكورة اختي على الرد انا تعودت اني اسافر بروحي انا وزوجي بس اللحين بناتي كبرو وتعلقو فيني حرام اخليهم بالكويت ويتعلقون بالخدامه هذا اللي يخوفني ابيهم معاي بس مترددة من سالفه الخدامه احس اني راح اتوهق فيها او يتضايق زوجي منها مع ان احنا نحجز سويت يعني فيه غرفه للخادمه ودي اخذ الكبيرة والصغيرة اخليها بالكويت مع خدامتها عند امي بس اخاف ارد والقالها متعلقه بالخدامه لان امي كبيبرة وماتقدر تجابل بنتي

والله اخذي الخدامه معاج نصيحة لا تتهورين وتروحين بروحج لان بناتج صغار يعني لو احليوين وشايلين نفسهم ممكن تتعبين مع وحده والثانيه تشيل نفسها بس بناتهج الله يخليهم صغار اخذي خدامه وحتى لو تسكنين بشقه اكبر واوسع وارخص لكم وما راح تحاتين تنظيف ولا اكل لان خدامتج معاج انا هالصيف رحت بدون خدامه مع بنتي الي تعتبر كبيره وعمهرها خمس سنين هلكت من التغسل والتسبح وكوي الملابس والله يهنيييييييييييكم بسفرتكم

والله نصيحتي لا تاخذين بناتج .. هالعمر مو مال سفر ما يشيلون نفسهم ولا بيفهمون شي بس بيتعبونج

وانا وحده ماحب اخذ الخدم معاي بالسفر .. حلاتها تعتمدين على نفسج شوفي اذا عندج احد تخلين بناتج عنده اذا فترة فصيرة واذا مافيه بعد الله يعينج

استخيري وشوفي الي ريحك

نصيييييحه لاتسافرين بدون بناتج ماراح تستانسين راح تتعبين سأليني تعبت بدون بنتي نفسيا تتعبين وتحاتين وبيني وبينج اعيالج معاج احسن واخذي خدامه وريحي بالج خصوصن انهم صغار تبديل بامبرز تساعدج تغسل ملابسهم تدرين بعد يهال لويتهم وايد وماتأذي بالسفر عادي تخيلي نفسج بالبيت ومثل ماقالوا عربانات واذا دشيتي المحل توقف عند الباب ماتتحرك واكلهم والعابهم معاهم او دخليهم معاج المحل تقعد عالكرسي واهما يمها

اذا بتسافرين اوربا لاتاخذينها الانها راح تنحاش واذا انتى حاسة انج موقادرة عليهم اخذيها للى يريحج

عنى انا نو وى اخذ خداماتى معاى بسفر الانى افكر براحتى وخصوصتى يعنى بالكويت مجايلتنى وبسفر بعد؟
واذا عن الغسيل لاتغسلين ولاشى دام انتى بفندق يعنى لاطابخة ولامنظفة ولامغسلة
انا خذيت عيالى لندن وماليزيا للامارات وللخبر بدون خدامة والله اتحمل دلعهم ولااتحمل وحدة تتمشى معاى انا وزوجى نروح مطعم ونتمشى بسوق ونستانس ولااحاتى بنى ادمة غريبة معااى

هالعمر مو مال سفرر الياهل حركي ومايقعد

وعلي الخدامه لاتاخذينها راح تعكر مزاجج من صججج