مرحبا بنات بعد التحيه والسلامات ما اتلاحظن ان المنتدى هذا اسمه منتدى الاسره والطفل يعني لازم اتكون المواضيع فيه عن الاسره والاطفال الصراحه هاذا عكس اللي انا اشوفه من موضوعات ؟؟؟؟؟؟؟؟ليش.gif "Eh S(20)")
ليش تركيزنا دايم على الزوج هل الزوج اهو الاسره وبس ؟
ليش مركز كل فرد بالاسره مو متساوي مع الاخر والا تركيزنا على الريال هاذا تعبير لا شعوري عن تربيتنا اللي اتقدس الريال والعياذ با الله واتعظم دورة مقابل تهميش دور المرأه ؟
ترا الولى فينا احنا النساء انحب نفسنا اكثر من جذي ونبدا انغير هالمفاهيم الخاطئة اللي تربينا عليها لان المرأه صارت مساوية للرجل الان بالدور الكبير اللي تلعبه داخل اسرتها .gif "Eh S(9)")
باتقولون لي اشلون 
انا اقولكم
اولا: لازم انبرمج اعقولنا على ان احنا الاساس مو الرجل وهاذا الواقع لان المرأه هي الام ومربية الاجيال وبالتالي لازم تتعامل على انها اهي الاهم مو الرجل في كل الامور ومنها على سبيل المثال لا الحصر المواضيع اللي تطرح في هذا المنتدى
ثانيا : انربي اعيالنا وخصوصا الاولاد على ان دور المرأه مهم وان مافي فرق بينه وبين اخته ولا تزرعون ايضا في البنات انهم لازم تنكسر شخصيتهم عشان اخوانهم الاولا د
شجون عذروني اني صدعتكم فيها بس انا احس ان العلاقه بين الرجل والمرأه غلط بالكويت وهاذا سبب العديد من المشاكل وهاذا سبب انشار الطلاق بالكويت
ودمتم
مرحبا بنات بعد التحيه والسلامات ما اتلاحظن ان المنتدى هذا اسمه منتدى الاسره والطفل يعني لازم اتكون المواضيع فيه عن الاسره والاطفال الصراحه هاذا عكس اللي انا اشوفه من موضوعات ؟؟؟؟؟؟؟؟ليش
ليش تركيزنا دايم على الزوج هل الزوج اهو الاسره وبس ؟
ليش مركز كل فرد بالاسره مو متساوي مع الاخر والا تركيزنا على الريال هاذا تعبير لا شعوري عن تربيتنا اللي اتقدس الريال والعياذ با الله واتعظم دورة مقابل تهميش دور المرأه ؟
ترا الولى فينا احنا النساء انحب نفسنا اكثر من جذي ونبدا انغير هالمفاهيم الخاطئة اللي تربينا عليها لان المرأه صارت مساوية للرجل الان بالدور الكبير اللي تلعبه داخل اسرتها
باتقولون لي اشلون
انا اقولكم
اولا: لازم انبرمج اعقولنا على ان احنا الاساس مو الرجل وهاذا الواقع لان المرأه هي الام ومربية الاجيال وبالتالي لازم تتعامل على انها اهي الاهم مو الرجل في كل الامور ومنها على سبيل المثال لا الحصر المواضيع اللي تطرح في هذا المنتدى
ثانيا : انربي اعيالنا وخصوصا الاولاد على ان دور المرأه مهم وان مافي فرق بينه وبين اخته ولا تزرعون ايضا في البنات انهم لازم تنكسر شخصيتهم عشان اخوانهم الاولا د
شجون عذروني اني صدعتكم فيها بس انا احس ان العلاقه بين الرجل والمرأه غلط بالكويت وهاذا سبب العديد من المشاكل وهاذا سبب انشار الطلاق بالكويت
ودمتم
و هالمنتدى يضم الحياة الأسرية و تحت شوفي في خاص بالتربية و الطفل ..
لكن دام انج طرحتي الموضوع .. انا بصراحة بقول شغلة .. تحوس بقلبي
ليش بعض البنات يسألون ريلج جم يعطيج و ريلج شيحب يلبس و الا ياكل
و الا و الا …..
يعني .. خلنشوف هالأسئلة من زاوية ثانية .. ليش البنت اللي تطرح هالموضوع تقارن روحها بغيرها .. الناس مختلفة عن بعض .. مو شرط اللي ريلج يحبه ذاك الريال يحبه .. و مو شرط اللي ريل س يحبه ريلج يحبه
فيه فروق فردية .. و في طاقات و في ظروف تحيط بكل انسان ..
والله سبحانه و تعالى يقول :" ولا تمدن عينيك إلى ما متعنا به أزواجاَ منهم زهرة الحياة الدنيا لنفتنهم فيه ورزق ربك خير وأبقى ) طه.
بنات .. تبون ترتاحون و تريحون رياييلكم .. لا تقارنون حياتكم بغيركم ..
سوري محاميتنا ادري داشة عرض بس السالفة من زمان ودي اقولها و لقيت مناسبة تنطرح فيها .. و شكرا …
موضوع حلو
الحين بالنسبه للتقسيم في عندنا منتدي الاسره والطفل مثل ماتفضلتي، هالمنتدا عباره عن مجموعه اقسام فرعيه مختصه
1- الـحـيـاة الأســرية
(لمناقشة الجوانب المتعلقة بين الزوجين من افكار وخبرات ومشاكل وحلول)
وفيه قسم فرعي ( ركن الاستشارات الخـــاصــة) " لايطلع على الموضوع الا صاحبة الاستشارة ومشرفة القسم" يختص بالمشاكل الخاصه بين الزوجين من ناحيه حميميه اوشخصيه لكن تتطلب سريه وتتحرج العضوه من عرضها امام باقي العضوات
2-نساء وحمل و ولادة
(كل مايخص امراض النساء وتاخر الحمل والحوامل)
وله قسم فرعي مختص * تـأخـر الانـجـاب * يختص بمشاكل العقم وتاخر الحمل
3- الـتـربـيـة و الـطـفـل
(ركن يخص جميع امور الطفل من تربية وتغذيه وتعليم وغيره)
الحين بالنسبه لاول قسم ليش مافيه مواضيع تخص الطفل والاسره؟
فيه مواضيع تخص الاطفال ولكن مو بتعمق وتفاصيل لان في قسم كامل يناقش هالشي ، يعني طريقه التعامل مع الاطفال لما يكون مشكله زوجيه اوالتصرف لما يصير موقف معين بوجودهم وهلم جر
ثاني سؤال
ليش تركيزنا دايم على الزوج هل الزوج اهو الاسره وبس ؟
لان الزوج والزوجه اهم اساس الاسره ونواتها نستاهل نحط لنا قسم ناخذ راحتنا ونفش خلئنا بدون لايناشبونا اليهال والا لأ؟ خلهو بقسمهم جنه الاطفال قسمهم
وهالقسم مو بس يختص بالمرأه والرجل بس كزوج وزوجه وبس ، يختص بعلاقتها باهلهم اي بيت اهل الزوج والزوجه ومشاكل الاسره كلها من ميزانيات وتخطيط وطرق تعامل كل الحياه الاسريه و و و و
ليش مركز كل فرد بالاسره مو متساوي مع الاخر والا تركيزنا على الريال هاذا تعبير لا شعوري عن تربيتنا اللي اتقدس الريال والعياذ با الله واتعظم دورة مقابل تهميش دور المرأه ؟
او حتا تبطيله الباب لي انطق (مو يمكن ريال اللي ياي؟)
والله انا اتفق وياج حيل حيل حيل انا من وجهه نظري دور المرأه بالمجتمع اكبر من دور الرجل مو مساوي له اول ايام جداتنا وامهاتهم وامهاتهم كان الريال اهو مسؤول عن كل شي من الابره لين بالعير بالبيت المصرف عليه وكل شي عليه وكانت المره اذا بتطلع من البيت لازم وياها احد ، ريال ، صبي ، المهم محرم يكون وياها علشان جذي كان الولد الصغير يكبر علي انه المسؤول عن العيله لان من يوم اهو صغير يكون شايل جزء من المسؤوليه سواءا بالمطاريش
اللي صار حاليا انقلبت الدنيا صارت المرأه اهي اللي مسؤوله عن اغلب الاشياء ماديا معنويا تربويا
المره اهي مسؤله عن التربيه ،التعليم، المجابل ، المشاوير ، الخدم <<< كان لي هني ممكن نمشي بس لا زادت الحين صرنا مو بس هذا صرنا انترناشونال قامو يصرفون علي البيت قد الريال اذا مو اكثر (بالشرع يعتبر صدقه واهي مو مجبره بس شتسوين برياييل هالوقت اللي يقولج والله انا اشوفه كماليات تبين انتي حطي فلوسج) واهي اللي توجب اهله وتسعالهم واهلها مواجبيهم يروح لاوي بوزه، صارت مسؤوله حتا عن بنيان البيت روحي للمقاول وجابلي وسوي وحطي ، الفرش اختاريه (وبعضهم دفعي) والا بحط بذوقي (مشجر علي مخطط علي مرقع والوان الطيف) انتي يبي اليهال وديهم من المدرسه انتي حلي واجبتهم وياهم اليااهل فاشل دراسيا؟ عليج وعلي اهلج الابو اينشتاين الله خير ، المره عندها مشاكل بالحمل؟ الريال فيه عله ويبله علاج؟؟ انتي روحي دفعي فلوس الدكتور وهم بعضهم يقل العيب علي المره علشان نظره المجتمع
عندج قسط سياره؟ اانتي تدفعينه انتي مسؤوله منو بيسوق السياره انا والا انتي؟(واذا سياره المره اكشخ عليها السلام كله متسلفها)
الخدم مالهم ضروره شفيها لي داومتي الصبح سبع ونص ورديتي وحده ونص او ثنتين !! عادي والاكل لازم مطبوخ وفريش واليهال نظاف ونايمين والبيت علي سنقه عشره واذا تبين خدامه اييب وحده مع طلعه الروح الثانيه انتي تدفعينها
وفوق كل هذا عسا يعجب بس
تلقين عيونهم التلاقط وفي عوامل مساعده ان الريال يصيع (بين قوسين وتحتها خطين – بنات ابليس والتين الايج اللي يجربون عمرهم وقوم مع الخيل ياشقرا اللي يقلدون كل من طق طبله) ففوق كل ماتؤديه المره مطلوب منها وبشده انها تداري خاطره وتجبره وتقوم بعمل نيولوك كل سبع دقايق ونص علشان عينه لاتحيد يمينا ولايسارا وتحافظ علي رشاقتها وشعرها يتغير اللون والطول تبعا لمزاج الباشا (يا اخوان الباروكه حرام مافيها روح تعال)
والشفتشي والمفتشي والوان البدع كل اشي
وهاااااااااااااااااااااااااااااااااااااااااااااااا ااااااااااا لازم كل هذا باحترام لان بالبيت يهال / حموله!!
والله لو يوم الريال ساعتين ويوم المره 28 ساعه مايكفي كل هذا !! ومطلوب عدم الشكوى او ابداء التعب
عاد علي شنو مادري !!! المهم خلو الحياه تمشي ولاتستكثرون قسم حق ريلج ريلج ريلج نتعاون فيه ونعين بعض في فئات لي الحين ممكن انقاذهم
هاذا محور الحديث انا مو قصدي انتقد المواضيع بحد ذاتها انا قاثني التوجه العام وسامحوني اذا ما قدرت اوصل الفكره صح ميخالف المحكمه فرت مخي
في يقولون
(امام مسيدنا قال انا سماعته بخطبه الجمعه ينص المتزوجين ونسو الميكفون مبطل وقامو يسولفون شنو سوو ) في رياييل تسوي
مثل مافي ناس تخرب في ناس تبني ولو خليت خربت لكن في اغلبيه واضحه اهي اللي قاعده تخرب ، لو الحياه الزوجيه سيئه اميه بالاميه جان ماظل متزوجين ، في ايام مشاكل وفي ايام حلوه واهم نعمه بالزواج اللي تستاهل نضحي بشنوووووووو عشانها اهي العيال بالنسبه لي انا ماحبا ليهال وايد ولا اعرف اتعامل معاهم بس لما يبت عيال حسيت ان عمري قبل ماكنت عايشته ، لو تيني وتقوليلي قبل زواجي او قبل لا اييب عيالي شنو تسوين لي دريتي ان ريلج عنده علاقات اقولج اسوي واسوي واسوي وكياس بلاستيك ، الحين اقولج اول شي بسويه بحاول انق بيتي قد ما اقدر ووانتقم بطرق اخرى
لكن ما انكر انا اتفق معاج في خلل وعيب بمجتمعنا في غلط في الادوار والمسؤليات علشان جذي انا اقولج انا ضد المساواه بين الرجل والمرأه ومع قوامه الرجل بحدود الشرع مابي انا اصلح بنجر ولا ابي اشيل مسؤوليه بيت كامله علي راسي ولا المسؤوليه الماديه ابي ريل يشيلني ويريحني ويعاملني زين مثل ما امر الشرع
الخلل عندنا بفئات معينه منه موضه الهبه ومع الخيل ياشقرا
والكسل الاجتماعي اللي يه رياييلنا وصارو شكل هندسي اكثر من سناده اساسيه وعمود المجتمع
شنسوي اضطرينا ناخذ هالدور والدنيا لازم تمشي
وثاني شغله الملل موطبيعي صار بحياتنا وكله اوف زهق اوف ملل اوف شنسوي ! ملينا ملينا واقريب واسهل شي نسويه لتغيير النفسيه وانا ختج انغير اللوك
و يكافي الناس شرهم ..
و ربع الدواوين ما يقصرون بالتشيش .. و انتي تدرين !
كل هذا .. و ما تبين المرة تدور رضا ريلها و تسوي كل هالسوالف
بس علشان تحافظ على بيتها ! و بعدين انتي ادرى شنو مكانة الزوج
بالشرع و شنو واجبات المرة من ناحيته .. اهي اللي عليها تأدي
دورها جدام ربها .. و اذا اهو قصر بواجباته تجاهها فالله ما راح يضيع حقها ..
لو كل واحد يراعي الله سبحانه و يحاسب تصرفاته ان كانت ترضي الله سبحانه سواها و ان كانت تغضبه تجنبها .. جان الدنيا بخير ..
حبيبتي ماتعرفين ان بالقران مكتوب ان الرجال قوامون على النساء
مايصير احنا نتساوا معاهم حبيبتي
وهذا حق من حقوق الرجل القوامه واما احنا لنا الاحترام والتقدير
وتربيه اعيالنا تربيه صحيحه مو نربيهم ان انت ياولد مستواك نفس مستوى اختك
لا لازم الولد يكون فوق البنت اكبر دليل ان حظ الذكر مثل حظ الانثيين
ولا شرايج
اهم عندهم عادي الخيانة الريال و المرة يخونون
انا قاريه بمنتدياتهم انهم في فترة الحمل اذا ريلها ما عطاها حقها عادي تدور بوي فريند مؤقت !!!
ما يصير نقارن نفسنا فيهم بكل شي .. شنو مضيعنا غير التقليد الاعمى
لو ما التقليد جان ما صار اللي على قولة كوين ((اللي ممكن ينلبس بغرفة النوم صار ينلبس بره ))
ممكن نكون مبالغين شوي بس بعد الوحدة ترتاح اذا حست ان لها سند
اكو وحده تفكر 24 ساعه باليوم زوجي زوجي زوجي زوجي زوجي هذي موصاحيه.gif "Eh S(8)")
!!! او فاضيه جدا وهذا شي نادر بهالزمن ماكو احد فاضي بالعكس اليوم يالله يكفي ، ولاهو شغلنا الشاغل طول الوقت شلون نرضي الزوج ونجذبه للبيت بالزمن الاغبر هذا ، لكـــــــــــــــــــــــــــنه من اولويات والضروريات والهوايات من قال مو موجوده.gif "Eh S(13)")
؟ بالعكس الهوايات موجوده وبكثره خصووووووووصا عند النساء اكثر من الرجال والدليل شنو؟ المعارض دشي المعارض وشوفي.gif "Eh S(9)")
.gif "Eh S(17)")
.gif "Eh S(13)")
.gif "Eh S(20)")
.gif "Eh S(20)")
) ) بس ابرك مليون مره من المجتمع مالهم احنا الاغلاط اللي بمجتمعنا بسبتنا وممكن تتصلح وماهي عرف سائد يعني حالات منتشره
اللي تحب الرسم مزينه اجهزه بستراس ومسويه اكسسوارات اتهبل مستغله هوايتها بشي مفيد وكمصدر للرزق
واللي يصصمون ملابس وواللي يصممون تقديمات للمناسبات والشكر وهالشغلات ، واللي تصمم ديكورات واللي واللي واللي …. حتا اللي تحب المطبخ والطباخ قامو يسوون اطباق بالبيت ودلفري <<<< الهوايه حمايه
الزوووج شريك الحياه ممن حق المره انه يشغل جزء من بالها بس مايشغل كـــــــــــــل بالها وتفكيرها ولاكل عمل تقوم فيه يكون له !! جان ماكو موظفات ولا في حريم يشتغلون !
وبخصوص الاجانب لاتنغرين فيهم لاتاخذين صوره الافلام اللي منتشره محد قص علينا وصدمنا يوم تزوجنا الا اهم علي بالنا كوم هير ماي دير وسويتي وهاني
وانا قاعده اكلمج بخصوص الاجانب بناءا عن تجربتي انا معاشرتهم وشايفتهم واغلب يومي معاهم الخيانه منتشره بشكل رهيييييييييييييييييييب مو طبيعي بينهم ، لدرجه عندنا محامي امريكي مرافج الفلبينيه مالت البانتري لان مرته سافرت فيكيشن !! ومدير قسم محترم بوبدله تدق عليه مرته بنص الاجتماع في امه خييييييييييييير مايرد عليها اصلا اذا طول علي ماشال التلفون نسمع صراخها من اخر التلفون واهو يس دير يس دير اوكيدوكي وويهه يقط الوان
وغير اللي استخف وصيغ شعره اشقر ولبس قلب يوم صار 59
و و و و و و غير هذول اللي انا اشتغل وياهم وومكن تعتبرينهم حالات فرديه شاذهه انا عشت بره فتره صج ماكانت طويله بس كافيه عشت واشتغلت وياهم حمدت ربي اني مسلمه وعربيه وحقي محفوظ بالشرع والدين قبل القضاء ، ماعندنا برينكتشوال اغريمنت (حدهم مو مامنين ببعض) ولا ياخذ نص فلوسي لاني اغنا ولا اصرفله نفقه (عشنا وشفنا بالزمن الاغبر دا) غير عندهم اناااااااااااااااااا ومن بعدي الطوووووووووووووووووووووفان مهم الشخص تااااااااااااالي عيلته حتا قبل عياله انا اموت بس عيالي مايقصر عليهم شي اهم الياهل يكمل 16 ينجحت بره البيت !! لي صار 18 ماطلع اهم قامو يدوره شقه علشان يطلع !!
والام اذا نصحت عيالها قاطعوها وطردوها تدخلت بحياتهم واذا زارتهم مرتين بالاسبوع قامو سافرو شهر علشان تبطل هالطبع والتدخل والتطفل بحياتهم !!! واذا تشاركت الام مع بنتها بمشروع عادي يرفعون قضايا علي بعض
اي مجتمع وعدل تتكلمين عنه
علي الاقل اهني المره والريال يتشايلون يتساعدون هناك امللللللللللللللللج فلوسه له وفلوسها لها
والله ما انسى وحده كانت ويانا بالمكتب منتقله توها عايشه ويا بويفرندها اقولها علي الاقل تفتكين من الرينت مال شقتج قبل جان تقول لا انا عايشه وياه اي بس انا ادفع نص اجار شقته والغروسري فيفتي فيفتي بيني وبينه
وايدها علي قلبها لايهدها وتلقا عمرها بالشارع !! الحمدالله صج المنتج الكويتي (ريايلنا) فيهم عوابه وفيهم اطباع خايسه وكسولين واتكاليين (شبقا؟
صايرين جنهم مسلسل مكسيكي الله يقربل بليسهم وما يلفت نظرهم الا الريال المتزوج يحسون بفضول زوجته امريحته والا لا وايحطون نفسهم بمقارنه مع الزوجات وطبعا في ظل ضعف رقابة الاهل قاعد يدخلون علاقات مع ريايل متزوجين عشان اتعزز ثقتها بنفسها انها قد الحياة الزوجيه اللي اهم يشوفونها بوجهة نظرهم بس تزين وتدلع واغراء
واذا تزوجت تعالي شوفي الصدمات
اول شي تانصدم بزوج عادي متزوج عشان يستقر ويكون اسره ما يعاملها كحبيبة
ثاني شي تبدا اتقارن بين علاقتها السابقه مع ريال متزوج امدلعا وقاص عليها بمعسول الكلام – بس عشان يغير جو – ويا كثر هالنوعيه فتقتنع ان زوجها مو طبيعي مع ان العكس اهو الصيح وتبدا تفتعل المشاكل بس عشان تتطلق
الوضع صار يجر بعضه والتحفظ بالامور الزوجيه المتعلقه بالعلاقات الحميمه بين الزوجين اصبح لازم عشان انحاول نحفظ المجتمع ونرتقي بالفكر العام للنساء والرجال والمراهقين والمراهقات اللي وضعهم ابد ما ايبشر بخير
الاجانب عمرهم ما كانو مثال انا يقلت لكم شوفوهم قصدي ان العلاقه الحميمه عندهم شي عادي مافيها كل هالخبه اللي انشوفها بمجتمعنا يعاملونها على انها غريزة طبيعه فقط لاغير احنا احسن منهم احنا الاسلام حطلنا الاطار الشرعي لهالعلاقه وحفظ فيها صورة المرأه والرجل من الرخص والابتذال
ليش احنا انضخم الاهتمام فيها اغلب الموكلات اللي اييوني يبون يتطلقون اول شي اتقولي اياه اسوي جو واحط واشيل مثل ما يسوون هالبنات وما يأثر فيه
صايرين جنهم مسلسل مكسيكي الله يقربل بليسهم وما يلفت نظرهم الا الريال المتزوج يحسون بفضول زوجته امريحته والا لا وايحطون نفسهم بمقارنه مع الزوجات وطبعا في ظل ضعف رقابة الاهل قاعد يدخلون علاقات مع ريايل متزوجين عشان اتعزز ثقتها بنفسها انها قد الحياة الزوجيه اللي اهم يشوفونها بوجهة نظرهم بس تزين وتدلع واغراء
واذا تزوجت تعالي شوفي الصدمات
اول شي تانصدم بزوج عادي متزوج عشان يستقر ويكون اسره ما يعاملها كحبيبة
ثاني شي تبدا اتقارن بين علاقتها السابقه مع ريال متزوج امدلعا وقاص عليها بمعسول الكلام – بس عشان يغير جو – ويا كثر هالنوعيه فتقتنع ان زوجها مو طبيعي مع ان العكس اهو الصيح وتبدا تفتعل المشاكل بس عشان تتطلق
الوضع صار يجر بعضه والتحفظ بالامور الزوجيه المتعلقه بالعلاقات الحميمه بين الزوجين اصبح لازم عشان انحاول نحفظ المجتمع ونرتقي بالفكر العام للنساء والرجال والمراهقين والمراهقات اللي وضعهم ابد ما ايبشر بخير
الاجانب عمرهم ما كانو مثال انا يقلت لكم شوفوهم قصدي ان العلاقه الحميمه عندهم شي عادي مافيها كل هالخبه اللي انشوفها بمجتمعنا يعاملونها على انها غريزة طبيعه فقط لاغير احنا احسن منهم احنا الاسلام حطلنا الاطار الشرعي لهالعلاقه وحفظ فيها صورة المرأه والرجل من الرخص والابتذال
ليش احنا انضخم الاهتمام فيها اغلب الموكلات اللي اييوني يبون يتطلقون اول شي اتقولي اياه اسوي جو واحط واشيل مثل ما يسوون هالبنات وما يأثر فيه
استاذه الحياة مركب لازم كل من الزوجين يتعاونون عشان يبحر هالمركب بامان
بس اذا كان واحد منهم هاد المركب على الثاني شنو الحل؟؟؟
لازم واحد منهم بكون ايجابي و يبذل الاسباب احنا بمنتدياتنا نحاول نوصل لحلووول
واهم بمنتدياتهم يحاولون يوصلون لحللووول
اما بخصوص المواضيع الثانيه اقصد الرومانسيات مثل ماهو معروف اغلب الرياييل يفتقدون الرومانسيه او قولي يستحون يعبرون عن رومانسيتهم
او يمكن ما يعرفون لكن احنا الحريم هالشي يمشي بدمنا
فا ما فيها شي تبادل الخبرات في هالجانب
بس بدون ما يكون هالشي هاجس
ومثل ما يقولون الشي لا زاد عن حده انقلب ضده