اشرايكم تأيدون السفر الى لندن !!؟؟

السلام عليكم

شلونكم يابنات

حبيت اخذ رايكم قبل لا اتخذ اي قرار

عيالي الكبار الصبيان اعمارهم 17 و15 سنة… من زمان يحنون علي يبون يروحون لندن عشان النوادي وسوالف الصبيان هذي..
ريلي الله يهديه وايد عصبي وبالسفر مايتحمل عياله وطلباتهم

عاد انا كاسرين خاطري وافكر جد اني اوديهم بروحي اروح معاهم مع اختهم الصغيرة.

بس بصراحة اقولها لكم وايد متخوفة كونها اول سفرة لي معاهم حق لندن.. على ان اسمع وايد ان لندن سهلة وماتضيعين فيها ووايد اعرفهم اقل جرأة مني بس عرفوا يروحون لها وتعلموا عليها ياخذون بس عيالهم من غير رياييلهم ويسافرون..

انتوا اشرايكم..
تنصحوني اجازف فيهم واروح..!!
وان كان هذا رايكم.. شنو نصايحكم لي كوني اول مرة اروح لها..!!؟؟؟

بانتظاركم حبايبي وما استغني عن نصايحكم وخبراتكم..