بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
حبيباتي انا ودي اتعلم اتداول بالبورصة لكن والله ما اعرف واستحي اقول لانه تقريبا الكل يعرف
وودي اتعلم والي تعرف تقولي وراح ادعيلها من كل قلبي والله يشهد انه ودي اتعلم
لا تقولولي دورات -الصقر – لانه ريلي مو راضي -الله يهديه
علموني رجاءا
السلام عليكم
حبيباتي انا ودي اتعلم اتداول بالبورصة لكن والله ما اعرف واستحي اقول لانه تقريبا الكل يعرف
وودي اتعلم والي تعرف تقولي وراح ادعيلها من كل قلبي والله يشهد انه ودي اتعلم
لا تقولولي دورات -الصقر – لانه ريلي مو راضي -الله يهديه
علموني رجاءا
أنا بعد ميييح بالبورصة و الاسهم هههههه
بس ممكن سؤال؟؟؟ كم أقصى مبلغ نقدر ندخل فيه؟؟
وبعدين اشكثر احط فلوس ؟؟ ومنو يعلمني على الشركات الزينه ؟؟؟
بعدين تنزلين الدور الثانى راح تلاقين قاعه السيدات وتلاقين موظفتين قاعدين على المكتب وقولى لهم انا ابى اتعلم اشلون ممكن انهم يساعدونج … وبعدين راح تشوفين كاونترات وكل كاونتر فيه بنت وكل بنت تابعه لشكره وساطه مالها شغل بالثانى ممكن يفيدونج وطريقه تحويل الفلوس انج تحولين المبلغ قبل الشراء على حسابج بالبورصه وتعطين موطف البنك بطاقه البورصه وتأكدى انه الرقم صحيح وتودينها عند شركه الوساطه اللى انتى اخترتيها وبس واى سؤال انا حاضره
مشكووورة يالغالية
بالبداية تعلمي من نفسج لا تقولين ريلي مايرضى اروح دورات
اقري بالنت عن slow stochastic – MACD – RSI هذول يسمونهم مؤشرات – لهم قواعد تعلمج متى تشترين ومتى تبيعين
انا توني متعلمة بس ماراح اقول شي الا لما احس نفسي متمكنة
عندج بيت التمويل الكويتي وبيت التمويل الخليجي والصفاة و زين – هذول ما يتفوتون حتى لو تنزل يوم يومين ترد تصعد
اهم شي لازم تعرفينه متى احسن وقت تشترين فيه ومتى احسن وقت لازم تبيعين
والاهم من هذا كله انج ما اتابعين السهم طول اليوم – لأ شوفي العصر او بالليل بعد ما يسكر السوق حطي السهم جدامج وطبقي قواعد المؤشرات اللي قلت لج عليها فوق والله يوفقج
خوووش نصيحة ان شاء الله باطبقها واردلج خبر