#اطباق فتافيت المجربة مني وبس حصري جداااا لايفوتكم #

مشرفة القسم ( جارة القمر )

تعالي لاتطلييييين مفاجأة حللللوة للحلوييييييين

هلووووووووووو بنات كويتيات اشلونكم انشالله كلكم بخيييييير؟؟

امس بليل وانا حاطة راسي عالمخدة يتني فكرة اني احط الاكلات من قناة فتافيت الي جربتها مثل اطباق نايجلا جيمي بيرفوت كونتسا وغيييييييرهم وااايد

طبعا مثل ماتدرون قناة فتافيت ابتدت من تقريبا 3 سنوات وانا من متابعي هالقناة بشكل كبيييييييييييير يعني ابيتي ماغير هالقناة ليل نهار مجابلة

شسوي احب المطبخ اموووووووت بالطبخ غراااامي

فانشالله راح اقدم لكم الوصفات اللي جربتها واعجبتني واللي جربتهم وماعجبتني ماراح اذكرها فراح ابتدي بطبق ………………………………………….. ………. سواه جيمي اللي اهو

باستا بصوص الكاربونارا والكوسا

هالطبق وايد عجبني وسويته مرتين وجدا لذيذ والحلو فيه انج تاكلين كوسا بطريقة جديدة

اول شي سلقي اي نوع باستا اتحبينه بيني سباغتي لينغويني فرفالي انتي وذوقج بس نصيحة بعدي عن المعكرونة الكوع االمتعودين عليها التغيير حلوووو اتسخنين مقلاة وتحطين زيت وتضيفين بيكن (انا ماضفته حطيت صدور دياي مقطعة) وتقلبين عدل مدل الين يتحمر ثم اضيف كوسا مقطعة شرائح رفيعة واقلب وارش ملح وفلفل اسود وزعتر فريش مفروووم وخليه على النار شوي وبطاسة حطي بيضتين مع نص كوب جبن بارمزان مبشور فريييش
(لاتشترين العلب الجاهزة طعمه مو شي جربي اشتري ربع كيلو وبشريه وبعد ماتخلصين غلفيه بقصدر وحطيه بالثلاجة يقعد فترة طويلة) ونص كوب كريمة خفق وخلطيهم عدل مدل وخليهم على كتر وتالي اخذي الباستا المسلوقة وضيفيها على خليط الدجاج واقلب بعدين اضيف خليط البيض والكريمة واقلب بسرعة وضيفي اشوي من ماي الباستا اذا حسيتيها صارت ثقيلة وبعدين صبيها بطبق ابيض حلووو ورشيها زيت زيتون ورشة بارمزان

وبالعافية

ابي تشجيع عشان احط لكم وصفات ثااانية