بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته صباح الخير حبوبات حبيت اعرف شنو اطعم بنتي التي عمرها اربع شهور ياليت تعطوني افضل شيء اعطيه إياها وشنو رايكم بالاطعمة الجاهزة التي تباع في السبرماركت مثل الفواكه وغيرها ابي خبراتكم
السلام عليكم ورحمة الله وبركاته صباح الخير حبوبات حبيت اعرف شنو اطعم بنتي التي عمرها اربع شهور ياليت تعطوني افضل شيء اعطيه إياها وشنو رايكم بالاطعمة الجاهزة التي تباع في السبرماركت مثل الفواكه وغيرها ابي خبراتكم
اذا كان عندج وقت سويلها خضار او فواكه بالبيت اذا كنتي تبين شي سريع الاكل الجاهز زين
اول شي ابدي بنوع واحد بعدين ابدي تخلطين لها
مثلا تفاح موز كوسا بس اللي تكون حجمها صغير لان الكبيره شوي مره البطاط بعد اليهال يحبونه و السيرلاك
خلي الاكل اول شي حيل ناعم و بعد ماتطلع لعا اسنان ابدي تخلينه اخشن بعد السنه مايحتاج هرس
و بالعافيه انشاءالله
والله ساعات أفوح لها بطاط أو كوسه أو جزر أو قرع وأضربهم بالخلاط… ومرات تفاح أقشره وأفوحه ليما يلين أضربه بالخلاط مع شوية من ماي الفوح …..
قفشــــــــة سيريلاك أو نص بسكوته فارلين مع الحليــــــب…
وساعات أعصر لها برتقال طبيعي بس أخففه يعني رقم برتقال ورقم ماي
وساعات نكوون مسوين عيش ملبوج مع مرقة أو شوربه أخذ لها قفشه من كل نوع وأهرسه بالخلاط تستانس حيل عليه
ومرات والله مالي خلق أعطيها الجاهز …
شوفي هالموضوع روعة ان شاء الله تستفيدن منه
http://www.q8yat.net/showthread.php?t=92086
و اكل البيت افضل من الجاهز اكيد
ابدي وكلي البيبي ميلوبا أرز و ميلوبا خضار مشكلة لما يكمل 5 شهور ، و بعدين طبخي له أكل فريش مثل خضار مسلوقة و مطحونة أو فواكة ، بس ديري بالك من الموز عطيه عقب 6 شهور لأن ممكن يسبب حساسية.
و حطي حق الياهل بسكوتة بالحليب بالمميه من بسكوت ميلوبا وايد زين لأنه ما فيه قمح و لا بيض عشان ما يسبب حساسية حق الياهل.
و اذا كنتي مستعيلة اشتري أكل جاهز غراش من ماركة جيربار لأن ما فيها مواد حافظة.