الجدري ماي

جدري الماء مرض فيروسي معد (بسبب الحميات الراشحة) يبدأ فجأة بارتفاع قليل في حرارة الطفل وصداع، ثم ظهور حطاطات أو حويصلات حمراء صغيرة تكثر في مناطق الجسم المغطاة ما يسبب حكة شديدة. وتكون الحويصلات قليلة في الأقسام المكشوفة كالوجه واليدين. ويتراوح دور الحضانة من 14 إلى 16 يوماً. تبدأ فترة سراية المرض قبل ظهور الحويصلات وتستمر إلى ستة أيام. وتدوم مدة المرض من سبعة إلى عشرة أيام، ريثما يحضر الطبيب تقص أظفار الطفل ويعطى طعاماً خفيفاً مع الإكثار من السوائل، وتخفف الحكة بالدهن بسائل «الكالامين»، والراحة في السرير مهمة جداً. العدوى إما بملامسة الجلد وإما عن طريق الهواء. ويعزل الطفل المريض. ويجب ألا يسمح له بالذهاب إلى المدرسة لمدة أسبوع من تاريخ ظهور الحطاطات،مع عدم مخالطة الأطفال للمريض المصاب بجدري الماء، ولا يوجد في الوقت الراهن لقاح ضد هذا المرض

منقول للإفاده

الله يكون بعونج يارب
بالنسبة لولدج وديه الأمراض الساريه يعطونه ابره علشان تذبح الجرثومه و يطيب بسرعه علشان ما يتأذى.

و بنتج الصغيره اسم الله عليها, اذا عاداها اخوها عادي. بنت اخوي كان عمرها سنه و نص عادت اخوها كان بالأربعين والله, امهم ودتهم الأمراض الساريه خذوا الابره و ارتاحوا و طابوا بسرعه تبارك الرحمن. مع العلم لازم تعطينهم دواء خافظ للحراره و تدهنين جسمهم بكلامين. او نفس ما تقول امي نشا و ماي يبرد على الجسم وايد.
و فيه شي بعد الأخت فوق اذكرت انه مافيه تطعيم للجدري, اهي غلطانه الحين فيه ماشاءالله. اعيالي الأثنين تطعموا ضد لجدري بالامارات على عمر سنه. و بالكويت الحين موجوده التطعيم بالهادي. بس حق عمر سنه و طالع. و ماشاءالله اعيال اخوي ما عادوهم لأنه كانوا يزورونه و اهم عندهم الجدري.

عادي و لا تخافين عليهم
ولدج لا تغيبيينه و لا شي خليه يرووح الروضة
بس لما يبدي يقشر العنقز لا تخلينه يرووح لإن بالفترة هذه يعدي
و بنتج لو يعديها عادي بالعكس تفتك من العنقز لإن اللي سمعته إن الكبير ما يقدر يتحمل العنقز و عواره مثل الصغير
و أنا عمري11 سنه عنقزت و بصراحة إستانست

حطيله الكالامينا و بدلي ملابسه مرتين باليوم و كل 3 أيام سبحيه عشان الميكروبات و الجراثيم يطيحوون عنهو حطي له الدوا على نظافة..أحسن

ما تشوفون شر انشالله
بس ترى اذا بنتج توج مطعمتها حق اي تطعيم يصير فيها مناعه قوية لانة انا ولدي الصغير لما ار فيه عقنقز كان العود قبل يومين مطعم فماحاشة مع انهم يلعبون مع بعض والحمدلله
بس ما تدرين يا طيبة الكويتيه تطعيم الجدري الي بالهادي مناعه لة طول العمر والا بس مؤقت وبجم طعمتيه واشلون بس رحتي وقلتي بطعم ولدي لانه ولدي بالحظانة وبيسوونلهم حفلة تخرج واخاف يصير فيه بالحفلة

غياب وغيبته
والصغيرونه توني مطعمتها قبل ما يحوشه بجم يوم
والحافظ الله

واليوم قالولي عن اسم دوا تشترونه من الصيدليه zufirax يذبح الفايروس
بس ولدي حايشه خفيف الحمدالله

بس قلت اعطيكم اسمه يمكن احد يحتاجه فيوم اكون ساعدت