بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
ومبارك عليكم الشهر
بنات منو تعطينى احسن طريقة لعمل الجريش والافضل التقليدى القديم وشنو احسن انواعه الموجودة بالسوق لانى والله كل ما اسويه يطلع جنه ماى مع انى دايما اخفف الماى عليه واستخدم (المطاحن )
تكفون رمضان على الابواب وزوجى وايد يحبه
انتظر ردودكم
السلام عليكم
ومبارك عليكم الشهر
بنات منو تعطينى احسن طريقة لعمل الجريش والافضل التقليدى القديم وشنو احسن انواعه الموجودة بالسوق لانى والله كل ما اسويه يطلع جنه ماى مع انى دايما اخفف الماى عليه واستخدم (المطاحن )
تكفون رمضان على الابواب وزوجى وايد يحبه
انتظر ردودكم
اللي تعرفه تعلمنا وجزاكم الله خير
اقولج طريقه تسوينها:تقصين بصل وتقصين طماط عدد 3 وتحمسنهم ببهاراتج الطيبه او ممكن بس كاري وفلفل اسود_تالي تقطين اللحم ولو يكون هبر افضل واذا تبين دياي هم كيفج جنج قاعده تسوين مرقه ولاتنسين اللومي حبتين ومعجون طماط واحد تالي تصبين ماييج وتخلين اللحم ينضي واذا كان دياي شيلي العظم عشان لاتعابلين فيه حزت الضرب وخلي كل مانقص ماييج صبي ماي_لمن تحسين انه لجم ناضي يبي جريشج تكونين غاشلته عدل مو منقعته بس غسيل
وصبي واول فقاعه تقطق وياج قصري علي الجوله وكل 3 دقايق او 5 دقايق قلبي الجريش عشان لاتصير حكوكه والماي خليه فوق الجريش بمقادر نضرج بقلاسين وكل مانقص الماي هم صبي قلاسين خلي علي الجوله عقب الجريش تقريبا ساعتين ونص _عقبها خليه يبرد وضربيه ولاحظي انه الماي يكون قل نوعا ما واذا حسيتي بالضرب ماذيج زيدي شوية ماي
الحشوه:بصل مقصصته تحمسينه بالدهن شوي وتحطين لومي مطحون وفلفل اسود وملح
ملاحظه:لاتضيفين الملح ليمن حزت الضرب
الحجي وايد بس بالفعل اسهل منه ماكوو
بس الماي بجذيه صار وااااايد يعني ماعرفت كميته
وبعدين احمس اللحم وايد والا شويه لانه ماينضى بسرررعه وبعدين بعد ما اصب الماي عليه اخلي اللحم يطبخ فيه قبل ما احط الجريش
مشكوره
ودي أجربه
بس خايفة
تسلمييين
بس ليش ما انقعه
بس لي غسلتيه وصبيتيه علي مرقتج يصير احلي والنكه تصير روعههه
على الطريقه