الخالة المصلحجية !!

صباح الخير

بنات في موضوع مضايقني صارله فترة وحبيت اشاركم فيه ……………….

خالتي ام ريلي اكتشفت انها واااااااااااايد مصلحجية فوق الحد الطبيعي يعني اذا تبي شي مني ولا من ولدها احنا الزينين الطيبيبن تدق كل ثانية والكشرة من هني لي هني لا واكثر اذا الشي وراه فلوس خالتي وايد تحب الفلوس يمكن اكثر من عيالها استغفر الله

واذا خلصت من شغلها ماجنها تعرفنا منفسة ماتدق وكله مالها خلقنا ولا تدري عنا يعني انا انحطيت الاسبوع هذا بموقف محرج بسببها شفت خالة ريلي بالجمعية وسلمت علي بنفس شوي !!! وبس قلت لها افا يا ام فلان شفيج ؟ قالت يعني استقبال ولادة بنتي ولا شفناج !!!!!!!!!!!!!!!!!!!!!!!!!!!!!!! بنات انا من الفشيلة توهقت قلت لها والله مادري وانا صاجه

قالت الكل يا الا انتي !! قلت لها والله محد بلغني يعني معقولة ادري وما اييي عموما الحمدالله على سلامتها والبيبي يتربى بعزكم ويوم ركبت السيارة قمت ابجي خالتي وبناتها شنو هالحركات !!!!!!! ليش ماكلفوا على نفسهم يدزولي لو مسج مو عيب اطلع جدام الناس انه انا الشينه واهما السنعييييين !!!! حتى اذا قعدت معاهم ما ايبون طاري بس اشوفهم لابسين وطالعين وانا نوعي ماعندي قطة الويه اللي وين رايحين !

والله حمواتي اذا يبون شي الله يا تحيلق نفس طبع خالتي بالضبط والحين ماكو شي فشوفوا النفسية اللهم ياكافي

صج هالناس ماني عارفه شلون اتعامل معاهم عازليني عن الناس مع اني انا موصية خالتي اي موجب من الاهل بلغوني اروح معاكم الحمدالله احب اوجب الناس واجتماعية

هم من قبل ولدت واحده من اهل ريلي وقريبة عليهم وزينه معاي وماقصرت باستقبال ولادتي وجبتني وباكثر من مناسبة .. راحوا ولا بلغوني !!!!!!!! صج زعلت وطوفت بس لي متى؟؟

(( الموضوع نقلته كامل من لسان اختي لي المنتدى )) نبي ارائكم السنعه