تخطى إلى المحتوى
الرئيسية » الخياط بعد الولاده الطبيعيه عفيه طمنووووووني

الخياط بعد الولاده الطبيعيه عفيه طمنووووووني

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم

بنات
ابي اسالكم عن الخياط اللي بعد الولاده الطبيعيه

هل طبيعي احس بحكه اول الايام مكان الخياط وعورا ؟؟؟

وشنو احسن غسول للمنطقه هذي؟؟

ومتى يطيح الخياط؟؟؟

وشنو احسن انطره يطيح من نفسه ولا اروح للدكتوره تشيله؟؟

وشلون طريقه تنظيفكم هالمكان|؟؟ لاني تعبت من هالشي واخاف بعد لا اجرح نفسي؟؟؟

بليز ابي ردودكم باسرع وقت

وابي ردودكم مع الاقتباس يعني تجاوبون على اسالتي كلها

طمنوني الله يطمنكم؟؟؟؟؟؟؟

الوسوم:

14 أفكار بشأن “الخياط بعد الولاده الطبيعيه عفيه طمنووووووني”

  1. kouka
    الرد
    هل طبيعي احس بحكه اول الايام مكان الخياط وعورا ؟؟؟
    نعم طبيعي وعادي وتحملي.وشنو احسن غسول للمنطقه هذي؟؟
    المستشفى اذا كان خاص…راح يعطونج غسول وبخاخ بيتادين.
    ومتى يطيح الخياط؟؟؟
    اذا من النوع اللي يطيح من نفسه…يختلف من 15 الى 35 يوم
    لكن نصيحتي اذا غسلتي بالماي الدافي وتنشفتي عدل..
    حطي (خواجوا) عجيبه تصك الخياط وتطيح الخيوط بسرعه ومضمونه..احسن من البخاخ
    وشنو احسن انطره يطيح من نفسه ولا اروح للدكتوره تشيله؟؟
    انتي طبعا سألي دكتورج عن الخياط لانهم نوعين في يطيح من نفسه وفي الدكتور لازم يشيله.
    وشلون طريقه تنظيفكم هالمكان|؟؟ لاني تعبت من هالشي واخاف بعد لا اجرح نفسي؟؟؟

    عادي غسلي بالماي الدافي…وغسلي بالمره طبعا تكونين ناقعتها ببطل ماي دافي.

  2. amira
    الرد
    اهم شي لا تخافين تجرحين نفسج و بعدين ما تنظف المنطقه

    حطي بخاخ بينتادين و بعدين مرهم ميبو

    مرتين باليوم

    دهني عدل

    لي اخر يوم نفاس ما عليج

    و انصحج بعد كل مره تروحين الحمام

    شطفي بماي و ملج

    يعني حطي عندج بالحمام بريج خلي فيه ملح خشن

    حطي ماي عليه و تشطفي

    هذا حتى بالأيام العاديه

    لأنه معقم

  3. chahinez
    الرد
    لا تخافين عادي…..انا اغسل في غسول نسائي واحط بيتادين……قبل النوم احط مرهم مضاد حيوي اسمه fucidine وبعدين حتى الخيط اللي يطيح بنفسه مرات ما يطيح….بعد اسبوعين روحي للدكتوره تشيله……ولاتخافين عادي …انا اول ولاده لي علبالي ما راح ارجع مثل اول (حدي كنت ياهل)

  4. chahinez
    الرد
    [quote=هنـــادي87;4502143]السلام عليكم

    بنات
    ابي اسالكم عن الخياط اللي بعد الولاده الطبيعيه

    هل طبيعي احس بحكه اول الايام مكان الخياط وعورا ؟؟؟

    حبيبتي هنوده كل ماتحسين بحكه وعوار مكان الخياط معناتها قاعد يلتئم الجرح حبيبتي

    وشنو احسن غسول للمنطقه هذي؟؟

    انا الدكتوره خالده عطتني غسول بالبابونج عند رويال حياه جنه اب 3 دنانير من صيدليتهم

    ومتى يطيح الخياط؟؟؟

    وشنو احسن انطره يطيح من نفسه ولا اروح للدكتوره تشيله؟؟

    على حسب الدكتوره اهيا تكشف عليج بعد اسبوع وتحدد اذا تنطره لين يطيح ولا تعطيج مراجعه ثانيه علشان اتشايله
    وشلون طريقه تنظيفكم هالمكان|؟؟ لاني تعبت من هالشي واخاف بعد لا اجرح نفسي؟؟؟

    حبيبتي التنظيف يكون تغسلين بالمطهر بعدين تحطين الجل على مكان الجرح مرتين باليوم

  9. chahinez
    الرد
    حبيبتي انا د.نجيبة القطان قالت لي لا تحطين ولااااا شي لا مره ولا ماي وملح بس البخاخ والمرهم اللي تاخذينه من المستشفى بعد الولاده والخياط بروحه يطيح يعني بالكثير بعد اسبوعين ما تحسين بالعوار اهو صج عذاب اول اسبوع بس بعدين عادي انا عندي 2 الله يخليهم وبعد كل نفاس ارد مثل البنت لانها اتسويلي تجميل

  10. hanan
    الرد
    لا تحاتين بس حاولي المنطقة تكون نظيفة ومسحي بشاش مع البيتادين المطهر وعقب حطي كريم فوسيدين يلم الجرح ويسكره بسرعه وسلامات

  11. khouloud
    الرد
    لا تخافين عادى الحكة والعوار ولن المكان محروح والأنسجة تبنى على بعض يعنى الحرح قاعد يلتئم بس انصحج فى كريم مضاد

  12. salima
    الرد
    نصيحة لوجه الله اشتري (((المباركة ))) او (((الصبرة ))) عند العطار…..موووووووووووووووووووووووو طبيعية نقعيها بماي لما تصير كثيفة دهني منها على الجرح تنشفة وتشدة….وتمنع الشمم وتخفف الحكة…حطي داخل خشمج شي بسيط ……..وبتدعيلي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.