مساكم الله بالخير يابناتي .. شلونكم وشخباركم .. عساكم بخير وعافيه ؟؟
.. اليوم بسويلكم طبخه شوي معروفه لكن بطريقه شوي غريبه .. وهي دياي مشوي بالبطل .. سلمكم الله قبل ماعندنا دياي مشوي ولا عندنا شوايات وعموما الدياي كان قليل منا اللي ياكله… لان الكل يخلي الديايه للبيض وبس.. الا عيال التيااار ياكلون الدياي .. وكنا نسوي الدياي المشوي بطريقه غريبه شوي وكنا نستعمل بطل النامليت مع الفرن القديم المصنوع من طين الخاوه .. ولا تقولون هذي عيوز ترى مالحقت على هذي الايام بس تقريبا للحين نسوي الطريقه وتعلمتها من امي العوده ..بس الحين عندكم الافران الزينه وبطل البيبسي وغيره .. والحين بقولكم الطريقه ويالله نبدي
بسم الله بدينا وعلى النبي صلينا .. نحتاج حق طبختنا ديايه .. بطل بييبسي او سفن اب .. فص ثوم . معجون طماط .. فلفل اسود .. ملح .. كمون .. كركم .. هيل مطحون .. كاري .. فلفل اخضر بارد .. هيل خشن .. دارسين خشن .. مسمار
ادري انكم مستغربين وطاقتكم البوهه من بطل البيسبسي .. بس صبروا شوي وانتوا تعرفون .. يابناتي اول شي نغسل الديايه عدل ونتبلها بشوية فلفل اسود وباجي البهار وخليها تتبل شوي .. وبعدين نييب بطل البيبسي ونغسله زين ونحط فيه شويه فلفل اسود وكمون والهيل والدارسين والمسمار الخشن و فص الثوم المدقوق طبعا وفلفل اخضر مقطع صغار ونترس البطل ماي ونييب الديايه ونحطها بالبطل يعني نحط البطل في بطن الديايه ونوقف البطل وبعدين ندهن الديايه من بره بمعجون الطماط ونحط البطل في صينيه وندخله الفرن .. ونشب النار اللي تحت ونخليها بدرجة حراره متوسطه .. بهل حاله الديايه راح تكون واقفه والبطل اللي موقفها وتنشوي من كل مكان والماي المخلوط بالبهار الموجود بالبطل راح يتبخر ويعطي الديايه ريحه طيبه من الداخل وعليكم بالعافيه
ديروبالكم لاتصير الديايه كبيره ولازم حجمها ولمي عشان البطل يكون راكب عليها عدل .. ويقدر يوقفها ..
نصايح امكم العوده
الديايه راح تنز دهنها بالصينيه انصحج تاخذين هل دهن المخلوط بالبهار وتحطينه على عيونج يقولون حريم قبل انه ينفع حق اللي عينها حوله او اللي فيها طرت شسمونه قصدي حسن .. واذا شلتي الديايه من الفرن سحبي البطل من بطنها واذا كان حار يجوز تكفخين فيه ريلج على راسه اذا كان حنان
وشعارنا معروف طبعا والكل لازم يقوله كل يوم الصبح
كونوا معنا في حملتنا ضد الرجال ومحاربتهم من خلال كروشهم .. والهوايه حمايه
مع تحيات امكم العوده
دندره
مساكم الله بالخير يابناتي .. شلونكم وشخباركم .. عساكم بخير وعافيه ؟؟
.. اليوم بسويلكم طبخه شوي معروفه لكن بطريقه شوي غريبه .. وهي دياي مشوي بالبطل .. سلمكم الله قبل ماعندنا دياي مشوي ولا عندنا شوايات وعموما الدياي كان قليل منا اللي ياكله… لان الكل يخلي الديايه للبيض وبس.. الا عيال التيااار ياكلون الدياي .. وكنا نسوي الدياي المشوي بطريقه غريبه شوي وكنا نستعمل بطل النامليت مع الفرن القديم المصنوع من طين الخاوه .. ولا تقولون هذي عيوز ترى مالحقت على هذي الايام بس تقريبا للحين نسوي الطريقه وتعلمتها من امي العوده ..بس الحين عندكم الافران الزينه وبطل البيبسي وغيره .. والحين بقولكم الطريقه ويالله نبدي
بسم الله بدينا وعلى النبي صلينا .. نحتاج حق طبختنا ديايه .. بطل بييبسي او سفن اب .. فص ثوم . معجون طماط .. فلفل اسود .. ملح .. كمون .. كركم .. هيل مطحون .. كاري .. فلفل اخضر بارد .. هيل خشن .. دارسين خشن .. مسمار
ادري انكم مستغربين وطاقتكم البوهه من بطل البيسبسي .. بس صبروا شوي وانتوا تعرفون .. يابناتي اول شي نغسل الديايه عدل ونتبلها بشوية فلفل اسود وباجي البهار وخليها تتبل شوي .. وبعدين نييب بطل البيبسي ونغسله زين ونحط فيه شويه فلفل اسود وكمون والهيل والدارسين والمسمار الخشن و فص الثوم المدقوق طبعا وفلفل اخضر مقطع صغار ونترس البطل ماي ونييب الديايه ونحطها بالبطل يعني نحط البطل في بطن الديايه ونوقف البطل وبعدين ندهن الديايه من بره بمعجون الطماط ونحط البطل في صينيه وندخله الفرن .. ونشب النار اللي تحت ونخليها بدرجة حراره متوسطه .. بهل حاله الديايه راح تكون واقفه والبطل اللي موقفها وتنشوي من كل مكان والماي المخلوط بالبهار الموجود بالبطل راح يتبخر ويعطي الديايه ريحه طيبه من الداخل وعليكم بالعافيه
ديروبالكم لاتصير الديايه كبيره ولازم حجمها ولمي عشان البطل يكون راكب عليها عدل .. ويقدر يوقفها ..
نصايح امكم العوده
الديايه راح تنز دهنها بالصينيه انصحج تاخذين هل دهن المخلوط بالبهار وتحطينه على عيونج يقولون حريم قبل انه ينفع حق اللي عينها حوله او اللي فيها طرت شسمونه قصدي حسن .. واذا شلتي الديايه من الفرن سحبي البطل من بطنها واذا كان حار يجوز تكفخين فيه ريلج على راسه اذا كان حنان
وشعارنا معروف طبعا والكل لازم يقوله كل يوم الصبح
كونوا معنا في حملتنا ضد الرجال ومحاربتهم من خلال كروشهم .. والهوايه حمايه
مع تحيات امكم العوده
دندره
كل واحد يخشله بطل بسرعه
بس سمعيني دندره البطل بيصير مقموت من الديااااااايه الله يحفظج ويحميج
وشرايج الديايه من بره امردغها بصباره؟ علشان تعطيها طعم؟ وبعدين الحفها بداريس علشان تصير تتقروش؟
ولج مني ان طلعت لابطل بكت اللي فيه علي خدامتي بشبو القنبله البارده اللوعه وبعدين اروح حق ريلي واكسر علي راسه هالبطل وبطل ثاني علشان الحبايب
والهوايه فعلا حمايه
بنكيييييييييييي مو الوطني
والتجار يمو اختياري
مممممممممم يمكن انتي تصيرين رئيسة الحزب لان فكرة البطل اللي تكسرينه على راس المقرود حلوه وماخطرت على بالي .. يمه منج ام الخطط ..
انا زي ام الدواهي بالشر تعرف مكاااااااااااني
حياتي
مشكوره
أنا أسوي نفس طريقتج
وتقريبا تشبه طريقة منال العالم
أمسي تسويه علي بطل
بس انا شاريه القالب من السوق
واسويه فيه
وحط بعد عود خشب
وعجيبه
ولذيذه تأكلين لين تشبعين
يم يم يم يم
أشتهيه
باجر بسويه
غداء
وتسلم أيدج يا قلبي
بدعتي..بطل عاد!!
صج!! اذا انفجر؟؟ عاد بطول هالايام غير بطول قبل!!
جك بم..انفجر..ذيج الساعه شغبر بعمري
والهوايه راح تصير قراده
انزين اكو قوالب نفس طريقه البطل!! تنفع تهقين ؟؟
بس مشكوره على الوصفه العجيبه!!
اقولج او شي وينج يالقالطعه ما تبينين في شاي الضحى
ولا ما تبينا هاااااااااااااااااااااااااااااااااااااع
اقولج بالله بالله يعني بالله ثار ابويهي البطل اشيسوى على عاد ديايتج ذيج الساعة
تسلم ايدج حبوبة
دندروة
عليج سوالف
ربي يحرسج
احلى شي بالكله كلها يمكن اجربها علشان هالسطر