ياليت تشرفوني بدخول الموضوع..
السلام عليكم بنات
وأسعد الله أوقاتكم بكل 
شفت موضوع عن بلاستيك سيرجريز اللي هو عملية تغيير لخلق الله
فلقيت كل الردود حتى إذا كانت اللي راده تدري بتحريم هالعمليات تلقينها تمدح وتشكر صاحبة الموضوع!!
بنات خافو الله!!
والله إن صاحبة الموضوع تدري بأن هالشي حرام
وأكيد هي محتاجه لنصيحة
وأصلاً حرام عليكم ما تقولون لها أنها على غلط
ويوم القيامه إذا تحاسبت على هالغلط
وتدري فيج ما نبهتيها بوقتها
بتقولج ليش ما قلتي لي ؟؟؟؟ ليش ما نصحتيني؟؟؟
ياناس خافو الله واتقوه بأخواتكم المسلمات
شي يكدر الخاطر والله
وودي أشوف حملة توعية بهالموضوع
موضوع النصيحة
وموضوع إن هالشي دام إنه حرام ليش إدارة المنتدى ما تمنع هالمواضيع!!!!!!!!!!!
وأيضاً تمنع المواضيع اللي فيها صور خاصة
مثل اللي تصور نفسها وتنزل الصورة فالمنتدى!!
الله يسامح كل وحد شافت معصية وما حاولت تنصح راعيها
وابي أشوف آراءكم لو تفضلتم…………
وآسفه إذا هالموضوع يزعج بعض العضوات
السلام عليكم بنات
وأسعد الله أوقاتكم بكل
شفت موضوع عن بلاستيك سيرجريز اللي هو عملية تغيير لخلق الله
فلقيت كل الردود حتى إذا كانت اللي راده تدري بتحريم هالعمليات تلقينها تمدح وتشكر صاحبة الموضوع!!
بنات خافو الله!!
والله إن صاحبة الموضوع تدري بأن هالشي حرام
وأكيد هي محتاجه لنصيحة
وأصلاً حرام عليكم ما تقولون لها أنها على غلط
ويوم القيامه إذا تحاسبت على هالغلط
وتدري فيج ما نبهتيها بوقتها
بتقولج ليش ما قلتي لي ؟؟؟؟ ليش ما نصحتيني؟؟؟
ياناس خافو الله واتقوه بأخواتكم المسلمات
شي يكدر الخاطر والله
وودي أشوف حملة توعية بهالموضوع
موضوع النصيحة
وموضوع إن هالشي دام إنه حرام ليش إدارة المنتدى ما تمنع هالمواضيع!!!!!!!!!!!
وأيضاً تمنع المواضيع اللي فيها صور خاصة
مثل اللي تصور نفسها وتنزل الصورة فالمنتدى!!
الله يسامح كل وحد شافت معصية وما حاولت تنصح راعيها
وابي أشوف آراءكم لو تفضلتم…………
وآسفه إذا هالموضوع يزعج بعض العضوات
الله يهديهم
مشككورة
وين يحطون بالله البلاستيك؟
سبحان الله كل الأجساد تبلى إلا أجساد الأنبياء _ عليهم السلام-
ألا يعي الإنسان ذلك !!
الله يبعدنا عنه ويبعد كل العضوات
مشكوورة
قال النبي صلى الله عليه وسلم ((من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه))
رواه مسلم*
يعطيـــج العــــــــآفيـــه عالطــرح
مثل تفخ الخدود وتجميل الصدر والخ
كل هذا حرام في حرام ما يجوز تغيير في خلق الله
انصدمت من ردوود البنات ,, واللي تعارضهم وتقولهم حرام مايجوز وفيه حديث انه اللي تسوي جذي تنطرد من رحمة الله ,,
يردون عليها حريه شخصيه !! استغفر الله اذا الله سألج يوم القيامه بتردين عليه حريه شخصيه ؟؟
عالعمووم الله يهدي الجميع
في كذا وحده بالمنتدى ماشاءالله عليها تستلم البنت جنها داشه حرب و تاكل البنت بقشورها .. مابقى شي ماقالته عنها مابقى شي ما تحجت فيه .. تطلعها كافره و مالها دين و و و و .. هالشي بصراحه محد يرضى فيه !!
حلو الواحد ينصح غيره بجم كلمه طيبه و حلوه .. سمع الكلام واهتدى على عيني و على راسي ..
وربي بيآجرني و يآجر البنت ..
ماسمع الكلام كيفه ذنبه على جنبه المهم عرف انه حرام و مايجوز ومستمر فيه وربه بيحاسبه.. في هالحالة خلاااص ماله داعي الحنه والرنه و الطواله و الكلام اللي يجرح و يضاايق !!!! يعني شوفي مثال …
انا اعرف وحده متدينه و انا و رفيجاتي عاادي وانا سفوور و جذي و قسما بالله ندقدق عليها عشان تقعد معانا نحبها حب موووطبيعي اتينننن البنت .. و كل ما قعدنا معاها و سمعتنا نقول كلام مني ولا مني تذكرنا و تنبهنا عالغلط و بس تسكت سمعنا كلامها اهلا و سهلا ما سمعنا كلامها تقولنا (( كيفكم الله بيحاسبكم ))و سبحان الله كل وحده بقلبها تفكر باللي تقوله و اللي تسويه .. حلو ان الواحد يذكر غيره و ينصحه باحترام
يعطيج العافية
شوفي حبيبتي انا معاج بالكلام بس مو كله .. اقصد لي راي ..
في بعض البنات يلجؤن لعمليات التجميل عشان عيب خلقي ..
وللأسف أغلبنا لو شفنا عيب خلقي نقعد نتنابز بالالقاب .. أو نقعد نتسساسر مع بعض على صاحبة العيب الخلقي .. حتى احيانا مو قصدنا نعيب .. لكن منو يدري اللي بقلبنا الظاهر لهم اننا نحش
(( لا تقولون مافي فئة بمجتمعنا ماتقعد تتساسر وتحش اشكره وعيني عينك .. )) لأننا مو منزهين عن الخطأ ولا عشنا في المدينة الفاضلة اللي قال عنها افلاطون ..
…
في بعضهم يلجؤن لتكبير الخلفية ..
وهي مضطرة لذلك .. والسبب ( سي السيد ) أقصد زوجها .. لأن نعرف بعضهم لايعجبهم العجب ولا الصيام برجب ..
…….
وفي فئة ثقتها مهتزة بنفسها وتحاول تجمل بروحها .. اي اهني يكون الموضوع لهم …
ويسترون خطأهم تحت هذا الحديث (( إن الله جميل يحب الجمال )) …
وللأسف بالنهاية يتحسفون وينقلب ضدهم ..
وجمالهم يظل بلاستيك لو مهما سوو .. وشوفي اغلبهم يعجزون بسرعه
وبالفعل هالموضوع رسالة طيبة من اخت طيبة تحبهم ..
…………
وبالنسبة للنصيحة فهذا موضوع خاطري افتحه على الكل واصرح فيه تصريحات نارية .. لأني منزعجة جداً ..
للأسف تلقين بنت كاتبة موضوع والبنت كاتبتلها رد (( ما تخافين الله // حرام عليج //انتي مو مسلمة // انتو شنو ماتعرفين الله )) ..
هذا مو نصح …
للأسف نسوا لو كنت فظا غليظ القلب لانفضوا من حولك
النصيحة بإسلوب وكلام حلو ..
…
ياليت اللي عندها نصيحة تقولها للبنت ع الخاص أو تقولها بنفس الموضوع .. وبطريقة حلوة ومحترمة .. مو بصيغة التوبيخ ..
عمره التوبيخ مانفع مع احد ..
وتحياتي لج يا صاحبة الموضوع ..