أخواتي عضوات المنتدى
السلام عليكم ورحمة الله وبركاته
عزيزاتي أنا مو من الكويت بس بصراحه احبها واحب أهلها
المشكله تكمن في السياحه في الكويت ، يعني بصراحه واحنا في البيت نشعر أن الكويت صايره عروس ننتظر الوقت اللي نزورها في أقرب فرصه ، واسمحوا لي لما نروح نشعر انه إعلام فقط
باقول لكم المواقف اللي صارت لنا
1- سمعنا في الإعلام عن الحفلات التي ستقام في الكويت، ويوم وصلنا مالقينا لا إعلان في الشوارع عن الحفل ، ولا لوحات لمكان حجز تذاكر الحفل، ناهيك عن الوقت اللي تنزفه للسؤال تجلس تسأل فلان وعلان عشان توصل ، ولما سألنا اللي ناخذ منها التذاكر قالت الشارع سيده وتلاقيه ماقالت جانب مجمع ديسكفري ولا في البنايه ما كدونالدز ولما فتحنا التذاكر مافيها أي عنوان والرقم الموجود رقم جريدة الوطن تكلم ما احد يرد عليك ولا كمبيوتر. ظلينا نسأل ساعتين ولا كويتي عرف مكان الحفل مادلنا الا مصري ، آخر مره سألنا كويتي قال أنا ضايع مثلكم ما أدل
وش ذا القاعه المستحدثه للحفل من غير اعلان أو ترتيب،
2- مره قبلها شفنا إعلان مسرحيات في التلفزيون ورحنا نركض ولا نقعد ساعتين ماشفنا ذا المسرح وينه لا إعلانات في الشوارع ولاشي، ولما وصلنا مالقينا تذاكر يعني مافي اعتبار للسياح طيب انا مرتبط بكم يوم وراجع ما اقدر اتأخر خلوا تذاكر مميزه للسواح ولا بلا اعلانات في التلفزيون تطيرون قلوبنا وتخلونا نجي ولا تقدرونا اتمنى صوتي يوصل لكل شركات السياحه اللي بالكويت
أخواتي عضوات المنتدى
السلام عليكم ورحمة الله وبركاته
عزيزاتي أنا مو من الكويت بس بصراحه احبها واحب أهلها
المشكله تكمن في السياحه في الكويت ، يعني بصراحه واحنا في البيت نشعر أن الكويت صايره عروس ننتظر الوقت اللي نزورها في أقرب فرصه ، واسمحوا لي لما نروح نشعر انه إعلام فقط
باقول لكم المواقف اللي صارت لنا
1- سمعنا في الإعلام عن الحفلات التي ستقام في الكويت، ويوم وصلنا مالقينا لا إعلان في الشوارع عن الحفل ، ولا لوحات لمكان حجز تذاكر الحفل، ناهيك عن الوقت اللي تنزفه للسؤال تجلس تسأل فلان وعلان عشان توصل ، ولما سألنا اللي ناخذ منها التذاكر قالت الشارع سيده وتلاقيه ماقالت جانب مجمع ديسكفري ولا في البنايه ما كدونالدز ولما فتحنا التذاكر مافيها أي عنوان والرقم الموجود رقم جريدة الوطن تكلم ما احد يرد عليك ولا كمبيوتر. ظلينا نسأل ساعتين ولا كويتي عرف مكان الحفل مادلنا الا مصري ، آخر مره سألنا كويتي قال أنا ضايع مثلكم ما أدل
وش ذا القاعه المستحدثه للحفل من غير اعلان أو ترتيب،
2- مره قبلها شفنا إعلان مسرحيات في التلفزيون ورحنا نركض ولا نقعد ساعتين ماشفنا ذا المسرح وينه لا إعلانات في الشوارع ولاشي، ولما وصلنا مالقينا تذاكر يعني مافي اعتبار للسياح طيب انا مرتبط بكم يوم وراجع ما اقدر اتأخر خلوا تذاكر مميزه للسواح ولا بلا اعلانات في التلفزيون تطيرون قلوبنا وتخلونا نجي ولا تقدرونا اتمنى صوتي يوصل لكل شركات السياحه اللي بالكويت
حبيبتي نديم معروف ان الحفلات في صالة التزلج وكل سنه تقام فيها ولو سألتي أي كويتي بيقولج !!
يعني شلون تبينهم يعلنون بالشوارع يحطونلج لوحات واسهم من الفندق لي صالة الحفلة مثلا الله يهديج
وبعدين انا معاج ان السياحه يبيلها اهتمام اكثر بالكويت بس مومعناته انه ماعندنا سياحه بالعكس عندنا
والاماكن السياحيه بديرتنا كثيره
مولآتنآ من أرقى المولات
مطآعمنآ من أحلى المطآعم وأفخمهآ
وحدآيقنآ ومنتجعآتنآ على مستوى
والله يديم علينا هالنعم
واللي مو عاجبه لا يجي
وبالنسبه للمولات ترى ماعندنا شي غريب الخليج كله مولاته راقيه ونفس المحلات
واذا بتزورين الكويت مرة ثانيه حياج بديرتج الثانيه وترى الكويت حلوة باهلها الطيبين
واي مكان سياحي والا اي استفسار تبينه عن الكويت حياج بمنتدانا والبنات اللي هني فيهم الخير والبركه
واللي تقول اللي موعاجبه لايجينا اقولها اشوة انج ماتتكلمين باسم اهل الكويت كان مااحد جانا ولااحد حبنا هههههههههههههه
الي يبي يسافر اي دولة اول شئ ياخذ فكره عنها
الانترنت سهل الموضوع وايد على الناس
بعدين اذا كنتي ساكنه فندق فيه بروشورات عن كل فعاليات هلا فبراير وايضا معلومات عن كل الاماكن الترفيهية والسياحية بالكويت
اما اذا ساكنه في شقق فندقيه او اهل ممكن تحصلين البروشورات في المولات
والحين في النافقيتر يسهل على المسافر الوصول الى كل مكان يبيه لا ويعلمه عن اماكن ماكان حاطها في باله
ويمكن الناس الى سألتيهم مايكون هذا من اهتماماتهم لو موقفه اي سائق تاكسي راح يوصف لج ويسهل المهمه
وحياج الله مره ثانيه بالكويت وان شاء الله راح تشوفين الي يسرج
بس سؤالي تعتقدين عنوان الموضوع مناسب
الكلمه اهانه كبيره
يعني شلوون غربله؟؟؟؟
وشدعوه اتقولين ولا انقدر الا احنا اللي انقدر ونقدر بس احنا نفسج مو مالكين الشركات السياحيه
وكيد كل الفنادق حاطين فعليات المهرجان واماكنهم
والحمد السياحه في الكويت خوش شي..المنتجعات موجودة والمولات والمطاعم اللي بأخر الدنيا تلقينها بالكويت..
ليش ان شاء الله يحطون اعلانات عن الحفلات بالشواع احنا قاعدين بسورياا..
حبيبتي احنا ناس متقديمين في اعلانات بالتلفزيون…
نعم و ألف نعم .. الكويت دولة مو سياحية ، و الكل يعرف هذا الشيء ! في عالم السياحة الكويت مالها أي نصيب من السياحة، و أبسط مثال هالهجرة العكسية من شعبها – من أكبر راس لين أصغر راس فيها – في العطل و الإجازات حتى لو يوم واحد !!
الدولة طاردة و ليست جادبة .. سياحياً.
صناعة سياحة ما عندنا ولا نعرف أبجدياتها ! الجماعة حدهم غناوي و مسرحيات … و بس!
إنتهى تعليقي
و أرجو من الأخوات المتحمسات، ما ياخذهم الحماس أكثر من اللازم اللي ما يخليهم يشوفون واقعنا.