الظاهر إني فوق حجمـك عطيتـك

رأسك علامك رافعه يوم أحاكيـك
الظاهر إني فوق حجمـك عطيتـك

لحظه نبي نرجع دقيقـه لماضيـك
بذكـرك فـي أي حالـه لقيـتـك

كان الضيـاع ودمعتيـن تخاويـك
منهار وفي عز انهيـارك خذيتـك

وأرخصت عمري لجل أحبك وأداريك
هدمت قصر الـذل فيـك وبنيتـك

كان الغلا شمعـه تنـور لياليـك

لو أظلمت دنياك جيـت واحتويتـك

يا للأسف كنت أمدحك وأفتخر فيك
رفعت من شانك وعليـت صيتـك

كنت أنت عندي غير ماأقدر أخليـك
أموت وأحيا إن قلت سـم وفديتـك

واليوم أشوفك خنت حتـى مباديـك
صغرت في عيني وأنا اللي هويتـك

الضيف لـو انـه عـدو معاديـك
غصب عليك تقـدره وسـط بيتـك

ياصاحبي بتمـوت مانـي براجيـك
واشره علي ان كان حتى طريتـك

لاصار ذل النفس في قلـب يغليـك
يلعنك ياقلـب عشقـك وشريتـك

اضحك حبيبي دام وقتـك مسليـك
بكره تموت مـن القهـر لانسيتـك