العيادة النفسية – سيبي مشكلتك هنا وانتظري حلها في اقل من 24 ساعة باذن الله

اول شي مشكوره ويعطيك الف عافيه
ثانيا انا مشكلتي بدت من 9 شهور تقريبا
وهي انو وحده من قريباتي فجاه جاها السرطانوبعد اسبوع من اكتشاف المرض توفيت الله يرحمها وحزنت عليها
وبعدها بشهر كنت جالسه لوحدي وحسيت بحراره بالحلق ونفسي سريع وخفت وقلت انو هذا الموت ورحت صليت وصحيت زوجي وقلتله انا بموت وقعديهديني وكانت اطرافي بارده مررره وبعدها قعد يقرا علي ونمت وصحيت ثاني يوم عادي وكاني مو مستوعبه اللي صار
وبعدها باسبوع معدتي عورتني وما قدرت اكل شيوخفت ورحت لاهلي وجلست عندهم شهر مافيني شي
ولما رجعت للبيت جاني شعور غريب اني بموت وجسمي يعرق ودوخه وعدم تركيز وخوووووف شديد ولما اروح لبيت اهلي يروح ولما ارجع لبيتي يزيد
المهم من بعدها وانا تغيرت مررره كرهت البيت وطلعنا منه لبيت ثاني ومعدتي اخذت لها ادويه والحمد لله خفت الالام
بس يدكتوره اللي معي الحين الخوف من الموت اي الم يجيني اقول انو خلاص بموت وصرت كثيرة التعب ودايم اروح للمستشفى واقولهم اني تعبانه وفحوصاتي سليمه بس اقول لا ماعرفو يشخصون
وانا الحين مرره اهملت نفسي ونظافتي الشخصيه وبيتي دايم مو مرتب وخمول وكسل واذا جا وقت النوم اخاف اني انام واحلم باشيءمو زين اقول يمكن احلم باحد ميت ياخذني بعدين اموت او اشياء زي كذا وحالتي مره ماثره على زوجي كل يوميتكلم علي يقول صرتي مهمله بكل شي
يعني دكتوره اهملت نفسي لدرجه غيرمعقوله اطلع للناس بمظهري العادي واول ما كنت كذا واخاف لما زوجي يطلبني اكون متوتره اقول يمكن اموت وانا تحته وعلى جنابه ولبسله ما صرت البس حتى هو يقول اجيك بس عشان افضي شهوتي ولا انتي تسدي النفس يعني ثوبي يقعد علي ثلاث ايام والعطر صرت ما اعرفه بعد ما كنت ما استغني عنه
وبيتي يتوسخ وتنكب اشياءما انظفها والمطبخ تقعد المواعين ايام الين اقوم بالغصب وانظفها
احيانا احس اني مو مركزه واقول انا ليش هنا ولما انادي اولادي احس اني غلطت باساميهم واحيانا لما ينادوني احس اني مو مستوعبه واحيانا امشي بالبيت بعدين كاني استوعب اقول انا ليش هنا
بصراحه مررره تعبت وارجوا اني القى حل عندك لاني خايفه انو بيوم من الايام افقد عقلي وربي تعبت تكفين ساعديني