بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم .. اشلونكم يا كويتيات ، هذي أول مشاركة لي معاكم 
بنات من اسمعت أو جربت القاعدة الشامية ؟؟ اهم ياخذون العيال من سن 4 الى 10 سنين
بنات اللي عندها فكرة تفيدنا!! والله يعطيكم العافية
السلام عليكم .. اشلونكم يا كويتيات ، هذي أول مشاركة لي معاكم
بنات من اسمعت أو جربت القاعدة الشامية ؟؟ اهم ياخذون العيال من سن 4 الى 10 سنين
بنات اللي عندها فكرة تفيدنا!! والله يعطيكم العافية
بصراحه القاعده واااااااااايد حلوه للأمانه
انا كتبت عن الموضوع بقسم المنقاشات بس ما شفت رد
ولدي عمره 4 سنوات دخلته تاسيس عربي وظليت مستمره معاهم لين خلص 4 مستويات عربي وبصراحه من خلصت معاه الكتب صار وااااااايد شاطر بالعربي بالبدايه كنت وانا معاه في الطريج بالسياره كان يقرى المناطق واهو بعده ما كان داخل المدرسه وتفاجئت بيوم انه وصل على تلفوني مسج والا يبطل المسج وقام يقرى اشوي انا بنفس الوقت تضايقت عشان شافه وفرحت عشان بدى يقرى
والحين الكل يشتكي من منهج امل فراشة بيضاء واسراء فراشة ملونه الا ولدي والحمدالله الحين يقدر يتملى اي شي وبدى يقرى قران وهالشي وااايد ونسني فيهم انه يعلم قراءت القران قراءه صحيحه وطبعا هالشي وااايد بيساعده بايات القران ما يغلبني واااايد بحفظهم
والحين عقب ما خلصت العربي دخلته انجليزي منهج اكس فورد وانا جاهزه حق اي سؤال حق خواتي للفايده وعلى فكره عندهم افرع وااايد تقريبا عشر اللي تبي اي فرع وانا اودي ولدي اجيب لكم عناوينهم حق خواتي المؤمنات
والسلام عليكم ورجمة الله وبركاته
يا ريت يا اختي تعطيني عناوينهم …وإذا كان لهم فرع في مدينة سعد العبد الله اليديدة
شنو القاعده الشاميه
غير عن
القاعده الحلبيه
فيدونا الله يعافيكم
القاعده الحلبية غير عن الشاميه بواااااااااااااااااااايد للأمانه انا ولدي بالشاميه الصف عندهم عدد معين عكس الشاميه اقل شي بالصف 25 طالب بالحصه الوحده
وعلى فكره واااااااايد عسولين و يرخصون اذا دخلتي ولدج كذا ماده واللي مألف كتاب العربي خطيب بوزارة الاوقاف عشان تسير قراءت القران قرائه صحيحه واللي يعرف يقرى قران بيعرف يقرى كل شي
وهذا رقم الاداره المسؤله عن كل المراكز بالكويت اتصلي عليهم اهم يشرحون لج المنهج وقولي لهم انتي باي منطقه واهم يقولون اي مكان اقرب لج عرفتوا بالتوفيق انشالله للكل وعقبال عيالهم يتخرجون من الثانويه
97202578
بالتوفيق للجميع واي سؤال ثاني انا بالخدمه
انا لي تجربه معاهم عندي ولد ثالثه ابتدائي بالحكومه وكنت اعاني انه كان وايد ضعيف بالعربي بالقراءه والاملاء والانجليزي بعد اوف معاناه فدخلته القاعده الشاميه العصر في مدرسة الرؤيه فدخلته بعطلت الصيف وكملت معاه حتى مع المدرسه صج انه كان يرجع تعبان من المدرسه والعصر بعد تاسيس وانا دوام بس ضغطت عليه وشجعته والحمدالله الحين وايد تطور بالعربي والانجليزي واملاء العربي ممتاز بالمدود والحركات الحمدالله بصراحه امدحها لكم
على فكره انا كنت اجيب له مدرسة عربي خصوصيه وكنت اقط فلوس بالهبل بس مافي فايده كنت اوفر راحتي مالي خلق اوديه وارجعه وقلت عشان راحته اهو بس كانت تاخذ عالحصه 5 دنانير ولا في فايده
والحين العايله كلها قاعده شاميه اللي رياضيات واللي عربي واللي كذا ماده
وبالتوفيق للجميع وعقبال الامتياز انشالله للجميع
اشرايكم امهات للي جربت القاعده تقول لنا