بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
خواتي ساعدوني الله يخليكم
بسجل ولدي بالكلية الاسترالية لأنه حسب ما عرفت أسعارها أرخص من الامريكية والقست
طبعا على حسابي الشخصي لأنه مالي علاقة بالبعثات وغيرها
أنا ولدي دارس مدرسة أنجليزية
ساعدوني بالتالي
رسوم الكلية الاسترالية شلون
الدراسة فيها هل هي قوية أو لاء؟
اذا هو دارس مدرسة انجليزية هل ضروري ياخذ كورسات الانجليزي؟
منو يدرس فيها يقولي شلون تعاملهم ورسومهم واسلوب الدراسة وتفاصيل كثيرة
السؤاااااااااااااااااااااااااااااال الهاااااااااااااااااااام
هل راح يقدر يحول للجامعة الامريكية أو القست بعد ما يكمل سنتين الدبلوما؟ لو ما كان يبي يكمل بالاسترالية؟ أرجو الرد على هذا السؤال
أرجو مساعدتكم ولا تبخلون علي لاني بروح اسجل ولدي هاليومين
مشكورين
السلام عليكم ورحمة الله وبركاته
خواتي ساعدوني الله يخليكم
بسجل ولدي بالكلية الاسترالية لأنه حسب ما عرفت أسعارها أرخص من الامريكية والقست
طبعا على حسابي الشخصي لأنه مالي علاقة بالبعثات وغيرها
أنا ولدي دارس مدرسة أنجليزية
ساعدوني بالتالي
رسوم الكلية الاسترالية شلون
الدراسة فيها هل هي قوية أو لاء؟
اذا هو دارس مدرسة انجليزية هل ضروري ياخذ كورسات الانجليزي؟
منو يدرس فيها يقولي شلون تعاملهم ورسومهم واسلوب الدراسة وتفاصيل كثيرة
السؤاااااااااااااااااااااااااااااال الهاااااااااااااااااااام
هل راح يقدر يحول للجامعة الامريكية أو القست بعد ما يكمل سنتين الدبلوما؟ لو ما كان يبي يكمل بالاسترالية؟ أرجو الرد على هذا السؤال
أرجو مساعدتكم ولا تبخلون علي لاني بروح اسجل ولدي هاليومين
مشكورين
بالنسبــه للانجليزي .. راح يمتحنونـه قدرات و يشوفون مستواه بالانجليزي .. اذا مو قوي يعطونه تمهيدي سنـه .. و اذا شاطر ما يحتااج
و ان شـاءاللـه البنـات يفيدونـج ..
انا أدرس بقســت .. و وااايد متشدديــن .. اللي سمعتـه عن الاستراليـه انهم متساهليــن و ينجحون و ما عندهم FA عشان جذي ودي أحول عندهم
ولدي من الروضة بالمدارس الاجنبية وان شاء الله ما ياخذ تمهيدي
طيب تقدرين مثلا عقب الدبلوم تحولين للقست أو الامريكية؟ هل هالشي يصير بدون خسارة ساعات؟
وهل البكالوريوس مقبول في التوظيف بالكويت؟
مشكورة يا عمري على مرورج
اي دام من الروضـه دارس انجليزي .. معناتها لا تحاتيـن على سالفة التمهيدي ..
و بالنسبـه للدبلوم .. شوفي هالموضوع ان شـاءاللـه يفيدج
http://www.gustvoice.com/vb/showthread.php?t=8894
و أكيد البكالوريوس مقبـول … مع اني ما أفهـم بسوالف التوظيـف و جذي لأني أول سنــه جامعه .. بس ان شــاءاللـه البنااات يفيدونج
الله يوفقج
الكورس سعره 1650
واذا خلص الدبلوم يقدر يروح الكليه الي يبيها وايد طلبه بعد ماخلصو الدبلوم راحو الجامعه الامريكيه
بس مايقدر يدش قست لانها ماتقبل طلبه الاستراليه
والتمهيدي اول مايدش يمتحنونه ويشوفون مستواه اذا زين على طول يدش دبلوم
واذا لا ياخذ تمهيدي
واي سوال انا حاظره
فدتيني والله
المهم الدراسة زينة بالكلية ومريحة ومافيه مشاكل تواجهكم
وفيه مجال يكمل البكالوريوس
الله يوفقج حبيبتي
على ايامي الدبلوم كان سهل ووايد متساهلين معانا فيه لان المدرسين كانو مسخره نوعا ما
بس على اخر كورس لي شددو ويابو مدرسين سنعين
وبالعكس مادري ليش في ناس عندهم فكره ان الطلبه بالاستراليه مايسقطون وماكو FA !!!
الي ينزل معدل حضوره عن 65% على طول يسقط بالماده .. بالدبلوم الحضور شي مهم جدا جدا جدا
عقب ماتخلصين دبلوم لج 3 اختيارات
1-يا انج تكملين بالاستراليه << صراحه وايد صعبه وفرق شدييييييد بين الجامعه والدبلوم وايد طلبه سقطو باول كورس لان عبالهم وناسه والدكاتره متساهلين مثل الدبلوم بس بصراحه الدكاتره كلهم عسسسل الا واحد اخ منه انشالله ينطرد
2- تروحين الخليج ويعادلون لج 30 وحده بس اي مايعادل تقريبا سنه
3- تروحين الامريكيه قبل كانو يعادلون السنتين كاملين بس عقب مافتحو بكالريوس بالاستراليه نقصوها لين 45 والحين صارت 15 وحده @@ بس اخر مره كلمت وحده تشتغل بالاداره قالت ان الحين في اجتماعات مع الجامعه الامريكيه يخلون التحويل 30 مادري 40 وحده بدال 15 لان وايد ظلم بس 15 وحده !!
وبالنسبه للاسعار سعر الكورس : 1695 بالنسبه للكورسات الانقليزيه
1860 بالنسبه حق كورس تخصص اداره اعمال
والهندسه ماني متاكده بس على مااعتقد 2200
وعشان يكمل بكالريوس لازم المعدل مايقل عن 3 نقاط اذا يبي بعثه واذا على حسابج الخاص 2.45
وبخصوص انها ارخص من الامريكيه حبيبتي لا حدج غلطانه الامريكيه وايد نزلو اسعارهم عقب ماصارت سالفت سحب الاعتراف ..
وسعر الاستراليه مايفرق عن الخليج بوايد
اي ونسيت اقولج سعر الماده الوحده بنظام البكالريوس 620
واهم شي ان الاداره حدهم عسل ويهبلون عكس اداره الامريكيه الي ايبون المرررض !
اي سؤال ثاني انا حاضره
بس غريب سالفة الامريكية ما تاخذ الا 15 كردت بس؟
اللي اعرفه انها تعادل السنتين كاملين
طيب وإيش فايدة انه تدرسين دبلوم سنتين وتتعبين روحج وبالاخير ما تعادلهم الامريكية وتحسب الربع بس
اذا من الاساس ابتدي بالامريكية بدال ما ادفع سنتين واتعب بالاسترالية وبالاخير تيي الامريكية ما تحسبهم
على فكرة القست ما تقبل طلبة الاسترالية
وبعد أنا سألت الامريكية أسعارهم 175 دينار على للساعة يطلع الفصل الاول والثاني مو أقل من 5 الاف وخمسية دينار
وفعلا كلامج رسوم الاسترالية نفس رسوم الامريكية واللقست بالنسبة للبكالوريوس
دام الدبلوم والبكالريوس معتمدين من التعليم العالي مفروض الامريكية والقست تعتمد التحويل
الله يوفقج حبيبتي وتتخرجين بتقدير عالي إن شاء الله
تسلمين بس يا ليت اعرف جم وحده الدبلوم وهل يوجد صيفي والا لازم سنتين كاملين؟
وسؤال معلش حبيبتي هل تتوفر المواصلات للطلبة؟
مشكورة حبيبتي
متى آخر يوم للتسجيل للطلبة الجدد في الاسترالية للفصل الأول؟
دراسة على حسابي وليس ابتعاث
الرجاء الافادة
مشكورين
الامريكيه مالها علاقه بالاستراليه ونظام الدراسه يختلف وايد وايد
احنا ندرس بنظام استرالي واهما يدرسون بالنظام الامريكي الي تقريبا كل جامعات العالم تدرس فيه عشان جذي ماقامو يعادلون كل السنتين :d وايد بنات راحو الامريكيه وسحبو يقولون وايد ظلم والاداره زفت
وامبلا الخليج يعادلون 30 وحده.. رفيجاتي توهم مسجلين
مو كل سنه ينزلون صيفي لان ساعات يكون في نقص بالمدرسين والدبلوم 60 مادري 65 وحده مو متاكده ;s
والتسجيل مادري بالضبط متى يسكر بس اتوقع ان الاسبوع الياي اخر اسبوع
الله يوفقج إن شاء الله ما قصرتي كفيتي ووفيتي