اللي ابتلشوا بالدور الثاني من عيالهم,,,تعالوا نساعد بعض

ماشالله شكل طلبة الكويت متفوقين كلهم < لان محد رد

هههههههههه

الله يعينج ويوفق عيالج

انا اخوي 3 ثانوي ودور ثاني بالكيميا والرياضيات

سجله ابوي بمعهد في حولي وبدا دراسة من شهر 7 جنه

وغالي مو رخيصصصصصص بس ناسيه الماده بجم !

انا ولدي برابعه ابتدائي من الدفعه اللي قرت لهم الوزيره دور ثاني…وانا متوهقه معاه اوف مالي خلق ادرسه بس شاسوي بلشت افتح الكتب واحاول معاه والمشكله ان الجو كلش مو مال دراسه ….وما يشجع بس شاسوي ابي ادزه باي طريقه اعتقد تو الناس على السقوط …لاحقين بعدين شراح نسوي معاه ؟؟؟؟الله يهداها الوزيره جان دزتهم ونجحتهم مالي خلق ادرس كلش ""صج ما ننعطى ويه ""

بس باحاول اشوف له مدرس خصوصي """الله يسامحك يا حسون على هالسالفه """

السلام عليكم
همن انا عندي ولدي بالصف الثامن وعليه دور ثاني يالانجليزي وقاعدة احوس ادور له مدرس عدل مع انه موفاهم شي بالانجليزي

والله يعينا حرام يعدي السنة عشان مادة مع اني تعبت معاه بالامتحانات بس هذا المكتوب
الله يوفقهم ولا ييخيب تعبهم امين

أنا ولدي بتاسع وعنده دور ثاني بالرياضيات والعلوم والإجتماعيات ودخلته تقويه بالمدرسه تابع معهد المعلمين بمنطقتنا بس الرياضيات والعلوم وعقب باكر آخر يوم لهم بالتقويه صارلهم شهر ونص تقريبا ومن يوم الأحد إلي فات يدرس اجتماعيات بمعهد التقدم العلمي بالسالمية وإن شاء الله قبل الإمتحانات ياخذ له جم ساعه بالمعهد للرياضيات والعلوم والله الموفق وبإذنه ينجح الله يستر

آمين يارب العالمين ينجح وتنجح بنيتك وكل بنت أو ولد عليهم دور ثاني والله كل بيت يشكي من الدور الثاني أنا ولدي وايد مهمل ويبي بس يكشخ ويطلع إسم الله حافظه ما يسمع الكلام وتعرفين بعد الربع وسوالفهم مادري منو قايله قزرها وخلص على الراحه ومن بعدها ماله خلق بس يسأل يما إلي بالجيش جم معاشهم مع إني مو مقصره عليه بشي وما يلبس إلا الماركات وأنا كل يوم اجذب عليه شوي اقوله إلي بالجيش يهاوشونهم ويطقونهم ويعذبونهم علشان يشيل السالفه من راسه بعد عمري كان بالإبتدائي من الأوائل حتى بأولى متوسط بس من بعدها وكل سنه يبشرنا بالدور الثاني حتى القرآن الكريم بسابع كان عنده دور ثاني الله يصلحه ويهديه

اذا ما ردت دزي لها خاص لانها من زمان شاركت بالموضوع

اللهم امين,,,وينجح كل الطلبه