بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
اليوم موضوعنا حق اللي جربوا الكمام اثناء الطلق وشنو كان شعورهم واهم حاطين الكمام وشنو المواقف اللي صارت معاهم علشان نستمتع مع بعض ونهون على الحمل خوفهم من الولاده
انا بقول لكم تجربتي اول ولاده لما حطيت الكمام قالت لي السستر اخذي نفس جان ادوخ حسيت اني بعالم ثاني والله حسيت ان روحي اطلعت وقمت اشوف شغلات تضحك المهم قعدت اضحك بصوت عالي لما فتحت عيني الا انا على سرير الولاده وقاعده اضحك بصوت عالي لما استوعبت الوضع انحرجت وسكت
بالولاده الثانيه يعني كنت خبره بالولاده .gif "Eh S(15)")
كنت احط الكمام شوي ولما ادوخ اشيله سويته لعبه وكنت افكر بيني وبين نفسي المدمنين لما يتعاطون يكون شعورهم مثل الكمام ولا غير .gif "Eh S(6)")
بس لما الدكتور نزل الماي وبدا الطلق الصجي لصقت الكمام على ويهي لصق
خلونا نسمع تجاربكم ونستمتع مع بعض
اليوم موضوعنا حق اللي جربوا الكمام اثناء الطلق وشنو كان شعورهم واهم حاطين الكمام وشنو المواقف اللي صارت معاهم علشان نستمتع مع بعض ونهون على الحمل خوفهم من الولاده
انا بقول لكم تجربتي اول ولاده لما حطيت الكمام قالت لي السستر اخذي نفس جان ادوخ حسيت اني بعالم ثاني والله حسيت ان روحي اطلعت وقمت اشوف شغلات تضحك المهم قعدت اضحك بصوت عالي لما فتحت عيني الا انا على سرير الولاده وقاعده اضحك بصوت عالي لما استوعبت الوضع انحرجت وسكت
بالولاده الثانيه يعني كنت خبره بالولاده
بس لما الدكتور نزل الماي وبدا الطلق الصجي لصقت الكمام على ويهي لصق
خلونا نسمع تجاربكم ونستمتع مع بعض
جان اقول ليش انقطع بتسبح
حسبالي تقول الماي انقطع
الحال من بعضه
تدرين من حطية الكمام طرة فالغرفه جني حمامه
وفصلة فصله بغية اصور نفسي كان نقالي عند راسي بس قلت لا اخاف اموت ويشوفون صورتي اهلي وعور قلوبهم
صج المتعاطي يعيش جووو
وكل الشكر لج يختي علاااا هالموضوع
والله يهون علي وعلاااا خواتي انا داشه شهري ابي منج الدعاااء لي ان الله يهون علي
اللي يسمع سوالفنا يقول هذيل بعد ما راح يفكرون يحملون بعد بس سبحان الله النسيان نعمه والولادة بوقتها تكون صعبه بس بعدين تكون ذكرى حلوه والله يخلي لنا عيالنا ويرزق اللي ما عنده قولوا آمين
وناطره منكم المزيد من المواقف.gif "Eh S(6)")
انا ليما حطوا لي الكمام اسحب هوا واحس انه براطمي اكبروا ونشف عندي الماي الي بحلجي واحس انه بلاعيمي تخدروااا واذا ياني الطلق اقعد اصرخ وتقولي السستر مدام شمي واشم من خشمي وبعدها تذكرت اختي تقولي تنفسي من حلجج واقول للسستر ماتخدرت يوم تذكرت اختي شفطت من حلجي الا انا بسابع نومه لوووووووووووول بس سبحان الله يوم صار الطلق اسمع السستر تنادي وكلامها ينعاد عشرين مره
انا باخر الخامس وميته خوف
تخيلو بحط كل اساليب الراحه ابي ابرة ظهر وكمام اقول لزوجي موراضي على ابرة الظهر يقول موزينه بس كمام
عسى الله يهون علي وعلى كل حامل يارب ويرزق كل محروم
انا كنت اعاند الحمد الله والشكر اذا شميته احس اني اتكلم بالبطيء وكلمي يوصلهم بالبطي ماخذيته عدل
استغفر الله والله الولاده سبحان الله جنها حلم ننسى بسرعه
جذي الكمام يدوخ ويخليج تروحين عالم ثاني
الله يستر علينا مادري شبصير فينا وقت الولاده
اول مادشيت غرفه الولاده من الالم قلت السستر عطيني الكمام بسرعه واحطه على خشمي
وانطر 5 دقايق ماتخدرت !!! والحريم يقولون سيده تخدرين ياربي شفيه الكمام لايكون
قاصين على وماشغلوه جان اقول هيه سستر ماتخدرت الطلق ذبحني
وتقول ياماما شمي شمي <<< حشى مخدرات وانا اشهد انها مخدرات
وانا اشم من قمه راسي لين رجولي وعلمي بروحي من قالت شمي هههههه
وحسيت بحاجه بسيطه يوم السستر تقولي شدي بكل قووووتها واسمع كلمتها عشرين مره
تضرب اذني وبعدها ماحسيت الا وانا خالصه ياااااسلام شعور حلو صراحه
وقلت خلاص انشاء الله كل ولاداتي الجايه بأذن الله كماااااااااااام
والله ولا حسيته يسوي أي شي بس أحطه ثواني وأشيله من الألم
وما حسيه خفف عني العوار ليش ؟؟ قولولي شسوي لأني قريبا عندي ولاده بعد
والله الكمام احسن اختراع—- كنت داشه الغرفة واقولهم وين الكمام ابي الكمام ( حدي ميته من الخوووووووووف )— طبعا من خذيته دخت وصار الكلام بطئ ويتكرر مليووووون مرة
وما احس بنفسي ومن يشيلونه مني واصحي ارد اصرخ ابي كماااااااااام—- لين صرت مدمنة كمام
ثاني ولاده دخلت تسمت على السرير وقلتلها كمام يله وحطولي ورحت بسابع نومه لما يت الدكتوره وشالنه واتقولي اشفيج ترافسين وتصرخين بغيتي اطيحين من السرير والا اشوف اربع سيسترات غير الدكتوره واضحك على روحي واكمل احط الكمام والله لما تغمض اعيوني واخدر خلاص ما ادري ليش كله تفكيري بالموت والقبور والله وجنه ربي يحاسبني انا شسوي احرك ايدي اشوف مت والا لا امبييييييييييه صج لما اذكر هالموقف اضحك على روحي بس حزت طلعت الراس بشيلون الكمام ةوانا قاضبه لما انكسر بيدي بدلوه وخلووووو بس اكسجين نحاسه فيني جان اقطه وادز والله لما اطلعت عيني وتخيلو انه ولدي صعد فوق وتييي السستر وتضغط على بطني وانا حاطه الكمام على ويهي لما ولدت وانا امجلبه فيه عاااااد بعدبن ما ادري شنو صار
اما الولاده الثالثه هذي ان شاءالله راح اكتب عن قريب اخر الاخبار وقصتي ادعولي ما بقى شي