اللي بتستخدم ابرة المانع تدخل بسرعة،،شوفو شصار امس بخالتي !!!

السلام

اول واخيرا هدفي من الموضوع افادة اكبر عدد من الحريم

لأن موضوع الموانع وايد مأزمنا طبعا ..

ومثل ماتدرون ان في ابر مانع .. ووايد حريم يترددون فيها

انا وحدة من الحريم اللي استخدمتها لمدة سنة وحدة .. وصار فيني نزيف لمدة شهرين بسببها فوقتها

وماصدقت على الله تنظمت هرموناتي مرة ثانية

الموهم يامحفوظين السلامة

امس خالتي فجأة طاحت علينا (اخت امي

) وازرقت وحاشتها لوعة واعراض غريبة

يه زوجها طياااارة حق مبارك

سوولها فحوصات قالولها مشتبهين بجلطة بالرئة

نوموها ..

توني تطمنت عليها تدرون شنو قال الدكتور !!!!!!!

شنو الموانع اللي تستخدمينها ؟؟؟
قالتله الابر .. صارلي بو سنتين جذي

جان يقولها الابر اخطر نوع وإييلنا تقارير عن حالات تستخدم الابر ويصير فيها جلطات
فظروري توقفينها ..

**هالكلام على ذمة دكتور بمستشفى مبارك اهو اللي قالنا جذي**

والحين خالتي حالتها صعبة وقاعدين يكملولها باجي التحاليل والله يستر!!!

انا قلت انبهكم لأن صج اخترعت يوم دريت جذي

ويليت تفيدون كل اللي تعرفونهم ..

وماعلى الرسول الا البلاغ .. والواحد اللي يحبه لنفسه لازم يحبه لغيره وينصحه