اللي زوجها راعي دوانيه وتحب تبدع له بالطبخ تتفضل هني .

مشكووووووره خوش موضوع ونبي همة الطباخات السنعات

اقتباس:

المشاركة الأصلية كتبت بواسطة ام هزاع انا نفس الحاله زوجي وربعه بينهم دورية وتعالي شوفي المجاكر بين الحريم وكل واحد يهايط بطبخ مرته .. كل شي اعرفه سويته ابي شي جديد وابدااااااااع … مشكووووووره خوش موضوع ونبي همة الطباخات السنعات

ام هزاع هلا والله نورتي … حده مجاكر

ابي خبراتج ام هزاع تكفين تراني توني بدايه بالطبخ لا تخليني

نصف توتست بايريكس طبقتين تالي نشربه بالشيره نسوي مهلبيه ونحط ماي ورد وهيل وزعفران وعقب نصبه فووق التوست ونزينه بالفستق

راح ابدي معاج بسلطة الالوان انا مسميتها جذيه … خخخخخخخخخخ بس روووعه

المقادير :

بطاط
بيدجان
فلفل بارد الوان اخضر واصفر واحمر ..
بقدونس
الصلصه الايطالية الشفافه اكيد نعرفينها ..

الطريقه :
قطعي البطاط طوال والبيدجان بعد نفس الشي وقليهم بالزيت وخليهم بره ..
بعدين قصي الفلفل الالوان طوال
حطيهم فوق بعض

بعدين اخذي شدة البقدونس وحطيها بالخلاط وصبي عليها الصلصه الايطاليه …..

عقب حطيها عالبطاط والبديجان والفلفل البارد وحركيها وقدميها وبالعااااافية

ماراح تندميييييييييييييييييييييييين والكل بيتعجب من طعمها

وعواااااااااااافي مقدما

كرواسون الدجاج بالكريمه :

المقادير :

دجاجه مسلوقه منزوعة الجلد وعقب تقطعينها نفس المسحب ..

عدة الحمسه : يعني كل شي تبين تحمسينه مع الدجاج حطيه كيفج انا طبعا باالاضافة للبهارات والماجي احط بصل صغار وشوووووية ثوم وجزر مبشور وفلفل بارد ومشروم بس مو دايما …

عقب جيبي الميني كرواسان الساده ووحشيها بالحمسة وصفيها بالبايروكس

سوي هالخلطة : ربع جبن كرفت . علبة قيمر كي دي دي . و3 قفشات مايونيز وصبيها فوق الكرواسون … وحطيها بالفرن ليما تحمش من فوووق

وبالعااافية

الله يجزاج الجنة ويشافيج ويشافي اميمتج يااااااااااااااااااارب