الليلكي ملك فساتين السهرات >>> وصل تلفتو يااااالحاضرين

عندي فستان سهره لونه ليلكي رااااااااااايق
لونه يجنن ويناسب البيض اكثر لانه بيفصل في لونهن
قليل كلمه يجنن عليه والله اني اللي كنت اميرة الحفل

معليش ترا الصور مب معطيته حقه
لكن اقولكم لونه ليلكي يعني بنفسجي غاااااااااااااااامج اورقنزا
مع ترتر مشكوك على الصدر ومنثور على بقية الفستان بطريقة الاوراق
والموديل الاصلي لمصمم في دار ازياء اجنبيه والله اني ماني فاكره منو
بس عاد حطيت عليه شويه من لمساتي الخاصه
من الامام نلاحظ على الفستان حركة الستاره تبدا وتنتهي من الخلف عند مجموعه من الورود
كما ان التكسير من الامام قصير وينتهي بالطول من الخلف (ذيل خفيف) فتحة الصدر كما هي واضحه واسعه نوعا ما والاكتاف تكون ظاهره فقط راس الكتفثم يكتمل الكم الى المرفق وينتهي الكم بكلوش واسع على حافته تطريزه خاصه يعني اناقه وشياكه وفخخخخخخخخخخخخخخامه

ايه باقي عندي بعض القطع من الشك حق الصدر بالنسبه لي كنت لابسه جزمه عنابيه كرمكم الله وحاطه قطعتين من الورود في مقدمة الصندل وكان عالي نوعا ما

عاااااااااااد تخيلو المنظر مع الاضاءه والطول والمشي بوسط الناس
بالنسبه للمقاس فهو من مديم الى لارج مع ملاحظة ان طولي 160سم يعني تقدرون اتضوقون على راحتكم يعطي مساحه
والسعر 650 ريال شامله التوصيل بفدكس

الحين اخليكم مع الصور وان شاء الله تكون كافيه

الموديل من الخلف واسفل
[IMG]http://www.ghalay.com/up/get-7-****-pk6gm1d0.jpg[/IMG]

الموديل كامل من الخلف
[IMG]http://www.ghalay.com/up/get-7-****-pav5owl7.jpg[/IMG]

الفستان كامل من الامام
[IMG]http://www.ghalay.com/up/get-7-****-3ho0jb81.jpg[/IMG]

صوره اقرب من الخلف

[IMG]http://www.ghalay.com/up/get-7-****-7f9tgl46.jpg[/IMG]
صوره اوضح من الامام في تباين للالوان

[IMG]http://www.ghalay.com/up/get-7-****-0kmz2mar.jpg[/IMG]

صوره مقربه من الخلف
[IMG]http://www.ghalay.com/up/get-7-****-7f9tgl46.jpg[/IMG]

صوره مقربه للصدر من الامام مع تباين في الالوان للتوضيح
[IMG]http://www.ghalay.com/up/get-7-****-o6cm6auz.jpg[/IMG]

صوره اخرى للصدر مع كيس الجوال

[IMG]http://www.ghalay.com/up/get-7-****-5obwg45x.jpg[/IMG]
صوره مقربه للكم

[IMG]http://www.ghalay.com/up/get-7-****-kair96v9.jpg[/IMG]
والان عطوني رايكم