بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
بنات ممكن طريقتها ؟
وشكرا لي اي اخت تساعدني بالوصفه
_03ba:
السلام عليكم
بنات ممكن طريقتها ؟
وشكرا لي اي اخت تساعدني بالوصفه_03ba:
وانا عارفه ان طبق المهلبيه سهل لكن في وايد بنات يشتكون ومايعرفون يضبطونه
وحبيت اوريكم شكلها واقولكم على سر معرفة استوائها
المقادير:
4 كاس حليب سائل
4 ملعقة طعام مملوة من النشا
سكر حسب الرغبه (انا احط فنجانين قوه سكر )
ملعقة ونص ماء زهر او ملعقه
واشوي هيل اذا تحبين
الطريقه:
نخلط كل هالمقادير ماعدا ماء الزهر على النار ونحرك فيها بهدووء
والحين راح اقولكم على السر :22:
راح نشوف على الوجه مثل الطبقه البيضه الفاتحه وهى كل ماحركتيها على النار راح تختفي
ولما تبدي تختفي هذا معناها ان المهلبية استوت خليها دقيقتييييين وراح تثخن بسرعه
بعدها حطي ماء الزهر وحركيها اشوي وتعالي شمي الريييييحه اممممممممم ووخريها على النار حتى ماتثخن وايد
وصبيها في قالب كبير مثل هذا
ونحطها بالثلاجه حتى تبرد تماما
وبعدها اغرفي منها او وزعيها حسب الطلب
شايفين هذى الطبقه؟؟؟ عشان جذيه انا احطها في وعاء كبير واشيل هالطبقه واغرف المهلبيه
وطبعا نزينها برشه من الفستق المبشور بس ماكان عندي وقتها
وان شاء الله تضبط معاكم ان جربتوها
منقول
المقادير:
اربع اكواب حليب سائل
سته ملاعق دقيق رز مصري
4ملاعق نشاء
كوب سكر
كوب ماء اذا لزم
ماء الزهر
مكسرات للتزين
الطريقة:
يخلط الحليب و دقيق الرز والنشا و السكر على البارد ثم توضع فوق النار مع التحريك المستمر حتى يغلظ قوامه .
يبعد القدر عن النار و يعطر بماء الزهر ثم يسكب في صحون صغيرة و يرش الوجه بالمكسرات .
– توضع المهلبية في الثلاجة حتى وقت التقديم .
مهلبية قمر الدين
المقادير :
1- نصف باكيت قمر الدين (مشمش) –
2- كاسة سكر
3- 10 ملاعق كبيرة نشا
4- 6 ملاعق كبيرة حليب
5- 6 كاسات ماء
6- جوز هند للتزيين
الطريقة:
– يتم نقع قمر الدين في مقدار 6 كاسات ماء لمدة ساعة
– يخلط قمر الدين في الخلاط
– نضيف كمية النشاوالحليب على قمر الدين ويوضع علىنار هادئة لمدة 20 دقيقةمع التحريك المستمر إلى أن يصبح المزين ثخين نوع ما.
– يسكب في صحون ويزين بجوز الهند
– يوضع في الثلاجة ويقدم باردا
وغافله
الطرق سهله وواضحه يعطيج العافيه
يعطيج العافيه غافله
وعليج بالعافيه ام ناصر ^_^
3 اكواب حليب سائل +3 ملاعق كبيرة نشا و3ملاعق صغيرة سكر تذوبينهم وتحطينهم على النار لحد مايثخن
بعد ماتوخرينها عن النار تكونين مجهزة ربع كوب ماى زهر بس اختارى نوعيه زينه ………..انا عادة اخذلا من مطحنه الرفاعى واهم شى يكمل الطعم 3 حبات مستكه تطحنينهم وترشينهم على المهلبيه تخلطينها عدل وتصبينها بصحن وتدخل الثلاجه ……….اكلى وادعيلى
اللى علمتنى الطريقه تسوى المهلبيه بدون سكر وتحط عليها قطر ماى زهر وكل واحد يحط كثر مايحب وصج صج لذيذه
بالعافيه