السلام عليكم يا كويتياتنا 
ابي اسألكم سؤال يقرقع بقلبي وفيني حيرة ما بعدها حيرة
انتو اذا عندكم اكثر من طفل وبتسجلونهم مدارس خاصة وطبعا الاسعار ناااااااااار بس شنسوي شر لابد منه
وهل انتو بتمشونهم على طول خاص ولا بس الابتدائية
انا عيالي 2 في كيمبرج kg1 kg2بس الاسعار قصت ظهري وما اقدر اتخيل ان طول حياتي جذي يعني ما كو سفرات ولا صرف مثل اول وما في كماليات مثل اول- وكل من قالي حوليهم حكومة وانتي قويهم دروس خصوصية ونوادي
شرايكم -انتو تسون جمعيات ولا بالاقساط تدفعون ؟؟؟؟
يعني ابي رايكم من ناحية مادية وعندي بنتي بعد سنتين بدش بعد .gif "Eh S(1)")
يعني كل سنةادفع خمسة الآف علي المدارس >>>>قلت اتحمل بس مرحلة الابتدائي والباجي حكومة؟
صراحة انا بين نارين ما ادري شنو اسوي
وانا بالتربية يعني المعاشات مالت العطلة كلها تنزل مرة وحدة وكلها او اغلبها ادفعها على المدرسة واقعد بالصيفايدي على خدي
وابونا مو راضي لانه يبي حكومة 
صج معاشاتنا قوية لكن هالخاصة من اولها (اطمت وسطي)
ابي مشورتكم الاقتصادية.gif "Eh S(8)")
السلام عليكم يا كويتياتنا
ابي اسألكم سؤال يقرقع بقلبي وفيني حيرة ما بعدها حيرة
انتو اذا عندكم اكثر من طفل وبتسجلونهم مدارس خاصة وطبعا الاسعار ناااااااااار بس شنسوي شر لابد منه
وهل انتو بتمشونهم على طول خاص ولا بس الابتدائية
انا عيالي 2 في كيمبرج kg1 kg2بس الاسعار قصت ظهري وما اقدر اتخيل ان طول حياتي جذي يعني ما كو سفرات ولا صرف مثل اول وما في كماليات مثل اول- وكل من قالي حوليهم حكومة وانتي قويهم دروس خصوصية ونوادي
شرايكم -انتو تسون جمعيات ولا بالاقساط تدفعون ؟؟؟؟
يعني ابي رايكم من ناحية مادية وعندي بنتي بعد سنتين بدش بعد
يعني كل سنةادفع خمسة الآف علي المدارس >>>>قلت اتحمل بس مرحلة الابتدائي والباجي حكومة؟
صراحة انا بين نارين ما ادري شنو اسوي
وانا بالتربية يعني المعاشات مالت العطلة كلها تنزل مرة وحدة وكلها او اغلبها ادفعها على المدرسة واقعد بالصيفايدي على خدي
وابونا مو راضي لانه يبي حكومة
صج معاشاتنا قوية لكن هالخاصة من اولها (اطمت وسطي)
ابي مشورتكم الاقتصادية
انا ما عندي يهال بسن المدارستوني اول بيبي
بس حبيت ابدي رايي في كيمبرج ..
صديقتي دخلت ولدها هناك بس ابتدائي والحين في مدرسه حكوميه بجنوب السره ..
المهم اهي تبهذلت الحين بسبه اللغه .. ولدها شاطر بالانجليزي وفي باقي المواد ميييييييييييييييح تأذت حييييل الحين مبتلشه بمدرسين الخصوصي كل يوم يا مدرس عربي او مدرس رياضيات .. وعلى هالحال ..
تقول طلعته من الخاص عشان قصوا ظهري بالفلوس مع ان معاشها زين ماشالله مدرسه وابتلشت الحين بمدرسين الخصوصي ..
والله يعينج حبيبتي ..
بس ما حبيت اقرى بدون ما ارد
ان شاء الله البنات يساعدونج
امبيه انا عيل ماعاشي مش ولابد وانا نفسي ادرس بجامعه خاصه وبنتي بعد بكمبرج المنقف
انا وابوها انتساعد على اقصادها يعني النص بالنص او الثلاث ارباع اهو وانا الربع
للأمانه تقطينهم على مدرسة وانشاله فيهم فايده ولاتقطين الفلوس على هدوم وخلاجين وسفرات ,, الفلوس راحه رايحه
لوووووووووول
وعلى قولتج بستأسيس وبعدين حد الدووسه لين الحكومه
شوروااا علي لا تبخلون عاااااد
انا ولدي بمدرسة المستقبل اللي بالفحيحيلkg2 بس هذي ثنائية اللغة مو انجليزية نفس كامبردج وانشاللة السنة الجاية اخوة يدش وياة kg1 انشاللة وبصراحة انا بالبداية زوجي كان رافض الفكرة نهائيا ويقول شفيها مدارس الحكومة…وكان يبيني انا اتحمل بروحي التكاليف بس بالمسايس اللة هداة …والحين عقب سنتين قاعد ينصح ربعة يدخلون عيالهم المستقبل لان صراحة شاف استفادة كبيرة بولدي (اسم اللة علية) بالانجليزي والعربي وحتى شخصيتة تغيرت ويقول مستواة احسن من مستوى عيال اخواني اللي بثانية ابتدائي بالحكومة؟؟؟تخيلي…
واذا عالفلوس واللة الفلوس رايح عالخرابيط واشياء تافهة شنو يعني بالسنة لما تقاصدين الف وشوي عشان تعليم عيالج باجر ينفعة هالتعليم انشاللة لما يدش الجامعة ويدرس دكتوراة ولاهندسة الحين بعد كل شي معتمد عاللغة
وسلامتكم
كل شهر بحساب ثانى سرى حتى زوجى ما يدرى عنه احول 50 او 100 دينار اللى اقدر عليه ودفعيه مقدم للمدرسه او سددى كاش
او انج تدشين جمعيه بسعر حلو واستلميها على توقيت المدارس
الله يعيينا ويعيينج والله اثرى حريم الكويت قالها على هالموال
ويسهل عليج امووورج
ويوفق اعياااالكم كلللهم
بصراااحه انا نفس ماقالو خواااتي
اذا انتي مدخلتهم ويشفتي انهم زينين حرااام تغيرين مدرستهم وتودينهم حكووومه
اذا تعودوا عالمدرسة وجوها ماراح يتاقلمون على الحكوومة
واذا على الفلوووس صح كلام الاخت اللي قبلي
ودخلي جمعيااات مع الحريم وهم ريلج لازم يسااعدج
هذووول اعيااالج حشاااشة يووفج
الله يحفظهم لج
وانشالله تشوفينهم دكاااترة باااجر
تبين الصج
اللي يدخل عياله لان فلان وفلنتان وعلنتان مددخلين عيالهم
انسان ماعنده سالفه ونظرته للامور جدا ضيقه
وعبدللمظاهر
ياما ناس عيالهم لو شنو ماينجحون والغلط من الاهل سواءا بخاص او حكوممه الرك علي الاهل والتدريس واستعياب الياهل وقدرته
اما ليش مدارس خاصه انا اقولج
عيل اكو مدرسه كل المدرسات حمل ويويولدون مع بعض علشان فلانه لاتطلع اجازه وانا امسك الشغل عنها؟
خواتي مدرسات وقاعده اشوف معاناتهم مع اللي وياهم بالقسم
كلهم حمل كلهم يولودون وخواتي مو متزواجات ياكلون هوا بالضغط عليهم بالشغل
ومن تحمل اللهم ياكافي خلاص شالت ايدها من المدرسه مرضي ولاتشوفونها لا السنه اللي عقبها الله يتمم عليها كيفها بس شذنب اليهال اللي مدرساتهم مضغوطييييييييييييييييين ومو قادرين يعطون 100 % بسبه الغيره والحسد
ثاني شغله
المناهج المناهج وماادراكي ما المناهج !!!
ايامنا وايام مع حمد قلم راحت
الحين حتا لااحرف بنلغون بيدرسون علي النطق يعني الياهل مايعرف يكون كلمه بروحه ويفججه مثلنا!
شالفايده مادري
سستم مافيه نجاح وسقوط علشان تعرفين مقدره الياهل واعمال السنه !
ولي صارو عاشر جك بوووووووووووووووووووم سقوووووووووووووووووووووط الا من رحم ربييييييييييي
والله اختي مدرسه لهالمرحله تحلف عندها ططالبات مايعرفون يجمعون ويعدون مو وحده ولاثنتين ولاثلاث وااااااااااايد
قبل مومهتمين لان مايهم شنو نتيجتهم المهم ماشين وناجحين مايعوديون سنه
لما يوصلون المحك
يرووسون
ولما تشوفين هالشي
تخافين علي عيالج والا لأ؟
اكيد بتدورين لهم الافضل والانسب
موشرط ترا مدرسه انجليزيه رسومها كذا لاف بالسنه
في مدارس رسومها مناسبه وتدرسيها اسلامي واكثر من رائع ويهتمون بالطفل لاقصي حد
وفي مدارس عريبه عجيبه منها القطوف واسلاميه واوائل الكويت منها !وروسمها ميتين او ثلاثميه
يعني مو فشخره علي الفاضي بالعكس